Luke 13:34 - Vakavakadewa Vou kei na iVola tale eso

³⁴ “Isa Jerusalemi, isa Jerusalemi! O iko o a vakamatei ira na parofita, ka vakaviriki ira ena vatu na i talatala sa tala yani vei iko na Kalou! Sa vakavuqa na noqu vakasoqoni ira vata na luvemu, me vaka na nona vakasoqoni ira vata na luvena na tina ni toa ena ruku ni tabana, ia o a sega ga ni vinakata!

Ai Vola Tabu (Vakadewa Makawa Vakavoutaki 2021)

³⁴ Isa! Jerusalemi, Isa! Jerusalemi, ko iko sa vakamatei ira na parofita, ka vakaviriki ira e na vatu era sa talai vei iko! E vuqa na siga ka’u a via vakasoqoni ira vata kina na luvemu, me vaka sa vakasoqona na luvena na toa yalewa e ruku ni tabana, ia dou sa sega ni vinakata!

AI VOLA TABU

³⁴ I Jerusalemi, i Jerusalemi, o iko sa vakamatei ira na parofita, ka viriki ira e na vatu era sa talai vei iko: e vuqa na siga kaʼu a via vakasoqoni ira vata na luvemu, me vakai ira na luvena na toa yalewa e ruku ni tabana, ia dou sa sega ni vinakata!

Vakavakadewa Makawa

³⁴ Isa! Jerusalemi, Isa! Jerusalemi, ko iko sa vakamatei ira na parofita, ka vakaviriki ira e na vatu era sa talai vei iko! e vuqa na siga ka’u a via vakasoqoni ira vata na luvemu, me vaka sa vakasoqona na luvena na toa yalewa e ruku ni tabana, ia dou sa sega ni vinakata!

Ai Vola Tabu Ena Vakavakadewa Vou

³⁴ “Isa Jerusalemi, isa Jerusalemi! O iko o a vakamatei ira na parofita, ka vakaviriki ira ena vatu na i talatala sa tala yani vei iko na Kalou! Sa vakavuqa na noqu vakasoqoni ira vata na luvemu, me vaka na nona vakasoqoni ira vata na luvena na tina ni toa ena ruku ni tabana, ia o a sega ga ni vinakata!

Luke 13:34 Iomraidhean Croise

Niemaia 9:26

Ia era sa talaidredre ga ka vuki tani mai vei kemuni. Era sa vakanadakuya na nomuni Lawa ka vakamatei ira na nomuni parofita - o ira era a vakasalataki ira me ra lesu yani vei kemuni; ia, era cakava ga na veika ni veivakacudrui lelevu.

Niemaia 9:30

O ni a vosoti ira tikoga ka vuqa na yabaki ka vakasalataki ira na Yalomuni ka tiko vei ira na nomuni parofita, ia era a sega ga ni via rogoca. O koya o ni a soli ira tale kina ki na ligadra na lewe ni vanua.

NA SAME 149:2

Mo reki Isireli ena vuku i koya a buli iko. Ni reki na lewe i Saioni ena vuku ni nomuni tui!

NA SAME 17:8

Ni taqomaki au me vaka na nomuni taqomaka na yaloka ni matamuni, Ka vunitaki au ena yaloyalo ni tabamuni, Mai vei ira na tamata ca era via vakacacani au.

NA SAME 36:7

Sa ka talei dina na nomuni loloma tudei. Na tamata kecega era sa kunea na nodra taqomaki ena yaloyalo ni tabamuni.

NA SAME 57:1

Ni yalololoma vei au, na Kalou, ni yalololoma vei au, Ni'u sa lako mai vei kemuni me'u taqomaki. Au sa mai kunea na veitaqomaki ena yaloyalo ni tabamuni Me yacova ni sa oti na cava kaukauwa.

NA SAME 81:13

Kevaka era a vakarorogo mada ga vei au na noqu tamata Au diva me ra talairawarawa vei au.

NA SAME 91:4

Ia, ena ubi iko ga o koya ena ruku ni tabana; Ka maroroi iko vinaka ena nona loloma; Ena taqomaki iko ka totaki iko na nona yalodina.

Aisea 30:15

A sa kaya o Jiova ni lewevuqa, na Kalou savasava i Isireli: “Ni lesu mai ka dinati au mo ni bula kina; O ni sa na qai kaukauwa ka tudei.” Ia o ni sa bese ga ni cakava!

Aisea 50:2

A cava au sa sega ni kunea kina e dua na tamata Ena noqu lako yani me'u vakabulai ira? A cava era sega ni rogo mai kina ni'u kaci yani? Au sa rui malumalumu beka me'u ia na veivakabulai? Sa rawa vei au me'u vakamamacataka na wasawasa ena noqu vosa ga, Ka'u vukica na veiuciwai me vanua dravuisiga Me ra mate kina na ika ni sa sega na wai.

Jeremaia 2:30

Au a totogitaki ira na luvemuni, ia sa sega ni yaga, era sa sega ni vulica rawa e dua na ka. O ni sa vakamatei ira na nomuni parofita ena i seleiwau me vaka na laioni cudrucudru.

Jeremaia 26:23

E ratou a kauti Uraia lesu mai vei Jo-akimi na tui ka vakamatei koya, ena i seleiwau ka viritaka na yagona ena kedra i bulubulu na tamata wale.

Jeremaia 35:14

O ira na kawa i Jonatapi era a muria na nona i vakaro me ra kakua ni gunu waini, a sega sara ni dua vei ira a bau gunu waini me yacova na siga edaidai, baleta ni ra muria na i vakaro ni nodra qase. Ia oi au, au a vosa tikoga vei kemuni, o ni a sega sara ni vakarorogo vei au.

