Luke 11:2 - Vakavakadewa Vou kei na iVola tale eso

² Sa qai kaya vei iratou o koya, “Ni dou sa masu, dou kaya, ‘Tama i keimami, me vakarokorokotaki na yacamuni, Me yaco mai na nomuni matanitu.

Ai Vola Tabu (Vakadewa Makawa Vakavoutaki 2021)

² A sa kaya vei ira ko koya, “Ni dou sa masu, dou kaya: “Tama i keimami mai lomalagi, me vakarokorokotaki na yacamuni. Me yaco na nomuni matanitu. Me caka na lomamuni e vuravura me vaka sa caka mai lomalagi.

AI VOLA TABU

² A sa kaya vei ira ko koya, Ni dou sa masu, dou kaya, Tama i keimami mai lomalagi, Me vakarokorokotaki na yacamu. Me yaco na nomu lewa. Me caka na nomu veitalia e vuravura me vaka mai lomalagi.

Vakavakadewa Makawa

² A sa kaya vei ira ko koya, Ni dou sa masu, dou kaya, Tama i keimami mai lomalagi, Me vakarokorokotaki na yacamuni. Me yaco na nomuni lewa. Me caka na lomamuni e vuravura me vaka sa caka mai lomalagi.

Ai Vola Tabu Ena Vakavakadewa Vou

² Sa qai kaya vei iratou o koya, “Ni dou sa masu, dou kaya, ‘Tama i keimami, me vakarokorokotaki na yacamuni, Me yaco mai na nomuni matanitu.

Luke 11:2 Iomraidhean Croise

1 Tui 8:43

mo ni qai rogoca na nona masu. Mai lomalagi ena nomuni tikina vakaturaga, mo ni rogoci koya ka vakayacora na ka e kerea, me rawa kina ni ra kila na yacamuni o ira kecega na kai vuravura, ka me ra rerevaki kemuni, me vakataki ira na nomuni tamata na Isireli. Era na qai kila kina ni sai koya na Valenisoro oqo sa ia kina na sokalou vei kemuni.

2 Tui 19:19

Ia oqo, kemuni Jiova na neimami Kalou, mo ni vakabulai keimami mai na ligadra na kai Asiria, me ra na kila kina na veimatanitu kecega e vuravura ni sai kemuni o Jiova, na Kalou sa duabau ga.”

2 Veigauna 20:6

ka kaya, Kemuni Jiova na nodra Kalou na neimami qase, o ni sega li ni Kalou mai lomalagi? O ni sega li ni lewa na veimatanitu kecega ena veivanua? Sa koto e ligamuni na kaukauwa kei na qaqa, ka sega kina ni dua me vorati kemuni rawa.

NA SAME 103:20

Ni vakacaucautaki Jiova, oi kemuni na agilosi kaukauwa ka qaqa, Oi kemuni o ni sa muria na nona i vakaro, Ka rogoca na nona vosa.

NA SAME 108:5

Kemuni na Kalou, ni vakaraitaka na nomuni cecere ena maliwa lala, Kei na nomuni lagilagi ena vuravura taucoko!

NA SAME 11:4

Sa tiko o Jiova, Ena nona i tikotiko vakatui mai lomalagi. Sa wanonovi ira tiko mai na tamata kecega, Ka sa kila vinaka na veika era cakava.

NA SAME 57:11

Ni vakaraitaka na nomuni cecere na Kalou ena maliwa lala, Kei na nomuni lagilagi e vuravura taucoko. Vua na i liuliu ni sere: me vaka na i lagalaga ni sere “Kakua ni Vakarusa.” A nei Tevita. A Mikitami.

Dauvunau 5:2

Mo dau vakasama mada e liu ni bera ni o vosa, ka kakua ni cakava e dua na vosa ni yalayala vua na Kalou ena nomu vakusakusa. Sa tiko o koya mai lomalagi, ia o sa tiko ga e vuravura, ia me kakua ni sivia na ka o tukuna.

Aisea 63:16

Sa i kemuni na tama i keimami. O Epara-ama e sega ni kilai keimami, O Jekope talega e sega ni kilai keimami. Ia oi kemuni ga Jiova na Tama i keimami. Sa i kemuni ga o ni dau vukei keimami ena veigauna kece.

