Luke 14:13 - Vakavakadewa Vou kei na iVola tale eso

¹³ Ia ni o sa caka magiti, sureti ira na dravudravua, na lokiloki, na gera, na mataboko;

Ai Vola Tabu (Vakadewa Makawa Vakavoutaki 2021)

¹³ Ia ni ko sa caka magiti, sureti ira na dravudravua, na lokiloki, na gera, na mataboko.

AI VOLA TABU

¹³ Ia ni ko sa cakava na magiti, sureti ira na dravudravua, na lokiloki, na gera, na mataboko:

Vakavakadewa Makawa

¹³ Ia ni ko sa caka magiti, sureti ira na dravudravua, na lokiloki, na gera, na mataboko:

Ai Vola Tabu Ena Vakavakadewa Vou

¹³ Ia ni o sa caka magiti, sureti ira na dravudravua, na lokiloki, na gera, na mataboko;

Luke 14:13 Iomraidhean Croise

2 Samuela 6:19

ka veivotayaka na kakana vei ira kece sara. A sa vota vua na tagane kei na yalewa yadudua e tau yadua na i buli madrai, e yadua na tiki ni lewe ni manumanu sa vavi oti, kei eso na keke sa waki vata kei na qerepi mamaca. Era a qai veisukayaki yani na tamata yadua ki na nona vale.

2 Veigauna 30:24

A solia o Esekaia na tui Juta vei ira na lewenivanua e 1,000 na bulumakau, kei na 7,000 na sipi. O ira na i vakalesilesi era a solia tale e 1,000 na bulumakau kei na 10,000 na sipi. Era a vakasavasavataki e vuqa na bete ena soqo oqo.

Niemaia 8:10

A qai kaya vei ira o Niemaia, “Ni dui lesu ki na nomuni veivale ka ia na solevu. Ni wasea na kemuni kakana kei na memuni waini vata kei ira e lailai na kedra kei na medra. Na siga oqo sa tabu vua na noda Turaga, ka mo ni kakua ni rarawa kina. Na marau ena solia vei kemuni o Jiova ena vakaukauwataki kemuni.

Niemaia 8:12

Era sa qai dui lesu na tamata ki na nodra vale me ra la'ki kana ka gunu ena marau, ka wasea talega vei ira eso tale, baleta ni ra sa kila na veika sa wiliki oqo vei ira.

Jope 29:13

Era vakacaucautaki au na tamata ka vakaleqai sara vakaca, Ka'u a vukei ira na yada me ra tiko vakacegu ka marau.

Vosavakaibalebale 14:31

Ni o vakararawataka e dua na tamata dravudravua, o sa beca na Kalou ka a buli koya.

Vosavakaibalebale 22:9

Mo lomasoli ka vota na kemu kakana vei ira na dravudravua, o na qai vakalougatataki kina.

Aisea 58:10

Kevaka o ni vakani ira era viakana, ka vakamamautaki ira era leqa tu, Ena qai vuki me rarama ni yakavi siga na butobuto sa wavokiti kemuni.

Aisea 58:7

E vota na kena vei ira era viakana, Ka dolava na nona vale vei ira na dravudravua e sega na nodra vale. Ena solia na i sulu vei ira e sega na ka era daramaka, Ka via vukei ira na wekadra.

Maciu 15:30

Era sa qai lako mai vua e lewe vuqa sara ka ra kauti ira mai na lokiloki, na gera, na mataboko, na galu, kei ira na lewe vuqa tale, ka ra mai vakotori ira ena yava i Jisu, ka mani vakabulai ira o koya.

Maciu 22:10

Era sa qai lako yani o ira na tamata oqori ki na veigaunisala, ka vakasoqoni ira kece mai era sa kunea, se ra vinaka se ra ca, ka sa sinai na vale levu ni vakawati vei ira na tamata.

Luke 11:41

Ia ni solia me ka ni loloma vei ira na dravudravua na veika sa tu vei kemuni, ka raica sa na savasava vei kemuni na ka kecega.

