Luke 12:15 - Vakavakadewa Vou kei na iVola tale eso

¹⁵ Sa qai kaya vei ira o koya, “Ni yadra tiko ka qarauni kemuni mai na veivalavala kocokoco kecega, ni sa sega ni vakatau na bula ni tamata ena levu ni ka e tu vua.”

Ai Vola Tabu (Vakadewa Makawa Vakavoutaki 2021)

¹⁵ Sa kaya talega vei ira ko koya, “Dou raici kemudou vinaka, ka tarovi kemudou mai na daukocokoco; ni sa sega ni kalougata na tamata e na vuku ni sa levu na ka sa tu vua.”

AI VOLA TABU

¹⁵ Sa kaya talega vei ira ko koya, Dou raici kemudou, ka karoni kemudou mai na daukocokoco; ni sa sega ni kalougata na tamata e na vuku ni sa levu na ka sa tu vua.

Vakavakadewa Makawa

¹⁵ Sa kaya talega vei ira ko koya, Dou raici kemudou vinaka, ka tarovi kemudou mai na daukocokoco; ni sa sega ni kalougata na tamata e na vuku ni sa levu na ka sa tu vua.

Ai Vola Tabu Ena Vakavakadewa Vou

¹⁵ Sa qai kaya vei ira o koya, “Ni yadra tiko ka qarauni kemuni mai na veivalavala kocokoco kecega, ni sa sega ni vakatau na bula ni tamata ena levu ni ka e tu vua.”

Luke 12:15 Iomraidhean Croise

1 Tui 2:40

a sa ia o Semeai ka vakarautaka na nona asa, ka lako yani ki Kaca vei Akisa na tui, me qarai rau na nona bobula. A sa kunei rau ka kauti rau mai lesu tale mai ki na nona vale.

Jope 2:4

A sauma o Setani, ka kaya, A i sau ni kuli na kuli, e sega ni dua na ka vua na tamata me vakayalia kece na veika kece e tu vua ena nona qara bula.

NA SAME 10:3

Sa dokadokataka voli na tamata ca na nona gagadre ca; Sa vosacataka ka cati Jiova na tamata kocokoco.

NA SAME 37:16

Sa vinaka cake na ka lailai e taukena na tamata yalododonu Mai na i yau levu e taukena na tamata sega ni yalododonu,

NA SAME 62:10

Kakua ni vakadinata na i valavala kaukauwa; Kakua ni nuitaka mo rawata e dua na ka ena butako, Veitalia sara ga kevaka e levu cake kina na nomu i yau, Kakua sara ni vakararavi kina.

Vosavakaibalebale 15:16

E uasivi cake me da dravudravua ka rerevaki Jiova, ka ca na vutuniyau sa tu vata kei na leqa.

Vosavakaibalebale 16:16

Sa uasivi cake me noda na yalomatua mai na rawati ni koula, kei na digitaki ni kila-ka mai na rawati ni siliva.

Vosavakaibalebale 28:16

Na i liuliu sa sega ni vuku ena dau veivakasaurarataki. Ia o koya e cata na veivakaisini ena balavu na nona veiliutaki.

Jeremaia 6:13

Na tamata kece, mai vei ia na cecere kei ira na tamata wale era sa via rawa ka ena sala ca; o ira talega na parofita kei ira na bete era sa bau ia na veivakaisini.

Isikeli 33:31

Era a lako mai vei ira me vaka era lako mai na tamata, ka mai tiko e matamu me vakataki ira na noqu tamata, ka ra rogoca na nomu vosa, ia era sega ni muria se cakava, ni sa tu e tebe ni gusudra na vosa vakayalo loloma, ia na lomadra sa muria ga na nodra kocokoco.

Maika 2:2

Ni ra sa vinakata e dua na tiki ni qele, era sa kovea ga; ni ra sa vinakata na vale, era sa taura ga. Sa sega sara ni dua na vuvale me na tiko vakacegu rawa se na i yau me na dau taqomaki vinaka.

Apakuki 2:9

O sa kalouca o iko! O sa la'ki vakavutuniyautaka na nomu vuvale ena veika o sa rawata mai ena i valavala kaukauwa, ka o sa tovolea talega mo vakabula na nomu vuvale mai na veika ca ka rerevaki!

Marika 7:22

na kocokoco, na i valavala velavela, na veivakaisini, na gagano ca, na vuvu na vosa vakacaca, na viavialevu, na i valavala lialia.

Luke 12:16

Sa qai cavuta vei ira o koya e dua na vosa vakatautauvata, ka kaya, “E a vakalewe vinaka sara na nona vanua e dua na tamata vutuniyau.

Luke 16:14

Ia ni ra sa rogoca na veika kecega oqo na Farisi, era sa qai vakalialiai koya, ka ni ra sa dau domona na i lavo.

Luke 21:34

“Dou qarauni kemudou mo dou kakua ni vakasinaita na nomudou bula ena kana kei na marau vakalialia, kei na mateni, kei na lomaocaocataka na ka ni bula oqo, de na qai yaco vakidacala vei kemudou na siga o ya

Luke 8:14

Kei ira ka ra a lutu ena veiwavakavotona, sai ira era sa rogoca na vosa, ia ni ra sa lako tu ena nodra sala era sa vakaruguti ena lomaocaoca kei na i yau kei na veika ni lasa ni bula oqo, ka sa sega ni matua rawa na vuadra.

1 Korinica 6:10

se daubutako, se daukocokoco, se daumateni, se dauveivakasewasewani, se o ira na daukovekove.

Kolosa 3:5

Sa dodonu vakaoqo mo ni vakamatea sara kina na veigagadre vakavuravura sa cakacaka tiko ena nomuni bula: na veibutakoci, na i valavala dukadukali, na garogaro ca, na dodomo tawa dodonu, kei na kocokoco, sai koya e dua na i tovo ni qaravi kalou lasu.

2 Timoci 3:2

O ira na tamata era na daunanumi ira vakataki ira ga, era na dauvinakata na i lavo, era na dokadoka ka qaciqacia, era na sega ni dokai ira na nodra i tubutubu, era na sega ni dau via vakavinavinaka, era na sega ni daulotu,

Iperiu 13:5

Ni sereki kemuni mo ni galala mai na kena domoni na i lavo, ka mo ni yalovakacegu ga ena vuku ni veika o ni sa rawata, ni sa rauti kemuni vinaka. Ni sa kaya vakaoqo na Kalou, “Au na sega ni biuti iko, se cakitaki iko.”

Josua 7:21

Au sa raica ena i binibini ni toki ni valu e dua na kote balavu rairai vinaka ni Papiloni, e rua na kilokaramu na siliva, kei na dua na uma koula ka sivia na veimama ni kilokaramu na kena bibi. Au a domona sara vakalevu na veika kece oqori ka taura. Au sa vunia na ka kece ena loma ni qele ena loma ni noqu valelaca, ka koto sara e ra na siliva.”

2 Pita 2:14

Era sa vakasamataka tu ga me ra ia na veibutakoci; era sa sega ni mamau rawa ena caka ca. Era sa dau vakacalai ira na tamata era sa dau bale vakarawarawa. Sa vakatavulici na lomadra me ra daukocokoco. Ena tau vei ira na cudru ni Kalou!

2 Pita 2:3

Ia ena nodra loma kocokoco, era na vakayagataki kemuni me ra rawa-ka kina mai na nodra i talanoa buli eso. Ia sa tu vakarau ga mai na dua na gauna balavu na nodra Dauveilewai, ka sa sega ni moce na nodra Dauveivakarusai!