Luke 12:5 - Vakavakadewa Vou kei na iVola tale eso

⁵ Ia ka'u na vakasalataki kemudou se o cei mo dou rerevaka: dou rerevaki koya ga e tu vua na kaukauwa me biuta na tamata ki eli ni sa vakamatea oti. Dou vakabauti au, ni sai koya ga oqori mo dou rerevaka!

Ai Vola Tabu (Vakadewa Makawa Vakavoutaki 2021)

⁵ Ia ka’u sa tukuna vei kemudou se ko cei mo dou rerevaka: dou rerevaki koya sa rawata me vakamatea, ka oti sa rawata talega me biuta ki eli. Io, au sa kaya vei kemudou, dou rerevaki koya.

AI VOLA TABU

⁵ Ia kaʼu na tukuna vei kemudou se ko cei mo dou rerevaka: Dou rerevaki koya, ni sa vakamatea oti, sa rawata talega me biuta ki eli; io, au sa kaya vei kemudou, Dou rerevaki koya.

Vakavakadewa Makawa

⁵ Ia ka’u sa tukuna vei kemudou se ko cei mo dou rerevaka: Dou rerevaki koya sa rawata me vakamatea, ka oti sa rawata talega me biuta ki eli; io, au sa kaya vei kemudou, Dou rerevaki koya.

Ai Vola Tabu Ena Vakavakadewa Vou

⁵ Ia ka'u na vakasalataki kemudou se o cei mo dou rerevaka: dou rerevaki koya ga e tu vua na kaukauwa me biuta na tamata ki eli ni sa vakamatea oti. Dou vakabauti au, ni sai koya ga oqori mo dou rerevaka!

Luke 12:5 Iomraidhean Croise

NA SAME 9:17

Sa nodra i votavota kecega na tamata ca na mate, O ira kece era vakanadakuya na Kalou.

Vosavakaibalebale 14:26

Na rerevaki Jiova sa solia na veivakadeitaki kei na veikaroni vua e dua na tamata kei na nona vuvale.

Jeremaia 10:7

O cei me sega ni rerevaki kemuni Na tui ni veimatanitu? Sa dodonu mo ni rerevaki ka rokovi. Sa sega e dua sa tautauvata kei kemuni Vei ira na tamata vuku ni veimatanitu.

Jeremaia 41:18

me ra yawa tani mai kina vei ira na kai Papiloni. Era a rerevaki ira na kai Papiloni baleta ni a labati Ketalaia o Isimeli, ka lesia na tui Papiloni me kovana e Juta.

Jeremaia 5:22

Oi au na nomuni Kalou, a cava o ni sega ni rerevaki au kina? A cava o ni sega ni sautaninini kina e mataqu? Au yalana na i yalayala ni waitui ena nuku me sega ni mudu ka na sega ni rawa ni voroki ena vadugu kei na kaukauwa ni ua.

Maciu 10:28

Mo dou kakua talega ni rerevaki ira era rawa ni vakamatea na yago, ka ra sega ni rawata me vakamatea na yalo; dou rerevaki koya ga e rawa ni vakarusa ruarua na yalo kei na yago mai eli.

Maciu 25:41

“Ena qai tukuna talega o koya vei ira ena yasana i mawi, ‘Ni lako tani vei au, oi kemuni sa cudruvi! Ni lako sara ki na bukawaqa tawamudu sa vakarautaki tu vua na tevoro kei ira na nona agilosi!

Maciu 25:46

Era na qai lako tani o ira oqo ki na cudruvi tawamudu, ia o ira na yalododonu ki na bula tawamudu.”

Maciu 5:22

Ia au sa kaya vei kemudou oqo, o koya ga sa cudruva na wekana ena lewai ena mataveilewai; kei koya e vosa beca na wekana ena lewai ena matabose e cake, kei koya sa rulaka na wekana ena lewai ena buka mai eli.

Marika 13:23

Dou qarauni kemudou vinaka! Au sa tukuna rawa na veika oqo vei kemudou ni bera ni yaco mai na kena gauna.

1 Cesalonaika 4:6

Ena vuku ni ka oqo me kakua ni dua na tagane me caka cala kina se via la'ki siova na ka e nona na wekana, ni sa dau veivakatotogitaki na Turaga ena veika oqo. Keitou a sa tukuna oti na ka oqo ka vakaroti kemuni kina vakabibi e liu.

Iperiu 10:31

Sa dua na ka vakadomobula me da lutu ki na liga ni Kalou bula!

2 Pita 2:4

A sa sega ni lomani ira na agilosi i valavala ca na Kalou, ia sa biuti ira ga ki eli, ena vanua butobuto me ra tiko kina ka yacova na Siga ni Lewa.

Vakatakila 14:7

Sa qai kaya ena domolevu o koya, “Ni rerevaka na Kalou ka vakacaucautaka na nona lagilagi! Ni sa yaco mai oqo na gauna me vakataulewa kina o koya. Mo ni cuva vua sa bulia na lomalagi, na vuravura, na wasawasa, kei na veimataniwai!”

Vakatakila 15:4

Turaga, o cei li me na sega ni rerevaki kemuni? O cei li ena bese ni via vakalagilagia na yacamuni? Ni sai kemuni ga sa yalosavasava. Era na lako kece mai na veimatanitu Ka ra na cuva e matamuni, Ni ra sa raica kecega na tamata na nomuni cakacaka dodonu.”

Vakatakila 20:14

E rau sa qai viritaki ki na drano bukawaqa o mate kei na nodra vuravura na mate. (Na drano bukawaqa oqo sai koya na i karua ni mate.)