Luke 14:12

Sa qai kaya talega o Jisu vua na tamata ka a sureti koya, “Ni o sa cakava e dua na magiti me i vakasigalevu se i vakayakavi, kakua ni sureti ira na nomu i tokani, se na tuakamu, se na tacimu, se o ira na wekamu, se o ira na kai nomu vutuniyau — de ra na sureti iko tale e muri me kena i dole, ka sa na saumi lesu kina vei iko na ka o a cakava.

Luke 14:14

o na qai kalougata kina, ka ni ra na sega ni dolea rawa vei iko e dua na ka. Ena qai dolea vei iko na Kalou ena siga ni nodra tucake tale mai na mate na yalododonu.”

Luke 14:21

“Sa qai lesu tale na tamata dauveiqaravi ka tukuna na veika o ya vua na nona turaga. A sa cudru vakalevu na i taukei ni vale, ka kaya vua na nona tamata dauveiqaravi, ‘Lako vakatotolo ki na veigaunisala kei na veisaqata ni koro ka kauti ira mai na dravudravua, kei ira na lokiloki, kei ira na mataboko, kei ira era sa sega ni lako rawa vakavinaka.’

Cakacaka 9:39

A sa vakarautaki koya sara o Pita ka lako vata yani kei ira. Ni sa yaco yani, era sa kauti koya sara ki na i taba vale e cake. Era wavokiti koya na yada kece, ka ra tagi ka vakaraitaka vua na kote leleka kei na i sulu eso ka dau cula o Tokasa ni a se bula ka tiko vata kei ira.

Vakarua 14:29

Na kakana oqo me kedra na Livai, baleta ni sega na ka era taukena, me kedra talega na vulagi, na luveniyali, kei ira na yada era tiko ena nomuni veikorokoro me ra mai kana ka mamau ena qai vakalougatataki kemuni vakaidina o Jiova na nomuni Kalou ena veika kecega o ni sa cakava.

Vakarua 16:11

Mo ni cakava ena reki ena mata i Jiova vata kei ira na luvemuni, kei ira na nomuni dauveiqaravi na Livai, kei na vulagi, kei na luveniyali, kei na yada era tiko ena nomuni veikoro. Ni cakava na ka oqo ena vanua sa digitaki me dau qaravi kina na Kalou.

Vakarua 16:14

Mo ni marautaka vata kei ira na luvemuni, na nomuni dauveiqaravi, na Livai, na vulagi, na luveniyali, kei ira na yada era tiko ena nomuni dui veikoro.

1 Timoci 3:2

O koya sa veiliutaki ena loma ni lotu me tawa cala, me dua ga na watina, me tamata mamakutu, me yalomatua, me i tovo vinaka, me tamata vakasama vinaka, me dauvakacegui ira na tamata ena nona vale, me matau sara ena cakacaka ni veivakavulici;

1 Timoci 5:10

ni sa dodonu me vakairogorogo o koya ena vuku ni nona cakacaka vinaka, me vaka e dua sa daususugi ira vinaka na luvena, ka sa dau dolava na nona vale vei ira na vulagi, ka dau savata na yavadra na tamata ni Kalou, ka dauvukei ira na leqa, ka dausoli koya ki na veicakacaka vinaka kecega.

Vei Taito 1:8

Ia sa dodonu ga me tamata dau vakacegui ira na vulagi, me dau vinakata na ka kecega e vinaka, me yalomatua, me yalododonu, yalosavasava ka me dau lewai koya vakavinaka;

Filimoni 1:7

Ni sa ka levu na noqu reki kei na vakacegu ena vuku ni nomu loloma, na wekaqu, ka ni sa vakabulabulataki na lomadra na tamata ni Kalou ena vukumu.

Iperiu 13:2

Ni kakua ni guilecava mo ni dau veikidavaki ka vakacegui ira na vulagi ena nomuni vale. Eso era a kitaka vakakina ka ra sega tiko ni kila ni ra sa kidavaka ka vakacegui ira tiko eso na agilosi.