Isikeli 36:23

Ia ka'u na vakatabuya na yacaqu levu, o koya ka sa vakacacani ena veimatanitu, o ni a vakacacana, ka ra na qai kila na veimatanitu ni sai au na Turaga, sa kaya na Kalou o Jiova, ni'u sa vakaraitaka na noqu vakatabui ena vukumuni e matadra.

Taniela 2:28

Ia e dua ga na Kalou e tiko mai lomalagi sa dau vakatakila na veika sa vuni tu. Na Kalou ga oqo a vakaraitaka vei kemuni, Nepukanesa na tui, na ka ena yaco ena gauna mai muri. Ia na tadra se raivotu o ni a raica ni o ni a moce koto sa vakaoqo:

Taniela 2:44

Ena gauna ni nodra veiliutaki na veitui oqori, sa na tauyavutaka kina na Kalou ni lomalagi e dua na matanitu ena sega ni oti rawa. Na matanitu oqo ena sega ni rawai rawa ka na vaqeyavutaki iratou vakadua yani na veimatanitu e liu ka me qai bula tu o koya ka sega ni mudu.

Taniela 7:18

Sa na soli vei ira na tamata ni Kalou Cecere na kaukauwa kei na lewa me nodra tikoga ka sega ni mudu.

Taniela 7:27

Ena qai soli vei ira na tamata ni Kalou Cecere na nodra kaukauwa kei na veika cecere ni veimatanitu kecega e vuravura. Ia na nodra kaukauwa sa na sega ni oti rawa, ia o ira na veituraga kecega era na talairawarawa me qaravi ira na tamata ni Kalou cecere.”

Osea 14:2

Ni lesu ga vei Jiova, ka mo ni taura na masu oqo me nomuni i madrali vua: “Ni bokoca mada na neimami caka cala kece sara ka ciqoma na neimami masu, io keimami na qai vakacaucautaki kemuni me vaka na neimami vosa ni yalayala.

Vunau ni Soro 10:3

A sa qai kaya vei Eroni o Mosese, “Oqo na ka a vosataka o Jiova, ni a kaya, ‘Au na vakaraitaki au ni'u sa savasava vei ira era sa toro voleka vei au; ka'u na vakatakila na noqu lagilagi vei ira na noqu tamata.’ ” A sa galu ga o Eroni.

Vunau ni Soro 22:23

E rawa ni o vakacabora e dua na manumanu e vakaleqai tu me vaka e nomu i solisoli vakailoloma ga, ia ena sega ni ciqomi kevaka e cabori ena vuku ni bubului.

Apakuki 2:14

Ia ena sinai o vuravura ena kila-ka me baleta na lagilagi i Jiova, me vaka sa ubia na wasa titobu na wai.

Maciu 10:32

“O koya oqo, o koya ga e tusanaki au e matadra na tamata, au na tusanaki koya talega ena mata i Tamaqu mai lomalagi;

Maciu 3:2

“Ni veivutuni ni sa voleka na matanitu vakalomalagi!”

Maciu 5:16

Me cila vakakina na nomudou rarama e matadra na tamata, me ra raica rawa na nomudou cakacaka vinaka, ka vakarokorokotaka na Tamamudou sa tiko mai lomalagi.

Luke 11:1

A masu tiko o Jisu ena dua na vanua. Ia ni sa oti na nona masu, sa qai kaya vua e dua na nona tisaipeli, “Turaga, ni vakavulici keitou mada ena masu, me vaka na nona vakavulici iratou na nona tisaipeli o Joni.”

Roma 1:7

Au sa volavola yani kina oqo vei kemuni kece mai Roma, oi kemuni sa lomani kemuni na Kalou ka kacivi kemuni mo ni nona tamata: Me sobuti kemuni na loloma kei na vakacegu ni Kalou na Tamada kei na noda Turaga o Jisu Karisito.

