Luke 12:20 - Vakavakadewa Vou kei na iVola tale eso

²⁰ Ia sa qai kaya vua na Kalou, ‘Tamata lialia! Ena bogi ga edaidai ena tarogi kina vei iko na yalomu, era na qai nei cei na ka o sa vakarautaka tu?’

Ai Vola Tabu (Vakadewa Makawa Vakavoutaki 2021)

²⁰ Ia sa kaya vei koya na Kalou, ‘Ko iko na lialia! E na bogi ga oqo ena tarogi tale vei iko na yalomu. Ena qai nei cei na veika ko sa vakarautaka?’

AI VOLA TABU

²⁰ Ia ka sa kaya na Kalou vei koya, Na lialia! e na bogi ga o qo ena tarogi tale vei iko na yalomu; ena qai nei cei na veika ko sa vakarautaka?

Vakavakadewa Makawa

²⁰ Ia sa kaya vei koya na Kalou, Ko iko na lialia! e na bogi ga oqo ena tarogi tale vei iko na yalomu: ena qai nei cei na veika ko sa vakarautaka?

Ai Vola Tabu Ena Vakavakadewa Vou

²⁰ Ia sa qai kaya vua na Kalou, ‘Tamata lialia! Ena bogi ga edaidai ena tarogi kina vei iko na yalomu, era na qai nei cei na ka o sa vakarautaka tu?’

Luke 12:20 Iomraidhean Croise

Esiteri 5:11

A dokadokataka o koya vei ira na nona vulagi na levu ni nona i yau, na levu ni luvena tagane, na kena tosoi cake na nona i tutu mai vua na tui, kei na nona sa rui tamata bibi ka dokai duadua mai vei ira na nona vakailesilesi kecega na tui.

Jope 27:8

Era sa vakanuinui beka ki na cava O ira na tamata sa lecava na Kalou Ena gauna sa kauta laivi kina na Kalou Na nodra bula?

NA SAME 39:6

E dina ga, ni sa lako voli na tamata me vaka na i yaloyalo ga ni dua na ka. Na veika kece e cakava sa ka wale ga; Sa kumuna vata na i yau, ia, sa sega ni kila se o cei ena taukena.

NA SAME 49:10

Eda sa raica rawa ni sa dau mate talega na tamata yalomatua, Ka vakakina o ira na lialia kei na lecaika. Era sa biuta kece tu ga mai na nodra i yau vei ira na nodra kawa.

NA SAME 73:19

Sa sega ni bera na nodra vakarusai Ka lako sobu yani ki na dua na i cavacava rerevaki.

NA SAME 78:30

Ia, era se sega ga ni ra vakacegui Ka ra se ia ga na kana,

Vosavakaibalebale 10:2

Na i yau e rawati mai na veivakaisini ena sega ni kauta mai na vinaka, ia na caka dodonu ga ena vakabulai iko.

Vosavakaibalebale 11:4

Sa sega ni yaga na i yau ena siga o na mate kina, ia na i valavala dodonu sa rawa ni vakabulai iko.

Vosavakaibalebale 13:7

Eso na tamata era dau via vakaraitaka ni ra vutuniyau, ia sa segai sara na ka e tu vei ira. Eso tale era via vakaraitaka ni ra dravudravua, ia sa levu sara na ka e tu vei ira.

Vosavakaibalebale 27:1

Kakua ni boletaka na ka mo cakava ena siga ni mataka, ni o sa sega ni kila na ka ena yaco ena dua na siga.

Vosavakaibalebale 28:8

O koya sa vutuniyau ena tubu sivia e rawata mai vei ira na tamata nona i yau sa kumuna vata ena qai nona e dua tani tale na tamata e dau lomani ira na dravudravua.

Aisea 56:12

Era sa kaya, ‘Me mai kau eso na waini Ka gunuva na ka eda rawata. Ena vinaka cake na siga ni mataka Mai na siga edaidai.’ ”

Jeremaia 17:11

Na tamata e rawata na i lavo ena sala ca E vaka na manumanu vuka e saulaka na yaloka ni manumanu tani; Ni bera ni veimama na nona bula, Sa na vakayalia na nona i yau Ia na kena i otioti, Ena kune ga ni lialia.

Emosi 6:13

Oi kemuni sa dau sakitaka na nomuni sa rawa na koro o Lotipa, ni o ni sa dau kaya, “E a sega li ni noda kaukauwa vakai keda eda a vakadrukai Kanaimi kina me noda?”

Neumi 1:10

Me vaka na veitaba ni soni sa vakatavivigi kei na co mamaca, O ni na vakamai me vakakina oi kemudou na daumateni!

Luke 11:40

O ni sa rui yalowai! E sega li ni a cakava talega na tikina e loma o koya ka a cakava na tikina e taudaku?

1 Cesalonaika 5:3

Ena gauna era na kaya kina na tamata, “Eda sa qai vakacegu ka tiko vinaka,” ena qai yaco vakidacala vei ira na rusa me vaka na kena yaco na mosi ni kete vua e dua na yalewa bukete sa taratara, ka na sega ni dua e dro tani rawa kina.

1 Timoci 6:17

Vunauci ira era sa vutuniyau ena veika ni vuravura oqo me ra kakua ni qaciqacia se vakararavi ki na i yau sa sega ni tudei, ia me ra vakararavi ga vua na Kalou, o koya sa solia walega vakayauyau na veika kecega vei keda me da marau kina.

1 Timoci 6:7

Na cava eda sa kauta mai ki vuravura? Sa sega sara ni dua na ka! Na cava eda na kauta tani rawa mai vuravura? Sa sega sara ni dua na ka!

Jemesa 4:14

E baleta na cava, ka ni o ni sega tiko mada ga ni kila se na vakaevei na nomuni bula ena siga ni mataka! O ni sa vaka ga na kabukabu, sa rairai vakalekaleka mai ka sa seyavu tale yani.