Luke 11:22 - Vakavakadewa Vou kei na iVola tale eso

²² Ia ni sa lako mai vua e dua e qaqa cake vua ka vakamalumalumutaki koya, sa na kaliraka tani na nona i yaragi ka dau vakararavi tu kina, ka veivotayaka na nona i yau.

Ai Vola Tabu (Vakadewa Makawa Vakavoutaki 2021)

²² Ia kevaka sa dua tale sa uasivi cake vei rau sa lako vakaukauwa mai ka rawai koya, e na kovea na nona i yaragi ni valu kecega sa vakararavi kina ka vota na nona i yau.

AI VOLA TABU

²² ia ni sa dua tani sa uasivi vei rau e na qaqa sa lako vakaivalu, ka rawai koya, sa kauta tani na nonai yaragi ni valu kecega sa vakararavi kina, a sa vota nai toki mai vua.

Vakavakadewa Makawa

²² ia ni sa dua tani sa uasivi vei rau e na qaqa sa lako vakaukauwa, ka rawai koya, sa kovea na nonai yaragi ni valu kecega sa vakararavi kina, a sa vota nai toki mai vua.

Ai Vola Tabu Ena Vakavakadewa Vou

²² Ia ni sa lako mai vua e dua e qaqa cake vua ka vakamalumalumutaki koya, sa na kaliraka tani na nona i yaragi ka dau vakararavi tu kina, ka veivotayaka na nona i yau.

Luke 11:22 Iomraidhean Croise

Vakatekivu 3:15

Au na cakava mo na veimecaki kei na yalewa, era na veimecaki talega na nomudrau kawa. Ena butuqaqia na ulumu na kawa ni yalewa, ia o na katia na bukubuku ni yavadra na luvena.”

Lako Yani 15:9

Sa kaya na meca, au na vakasavi ira ka vesuki ira; au na wasea na nodra i yau, ka'u na taura mai vei ira na ka au vinakata; au na ucuna mai na noqu i seleiwau ka'u na vakarusai ira ena ligaqu.

Aisea 27:1

Ena siga o ya ena vakayagataka o Jiova na nona i seleiwau levu, kaukauwa ka gata me totogitaki Livaiacani na gata totolo sa cibini tu ka vakamatea na drakoni sa tiko voli ena boto ni wasawasa.

Aisea 53:12

Au sa na qai solia kina vua e dua na i tutu dokai E dua na i tutu ena kedra maliwa Na tamata cecere kei ira na tamata qaqa. E a solia yani vakai koya na nona bula Ka wiliki vata kei ira na tamata ca. Sa colata na nodra i valavala ca na lewe vuqa Ka veimasulaki ena vukudra na i valavala ca.

Luke 11:21

“Ni sa vakaiyaragi vinaka tu e dua na qaqa, ka yadrava tu na nona vale, sa na tu vinaka tu ga na nona i yaya.

Luke 11:23

“O koya e sega ni to vata kei au sa noqu meca, kei koya e sega ni kumuna vata vei au sa veibiuyaka.

Efeso 6:11

Mo ni vakaiyaragi ena i yaragi kecega ni Kalou me rawa ni o ni tudei kina ka vorata na i lawaki ni tevoro.

Efeso 6:13

O koya oqo mo ni daramaka kina na i yaragi kecega ni Kalou! O ni na qai vorata rawa kina na sasaga ni meca ni sa yaco mai na siga ca; ia ni sa oti na nomuni veivorati, mo ni tudei tikoga.

Kolosa 2:15

A sa vakamalumalumutaka na veiyalo vakatani kei na kaukauwa kecega na Karisito ena kauveilatai, ka cakava me ra ka ni sarasara e matana levu ni sa liutaki ira yani me vaka era sa nona kaivesu.

1 Joni 3:8

O koya sa tomana tikoga na i valavala ca sa mai vua na tevoro, baleta ni sa kitaka ga na i valavala ca na tevoro mai na i vakatekivu ni gauna. Oqo ga na vuna sa rairai mai kina na Luve ni Kalou, me vakarusa na cakacaka ni tevoro.

1 Joni 4:4

Ia o ni sa nona ga na Kalou, oi kemuni na luvequ lomani, ka o ni sa vakadrukai ira oti na parofita vakailasu, baleta ni sa kaukauwa cake sara na Yalo sa tiko e lomamuni, ka malumalumu ga na yalo sa tiko e vuravura.