Roma 8:15

Na Yalo Tabu e solia vei kemuni na Kalou sa sega ni yalo ni veivakabobulataki me vakavurea vei kemuni na rere, ia na Yalo Tabu ga sa vakayacori kemuni mo ni luve ni Kalou, o koya eda sa kaci kina ena kaukauwa ni Yalo Tabu vua na Kalou, “Apa! Tamaqu!”

1 Korinica 1:3

Me nomuni mada ga na loloma kei na vakacegu mai vua na Kalou o Tamada, kei na Turaga o Jisu Karisito.

2 Korinica 1:2

Me nomuni na loloma kei na vakacegu mai vua na Kalou o Tamada kei na Turaga o Jisu Karisito.

Kalatia 1:4

o koya ka soli koya yani ena vuku ni noda i valavala ca, me vakabulai keda kina mai na gauna ca oqo, me vaka na loma ni noda Kalou o Tamada,

Efeso 1:2

Me nomuni na loloma kei na vakacegu mai vua na Kalou o Tamada kei na Turaga o Jisu Karisito.

Filipai 1:2

Me sobuti kemuni mada ga na loloma kei na vakacegu ni Kalou o Tamada kei na Turaga o Jisu Karisito.

Filipai 4:20

Me ia vua na noda Kalou ka Tamada na vakarokoroko ka sega ni mudu! Emeni.

Kolosa 1:2

Vei ira na tamata ni Kalou mai Kolosa, o ira na veiwekani yalodina sa tu vata kei Karisito: Me nomuni na loloma kei na vakacegu mai vua na Kalou o Tamada.

1 Cesalonaika 1:1

Oqo na i vola mai vei iratou o Paula, kei Sailasa, kei Timoci — Kivei ira na lewe ni soqosoqo lotu mai Cesalonaika, o ira era sa nona na Kalou o Tamada kei na Turaga o Jisu Karisito. Me nomuni na loloma kei na vakacegu.

1 Cesalonaika 1:3

E sega ni mudu na neitou vakananuma ena mata ni noda Kalou o Tamada na nomuni vakavatukanataka na nomuni vakabauta, na nomuni cakacaka vagumatua ena vuku ni nomuni loloma, kei na tudei ni nomuni vakanuinui vua na noda Turaga o Jisu Karisito.

2 Cesalonaika 2:16

Ia na noda Turaga o Jisu Karisito kei na Kalou o Tamada, o koya sa daulomani keda ka solia vei keda na yalovakacegu ena vuku ni loloma-savu kei na i nuinui vinaka,

Vakatakila 11:15

A sa qai uvuca na i kavitu ni agilosi na nona davui, ka sa rogo levu mai lomalagi na veidomo eso, era sa kaya, “Na kaukauwa ni lewa me baleti vuravura sa qai yaco oqo me nona na noda Turaga kei na nona Karisito, ka na veiliutaki tikoga o koya ka sega ni mudu!”

Vakatakila 15:4

Turaga, o cei li me na sega ni rerevaki kemuni? O cei li ena bese ni via vakalagilagia na yacamuni? Ni sai kemuni ga sa yalosavasava. Era na lako kece mai na veimatanitu Ka ra na cuva e matamuni, Ni ra sa raica kecega na tamata na nomuni cakacaka dodonu.”

Vakatakila 19:6

Au a qai rogoca na ka e vaka na domodra e dua na i wiliwili tamata levu, a sa vaka na vakere ni dua na savu, ka vaka na domo ni kurukuru levu ni sa kaya: “Aleluya! Sa noda Tui na Turaga na noda Kalou Kaukauwa Sara!

Vakatakila 20:4

Ia au a qai raica eso na i tikotiko vakaturaga, era sa dabe tiko kina eso ka sa soli vei ira na kaukauwa me ra turaganilewa. Au a raica talega na yalodra na tamata sa tamusuki na uludra ena vuku ni nodra a vakadinadinataka na veika dina sa vakatakila o Jisu kei na vosa ni Kalou. Era a sega ni vakarokorokotaka na manumanu rerevaki se na kena i vakatakarakara, ka sega talega ni ra ciqoma na maka ni manumanu rerevaki ena yadredra se ena ligadra. Era sa bula tale mai na mate ka veiliutaki vata kei Karisito me dua na udolu na yabaki.