Luke 12:42 - Vakavakadewa Vou kei na iVola tale eso

⁴² A sauma na Turaga ka kaya, “O cei mada na dauniyau yalodina ka vuku, o koya ena lesia na nona turaga me lewa na nona matavuvale, me solia vei ira na kedra i vakarau kakana ena kena gauna dodonu?

Ai Vola Tabu (Vakadewa Makawa Vakavoutaki 2021)

⁴² Sa kaya na Turaga, “Ko cei beka na tamata yalododonu ka vuku, ena lesia na turaga me lewai ira na nona lewe-ni-vuvale, me solia na kedrai votavota e na gauna dodonu?

AI VOLA TABU

⁴² A sa kaya na Turaga, O cei nai talatala yalododonu ka vuku, ena lesia ko na turaga me lewai ira na nona lewe-ni-vale, me solia na kedrai votavota e na gauna dodonu?

Vakavakadewa Makawa

⁴² Sa kaya na Turaga, Ko cei beka na tamata yalododonu ka vuku, ena lesia na turaga me lewai ira na nona lewe-ni-vale, me solia na kedrai votavota e na gauna dodonu?

Ai Vola Tabu Ena Vakavakadewa Vou

⁴² A sauma na Turaga ka kaya, “O cei mada na dauniyau yalodina ka vuku, o koya ena lesia na nona turaga me lewa na nona matavuvale, me solia vei ira na kedra i vakarau kakana ena kena gauna dodonu?

Luke 12:42 Iomraidhean Croise

Lako Yani 36:4

Ena vuku ni ka oqo, era sa lako kece kina vei Mosese na matai era tara tiko na vale tabu,

Vosavakaibalebale 12:8

Kevaka o sa vuku, o na vakacaucautaki; ia kevaka o lecaika tiko, era na beci iko na tamata.

Vosavakaibalebale 15:23

Sa ka marautaki ni cavuti lesu na vosa donu ka talei na vosa e lutu ena kena gauna taudonu!

Vosavakaibalebale 27:18

O koya sa qarava vinaka e dua na vunilolo ena kania na vuana. Na dauveiqaravi ena qarava vinaka na nona turaga ena dokai.

Vosavakaibalebale 31:15

Sa dau yadra vakamataka ni se buto na vanua, ka sa vakarautaka na kedratou kakana ni matavuvale, kei na nodra i tavi na nona yalewa dauveiqaravi.

Aisea 50:4

Sa vakavulici au o Jiova ena ka me'u kaya Me rawa ni'u vakaukauwataki ira kina era sa oca. Sa vakauqeti au ena veimataka, Me'u rogoca na ka ena vakavulica vei au.

Jeremaia 23:4

Au na qai solia vei ira na i liuliu era na kauwaitaki ira. Era na sega tale ni rere se vakarerei, ka na sega sara ni yali e dua vei ira.” Sa kaya o Jiova.

Isikeli 34:3

O ni a kania na uro, ka vakaisulutaki kemuni ena vutika ni sipi, ni o ni a vakamatea na manumanu uro ka gone; ia o ni sega ga ni vakani ira na sipi.

Maciu 13:52

Sa qai kaya vei iratou o koya, “O koya oqo, era sa vakatautauvatataki kina o ira na daunilawa sa yaco me ra tisaipeli ni matanitu vakalomalagi kei koya na i taukei ni vale sa kauta mai na nona rumu ni maroroi i yaya na i yau vovou kei na i yau makawa.”

Maciu 20:8

“Ia ni sa yakavi mai, sa qai kaya na i taukei ni loganivaini vua na nona tamata, ‘Kacivi ira mai na tamata cakacaka, ka saumi ira, tekivu yani vei ira na muri ka qai vakaoti vei ira sa liu.’

Luke 12:43

Sa kalougata na tamata e kunei koya na nona turaga ena gauna e yaco mai kina ni sa cakava tiko vakakina.

Luke 7:13

Ia ni sa raici koya na Turaga, a sa lomana vakalevu, ka kaya vua, “Kakua ni tagi.”

Luke 7:19

Sa qai kacivi rau e lewe rua na nona tisaipeli o Joni ka talai rau vei Jisu me rau la'ki kaya, “Sa i kemuni beka o koya me lako mai, se me keitou waraka e dua tale?”

Cakacaka 20:28

O koya oqo, mo ni qai qarauni kemuni vinaka kei ira kecega na qele ni sipi sa lesi kemuni kina na Yalo Tabu mo ni kedra i vakatawa. Ni qarava vinaka na i soqosoqo lotu ni Kalou, o ira ka sa volia o koya me nona mai na dra i Luvena.

1 Timoci 3:15

Ia kevaka au mani bera yani, o sa na kila rawa tiko o iko na ka e dodonu me ra vakaitovotaki ira kina na tamata ena vuvale ni Kalou, oqori na i soqosoqo lotu ni Kalou bula, na duru kei na yavu ni vakavuvuli dina.

1 Timoci 5:17

O ira na qase ka ra sa qarava vinaka na nodra i tavi ni veiliutaki e dodonu me ra nanumi ke rawa ni vakaruataki na nodra i votavota, ka vakauasivi oqo vei ira era cakacaka vakaukauwa ena qaravi ni vunau kei na veivakatavulici.

2 Timoci 4:2

mo vunautaka na vosa ni Kalou ka gumatua sara ena gauna kecega, ena gauna vinaka kei na gauna ca. Vakaraitaka na ka e cala, vakadodonutaki ira na cala, vakayaloqaqataki ira me ra cakava na ka e dodonu ka veivakavulici ena yalo sa vosota vakadede sara.

Vei Taito 1:7

Sa dodonu me kakua ni beitaki ena dua na ka o koya e veiliutaki ena lotu me vaka ni sa dauniyau ni Kalou, ka sa sega ni dodonu me qaciqacia se yalototolo se dau mateni se i tovo kaukauwa se kocokoco.

Iperiu 13:17

Ni talairawarawa vei ira na nomuni i liuliu ka vakayalomalumalumu vei ira. Era sa yadrava tiko na yalomuni ka sega ni cegu, ka ni ra na tarogi kina emuri mai vua na Kalou. Kevaka o ni muria na nodra vosa, era na vakayacora na nodra i tavi ena yalo marau; kevaka e sega, era na vakayacora ga ena yalo rarawa, ka sa sega ni yaga oqo vei kemuni.

Iperiu 13:7

Ni nanumi ira na nomuni dauveiliutaki, o ira era a tukuna vei kemuni na vosa ni Kalou. Ni vakasamataka lesu na i tovo ni bula era a bulataka me yacova na nodra mate, ka vakadamurimuria na nodra vakabauta.

Iperiu 3:5

A sa yalodina o Mosese ki na nona i tavi ni dauveiqaravi ena vale ni Kalou, ka sa vakaraitaka na veika ena qai tukuna emuri na Kalou.

1 Pita 4:10

Me vaka e dua na dauniyau vinaka ni solisoli ni Kalou, mo ni vakayagataka vinaka kina ena vukudra na tani na veisolisoli duidui eso sa solia vei kemuni na Kalou.