Luke 12:1 - Vakavakadewa Vou kei na iVola tale eso

¹ Ena gauna o ya, ni ra sa vakasoqoni vata mai e udolu vakavuqa na tamata, ka ra sa veidrigidrigi ena kedra lewe levu, sa qai vosa taumada o Jisu vei iratou na nona tisaipeli ka kaya, “Dou qarauni kemudou mai na nodra i vakatubu na Farisi, o ya na nodra dau veivakaisini.

Ai Vola Tabu (Vakadewa Makawa Vakavoutaki 2021)

¹ E na gauna ko ya, ni ra sa udolu vakavuqa na tamata sa soqoni vata mai, a ra sa veibutuqaqi ga, sa qai kaya mada eliu vei ira na nona tisaipeli ko koya, “Dou qarauni kemudou mai na nodra leveni na Farisi, oqori na dauveivakaisini.

AI VOLA TABU

¹ E NA gauna ko ya, ni ra sa lewe vuqa sara na tamata sa soqoni vata mai, sa sega ni wili rawa, a ra sa veibutuqaqi ga, sa vakatekivu ko koya me kaya mada eliu vei iratou na nona tisaipeli, Dou qarauni kemudou mai na nodra leveni na Farisi, a ya na dauveivakaisini.

Vakavakadewa Makawa

¹ E na gauna ko ya, ni ra sa udolu vakavuqa na tamata sa soqoni vata mai, a ra sa veibutuqaqi ga, sa qai kaya mada eliu vei ira na nona tisaipeli ko koya, Dou qarauni kemudou mai na nodra leveni na Farisi, oqori na dauveivakaisini.

Ai Vola Tabu Ena Vakavakadewa Vou

¹ Ena gauna o ya, ni ra sa vakasoqoni vata mai e udolu vakavuqa na tamata, ka ra sa veidrigidrigi ena kedra lewe levu, sa qai vosa taumada ko Jisu vei iratou na nona tisaipeli ka kaya, “Dou qarauni kemudou mai na nodra i vakatubu na Farisi, o ya na nodra dau veivakaisini.

Luke 12:1 Iomraidhean Croise

2 Tui 7:17

A lesia na tui na nona dauveiqaravi e voleka duadua vua me i vakatawa ni matamata ni koro; ia era a buturaki koya mai na matamata ni koro na tamata, a sa mate kina o koya me vaka na vosa ni tamata ni Kalou ena nona lako sobu vua na tui.

Jope 20:5

E sega ni sa bau dua mada na tamata ca me marau tiko vakadede.

Jope 27:8

Era sa vakanuinui beka ki na cava O ira na tamata sa lecava na Kalou Ena gauna sa kauta laivi kina na Kalou Na nodra bula?

Jope 36:13

Na tamata sa sega na Kalou ena lomana, Sa susuga na veicudruvi, Era sa sega ni kere veivuke rawa ni sa vesuki ira o koya.

Aisea 33:14

Era sa rere na tamata i valavala ca mai Saioni Ka sautaninini o ira era sega ni kila na Kalou. Era sa kaya, “O cei vei keda e rawa ni bula vata Kei na bukawaqa e dau veivakamai? Se me na bula vata kei na bukawaqa tawa mudu?”

Luke 11:44

O ni na kalouca! Ni o ni sa vaka na i bulubulu ka sa sega tu ni vakatakilakilataki; era lako voli ga e delana na tamata ka ra sega tu ni kila.”

Luke 12:56

Oi kemuni na dauveivakaisini! O ni sa kila rawa na i balebale ni rairai ni vuravura kei na macawa, ia a cava ga o ni qai sega ni vakaibalebaletaka rawa kina na dela ni gauna oqo?

Luke 5:1

Ena dua na gauna ni a tucake tu o Jisu ena bati ni Drano o Kenisereti, era sa drigiti koya yani na tamata me ra rogoca na vosa ni Kalou.

Luke 5:15

Ia sa qai kuruvaki vakalevu sara kina na kena i rogorogo, ka ra lewe vuqa sara era soqo vata vua me ra vakarogoci koya, ka vakabulai talega mai na kedra mate.

Luke 6:17

Sa qai lako vata sobu o Jisu kei iratou na nona apositolo kei na dua na i wase levu ni nona tisaipeli; ka la'ki tu ena dua na vanua buca. Era a lewe vuqa sara na tamata mai Jutia taucoko kei Jerusalemi, kei na baravi kei Taia kei Saitoni era lako yani kina me ra rogoci koya, ka vakabulai talega mai na kedra mate.

Cakacaka 21:20

Ni ra sa rogoca oti na nona i tukutuku, era sa qai vakalagilagia na Kalou. Era sa qai kaya vua, “I Paula, na weka i keimami, o sa raica na levu ni kedra i wiliwili na Jiu era sa yaco me ra vakabauta, ka ra yalodina talega ena nodra muria na Lawa.

1 Korinica 15:3

Au sa vakadewataka taumada vei kemuni na ka bibi duadua ka'u sa ciqoma: ni sa mate na Karisito ena vuku ni noda i valavala ca me vaka sa volai ena i Vola Tabu;

Iperiu 12:22

Ia oqo, o ni sa qai lako mai ki na Ulunivanua o Saioni kei na koro ni Kalou bula, o Jerusalemi vakalomalagi, kei ira na udolu vakaudolu na kena agilosi.

Jemesa 3:17

Ia na vuku sa lako mai lomalagi sa liutaki keda me da savasava, me da yalovakacegu, me da yalomalua, me da yalo rawarawa; io sa sinai sara kina na yalololoma, sa vuataka na vua vinaka, sa sega ni vakaduiduitaka na tamata, ka sa sega ni dauveivakaisini.

1 Pita 2:1

O koya oqo mo ni qai biuta tani kece kina na veika ca; me sa kua na lasulasu se na veivakaisini, se na veivuvutaki, se na vosa ni veivakacacani.