Luke 11:48 - Vakavakadewa Vou kei na iVola tale eso

⁴⁸ O ni sa vakadinadinataka vakaoqo na nomuni a tokona na veika era a vakayacora na nomuni qase; oqo na nodra a vakamatei ira na parofita ka o ni qai tara na kedra i bulubulu qara vatu oi kemuni.

Ai Vola Tabu (Vakadewa Makawa Vakavoutaki 2021)

⁴⁸ E dina ga dou sa tukuni kemudou ni dou sa vinakata na nodra i valavala na nomudou qase; ni ra sa vakamatei ira, ka dou sa tara na veivale ni nodra i bulubulu.

AI VOLA TABU

⁴⁸ E dina ya ni dou sa tukuni kemudou ni dou sa vinakata na nodrai valavala na nomudou qase; ni ra a vakamatei ira, ka dou sa tara na veivale ni nodrai bulubulu.

Vakavakadewa Makawa

⁴⁸ E dina ga dou sa tukuni kemudou ni dou sa vinakata na nodrai valavala na nomudou qase; ni ra sa vakamatei ira, ka dou sa tara na veivale ni nodrai bulubulu.

Ai Vola Tabu Ena Vakavakadewa Vou

⁴⁸ O ni sa vakadinadinataka vakaoqo na nomuni a tokona na veika era a vakayacora na nomuni qase; oqo na nodra a vakamatei ira na parofita ka o ni qai tara na kedra i bulubulu qara vatu oi kemuni.

Luke 11:48 Iomraidhean Croise

2 Veigauna 36:16

ia era a vakalialiai ira na nona i talai na Kalou, ka beca na nona vosa, ka vakacacani ira na parofita, me yacova sara ni a tubu kina na cudru i Jiova vei ira na nona tamata ka a dredre kina me ra vakabulai.

Jope 15:6

E sega na betena vei au me'u beitaki iko mo ca; Ni sa beitaki iko ga mo ca Na vosa yadua sara ga o sa tauca tiko mai.

NA SAME 64:8

Ena vakarusai ira baleta na nodra vosa O ira kece era na raici ira era na kuretaka na uludra.

Isikeli 18:19

“Ia o ni qai kaya, ‘A cava li me la'ki sega kina ni nona na kena ca na luvena ena vuku ni cala i tamana?’ Kevaka sa cakava na luvena na ka dodonu ka vinaka, ka qarauna ka vakabauta kecega na noqu vunau, ka cakava: ena bula vakaidina o koya.

Maciu 23:27

“Dou na kalouca dina na daunilawa kei na Farisi, na dauveivakaisini! Ni dou sa vaka na i bulubulu boro vulavula, sa rairai vinaka tu ga e taudaku, ia sa sinai tu e loma na sui ni yago mate kei na ka dukadukali kecega.

Maciu 23:31

Dou sa qai vakadinata ni sai kemudou ga na nodra kawa era a vakamatei ira na parofita!

Luke 11:47

O ni na kalouca! Ni o ni sa tara na veivale ni kedra i bulubulu na parofita - o ira na parofita era a vakamatea o ira na nomuni qase.

Luke 11:49

O koya oqo sa kaya kina na Vuku ni Kalou, ‘Au na tala vei ira eso na parofita kei na i apositolo; ka ra na vakamatea eso vei ira oqo ka vakacacana eso tale.’

Roma 1:32

Era sa kila na lewa ni Kalou ni sa dodonu me ra mate o ira na tamata vakaoqo. Ia e sega walega ni ra cakava tikoga, era vakadonui ira talega na tani era vakayacora tiko.

Jemesa 5:10

Kemuni na wekaqu, ni nanumi ira na parofita era sa vosa ena yaca ni Turaga, ka vakadamurimuri ira ena nodra dauvosota voli na veika rarawa.

Josua 24:22

A sa tukuna vei ira o Josua, “O ni sa nomuni i vakadinadina ga oi kemuni ni o ni sa digitaka mo ni qaravi Jiova.” Era a sauma lesu, “Io, keimami sai vakadinadina.”