Luke 13:35 - Vakavakadewa Vou kei na iVola tale eso

³⁵ Raica, sa biu wale tu mai na nomu Valenisoro. Au sa kaya vei kemuni ni o ni na sega ni raici au tale me yacova na gauna ni o sa kaya kina, ‘Sa kalougata o koya sa lako mai ena yaca ni Turaga!’ ”

Ai Vola Tabu (Vakadewa Makawa Vakavoutaki 2021)

³⁵ Raica, sa qai biu tu vei kemudou na nomudou vale ka sa lala didi. Ia ka’u sa kaya vakaidina vei kemudou ni dou na sega ni raici au tale, ka malua me yaco mada na siga dou na kaya kina, ‘Sa kalougata ko koya sa lako mai e na yaca ni Turaga!’ ”

AI VOLA TABU

³⁵ Raica, sa qai biu tu vei kemudou na nomudou vale ka sa laladidi: ia kaʼu sa kava vakaidina vei kemudou, Dou na sega ni raici au tale, ka malua me yaco mada na siga dou na kaya kina, Sa kalougata ko koya sa lako mai e na yaca ni Turaga.

Vakavakadewa Makawa

³⁵ Raica, sa qai biu tu vei kemudou na nomudou vale ka sa laladidi: ia ka’u sa kaya vakaidina vei kemudou. Dou na sega ni raici au tale, ka malua me yaco mada na siga dou na kaya kina, Sa kalougata ko koya sa lako mai e na yaca ni Turaga.

Ai Vola Tabu Ena Vakavakadewa Vou

³⁵ Raica, sa biu wale tu mai na nomu Valenisoro. Au sa kaya vei kemuni ni o ni na sega ni raici au tale me yacova na gauna ni o sa kaya kina, ‘Sa kalougata o koya sa lako mai ena yaca ni Turaga!’ ”

Luke 13:35 Iomraidhean Croise

NA SAME 118:26

Me qai vakalougatataki o koya sa lako mai ena yaca i Jiova. Keimami sa vakavinavinakataki kemuni mai na Valenisoro i Jiova.

NA SAME 69:25

Me biu lala tu mai na nodra keba; Ka me sega ni dua me vo bula ena nodra valelaca!

Aisea 52:7

Sa na dua na ka rairai vinaka Na noda raica na nona lako kosova mai na veiulunivanua, O koya sa kauta mai na i tukutuku vinaka; Na i tukutuku ni vakacegu. Sa mai kacivaka na qaqa o koya, ka kaya ki Saioni, “Sa tui na nomu Kalou!”

Jeremaia 22:5

Ia kevaka o ni sega ni muria na veivosa oqo au sa yalataka vakataki au vei kemuni ni na rusa na i tikotiko vakatui oqo. Oi au, o Jiova, sa vosa vakaoqo.

Jeremaia 35:17

Sa i koya oqo a kaya kina na Turaga Qaqa na nodra Kalou na Isireli, ‘Au sa na kauta mai vei kemuni na lewe i Juta kei Jerusalemi na veivakarusai au a yalataka. Au na cakava na ka oqo baleta ni o ni bese ni vakarorogo ena gauna au a vosa kina vei kemuni, ka bese ni rogo mai ni'u kacivi kemuni.”

Maika 3:12

O koya oqo, ena vukumuni, ena siviyarataki kina o Saioni me vaka e dua na i teitei, o Jerusalemi ena yaco me dua ga na i rusarusa ni koro, ka na dua na veikau loa na delana sa toka kina na Valenisoro.

Sakaraia 12:10

Au na qai vakasinaiti ira na kawa i Tevita kei ira na lewe i Jerusalemi ena yalo ni veikauwaitaki loloma kei na yalo ni daumasu. Era na qai rai yani ki vua era a suaka, ka ra tagicaka me vaka na nodra tagicaka na mate ni dua na gone e le dua voli ga. Era na tagi vakaukauwa sara me vakataki ira era tagicaka na mate ni nodra ulumatua tagane.

Sakaraia 14:2

Ena kauti ira kece vata mai na veimatanitu o Jiova me ra valuti Jerusalemi. Ena vesuki na koro, ena butakoci na i yau ni veivale, ka ra kucuvi na yalewa. Era na kau vakabobula e veimama na lewe ni koro, ia o ira na kena vo era na sega ni kau tani.

Maciu 21:9

Ia o ira na lewe vuqa era liu tiko kei ira era muri, era sa qai kacivaka, “Osana vua na Luve i Tevita! Me vakacaucautaki o koya sa lako mai ena yaca ni Turaga! Osana ena veiyasana cecere sara!”

Maciu 23:37

“Isa, Jerusalemi, i Jerusalemi! O iko o a vakamatei ira na parofita, ka vakaviriki ira ena vatu na tamata era talai yani vei iko! Sa vakavuqa na noqu tovolea me'u vakasoqoni ira vata na luvemu, me vaka na nona vakasoqoni ira vata na luvena na tina ni toa ena ruku ni tabana, ia dou a sega ni vinakata!

Luke 19:41

Ia ni sa toro voleka sara yani o Jisu, ka raica na koro, sa qai tagicaka,

Luke 21:24

Era na vakamatei ena i seleiwau, ka ra na kau vakabobula ki na veivanua eso; ka ra na buturaki Jerusalemi sobu na veimatanitu tani, me yacova ni sa oti na nodra gauna.

Joni 12:13

Era sa qai taura na drau ni niusawa ka la'ki tavaki koya, ka ra kacivaka, “Me vakalagilagi na Kalou! Sa vakalougatataka na Kalou na tamata sa lako mai ena yaca ni Turaga! Sa vakalougatataka na Kalou na nodra Tui na Isireli!”