Jeremaia 35:17

Sa i koya oqo a kaya kina na Turaga Qaqa na nodra Kalou na Isireli, ‘Au sa na kauta mai vei kemuni na lewe i Juta kei Jerusalemi na veivakarusai au a yalataka. Au na cakava na ka oqo baleta ni o ni bese ni vakarorogo ena gauna au a vosa kina vei kemuni, ka bese ni rogo mai ni'u kacivi kemuni.”

Jeremaia 6:16

A sa kaya o Jiova vei ira na nona tamata, “Ni tu ena veibasoga ni sala ka vakararai; taroga na veigaunisala makawa e liu. E vei na sala e uasivi? Lako kina o na kune vakacegu.” Ia era a qai kaya, “Keimami na sega ni lako kina!”

Lele i Jeremaia 1:16

Ia ka'u sa tagi ena vuku ni ka oqo; Sa drodro vakayauyau na wai ni mataqu; Ni sa yawa mai vei au na dauveivakacegui, O koya me vakayaloqaqataki au tale; Era sa biu wale tu ga na luvequ Ni sa gumatua vei ira na kedra meca.

Lele i Jeremaia 4:13

Sa yaco ga ena vuku ni i valavala ca Mai vei ira na nona parofita kei na bete, O ira sa vakadavea na nodra dra na yalododonu Ena loma ni vanua.

Osea 11:2

Ia na levu ga ni noqu kacivi koya, Na levu talega ni nona vuki tani mai vei au. Na noqu tamata era sa vakacaboisoro vei Peali; Era sa vakama na ka boi vinaka ki na matakau eso.

Osea 11:7

O ira na noqu tamata era sa nakita ga me ra vuki tani mai vei au. Era na tagi vakalevu ena vuku ni i vua sa vakataqari e domodra, ia ena sega ga ni dua ena laveta tani mai vei ira.

Joeli 2:23

Dou marau, na luve i Saioni, Ka reki ena Turaga, na nomudou Kalou, Ni sa vakatauca na uca Me nomudou i vakadinadina; Sa vakatauca vakalevu na uca vei kemudou, Na uca taumada kei na uca taumuri Me vaka ena gauna e liu.

Sakaraia 1:4

Ni kakua sara ni vakataki ira na nomuni qase e liu. Era a solia vei ira na noqu i tukutuku o ira na parofita era a bula tu ena gauna makawa sara, ka tukuni kina vei ira me ra sa kakua soti ni bula voli ena i valavala ca. Ia era a sega ni vakarorogo se ra talairawarawa vei au.

Maciu 22:3

Sa qai talai ira yani na nona tamata me ra sa la'ki kacivi ira mai era sureti ki na kana magiti ni vakawati, ia era sa qai sega ni via lako mai.

Maciu 22:6

ia o ira na kena vo era sa qai tauri ira na nona tamata, ka vakacacani ira, ka vakamatei ira.

Luke 15:28

“A sa cudru vakalevu sara o tuakana ka bese ni curu ki vale. Sa qai curu mai ki tautuba o tamana ka vakamasuti koya me curu yani ki loma.

Luke 19:44

ka talaraki iko ki ra; o iko kei ira na luvemu era tiko vei iko, ka ra na sega ni laiva me vo vei iko na veivatu era veitaqataqai tu, baleta ni o a sega ni kila na gauna sa mai sikovi iko kina na Kalou me vakabulai iko!”

Luke 23:28

Sa qai vuki kivei ira o Jisu ka kaya, “Oi kemudou na yalewa ni Jerusalemi, dou kakua ni tagicaki au, ia dou tagicaki kemudou ga kei ira na luvemudou.

Cakacaka 7:52

E a bau dua li vei ira na parofita me ra a sega ni vakacacana o ira na nomuni qase? Era a vakamatei ira era a mai tukuna rawa tiko e liu na lako mai nei Koya Na Yalododonu, o koya o ni a qai mai bukiveretaka ka vakamatea.

Cakacaka 7:59

Ia ni ra sa vakaviriki Sitiveni tiko ena vatu sa qai kaci o koya vua na Turaga, ka kaya, “Turaga Jisu, ni taura yani na yaloqu!”

Cakacaka 8:1

E a dodonu vinaka tu vei Saula na vakamatei nei Sitiveni. A vakatekivu sara talega ena siga o ya e dua na veivakacacani levu vei ira na i soqosoqo lewenilotu ka ra tiko mai Jerusalemi. Era a mani veiseyaki kece kina na lewenilotu ki na loma ni yasana o Jutia kei Samaria, ka vakavo ga o iratou na i apositolo.

Vakarua 32:29

Era sega ni raica rawa na vu ni nodra vakadrukai; era sa sega ni kila rawa na i balebale ni veika sa yaco.

Vakarua 5:29

Kevaka mada ga ena dau vaka tu ga oqo na nodra vakanananu me ra rerevaki au ka talairawarawa ki na noqu vunau me na rawa ni ra vinaka kina kei ira na nodra kawa ka tawa mudu.

Vakatakila 11:8

ka na biu wale tu ga na yagodrau ena saqata ni koro levu, ena vanua sa lauvako kina na nodrau Turaga ki na kauveilatai. A sa vakatokai vakaibalebale se vakaiyaloyalo na koro o ya me o Sotoma, se o Ijipita.

Ruci 2:12

Me qai sauma vei iko o Jiova na nomu caka vinaka. Me qai sauma vakavinaka sara vei iko o Jiova na Kalou i Isireli; o koya o sa mai vakarurugi kina oqo ena ruku ni tabana.”