Luke 10:4 - Vakavakadewa Vou kei na iVola tale eso

⁴ Ni kakua ni kau taga i lavo, se kau kakana, se kau i vava, ka kakua ni tu vakadua ka veikidavaki kaya kei na dua na tamata e gaunisala.

Ai Vola Tabu (Vakadewa Makawa Vakavoutaki 2021)

⁴ Kakua ni kauta na taga ni lavo, se na taga ni kakana, se nai vava; ka kakua ni veikidavaki kaya e dua e na gaunisala.

AI VOLA TABU

⁴ Kakua ni kauta na taga i lavo, se na taga i kakana, se nai vava: ka kakua ni veikidavaki kaya e dua e na gau-ni-sala.

Vakavakadewa Makawa

⁴ Kakua ni kauta na taga ni lavo, se na taga ni kakana, se nai vava: ka kakua ni veikidavaki kaya e dua e na gau-ni-sala.

Ai Vola Tabu Ena Vakavakadewa Vou

⁴ Ni kakua ni kau taga i lavo, se kau kakana, se kau i vava, ka kakua ni tu vakadua ka veikidavaki kaya kei na dua na tamata e gaunisala.

Luke 10:4 Iomraidhean Croise

Vakatekivu 24:33

Ia ni sa kau mai na kakana, a qai kaya na dauveiqaravi, “Au na sega mada ni kana me yacova ni'u sa kaya oti na noqu i tukutuku.” A sa kaya o Lepani, “Mo kaya ga mai na ka o via vakaraitaka tiko.”

Vakatekivu 24:56

Ia sa kaya na dauveiqaravi, “Dou kakua ni tarovi au. Sa solia vei au o Jiova na ka au sa lakova mai; dou laivi au me'u lesu yani vua na noqu turaga.”

2 Tui 4:24

A vesuka na nona i dabedabe ki na asa, ka kaya vua na nona tamata, “Mo vakaciciva na asa me lako vakatotolo yani ka kakua ni vakaberabera, ia vakavo ga ke'u sa kaya vei iko.”

2 Tui 4:29

E a qai vuki vei Keasi o Ilaisa ka kaya, “Mo vakatotolo sara! Taura na noqu i titoko ka lako. Kua ni o tu vakadua mo kidavaka na tamata cava ga o sota kaya, ka kakua ni o vakaoti gauna mo sauma na taro. Mo lako vakadodonu sara ki vale ka vakotora na noqu i titoko ena mata ni gone.”

Vosavakaibalebale 4:25

Rai vakadodonu ga ki liu ena vakanuinui sa savasava. Kakua ni vakacuva sobu na ulumu ena madua.

Marika 6:7

Sa qai kacivi iratou vata na lewe tinikarua ki vua, ka tekivu talai iratou yayarua yani, ka solia vei iratou na kaukauwa me ratou vakasavi ira kina na yalovelavela.

Luke 22:35

Sa qai kaya vei iratou o Jisu, “Ena gauna au a talai kemuni wale kina ka sega ni o ni kauta e dua na taga ni lavo se taga ni vaqa, se na i vava, o ni a leqa li ena dua na ka?” E ratou sa qai kaya, “E sega sara.”

1 Samuela 21:8

A sa kaya vei Eimeleki o Tevita, “E sega beka ni tu vei iko e dua na moto se dua na i seleiwau? Au sega ni kauta mai na noqu i seleiwau kei na noqu i yaragi, ni a vakatotolotaki au na tui ena vuku ni ka a vinakata.”