Luke 10:29 - Vakavakadewa Vou kei na iVola tale eso

²⁹ Ia ni sa via vakadonui koya vakai koya ga, sa qai kaya vei Jisu, “Ia o cei na kai noqu?”

Ai Vola Tabu (Vakadewa Makawa Vakavoutaki 2021)

²⁹ Ia ko koya, ni sa via vakadonui koya, sa tarogi Jisu, “Ko cei na kai noqu?”

AI VOLA TABU

²⁹ Ia ko koya, ni sa via vakadonui koya, sa tarogi Jisu, O cei na kai noqu?

Vakavakadewa Makawa

²⁹ Ia ko koya, ni sa via vakadonui koya, sa tarogi Jisu, Ko cei na kai noqu?

Ai Vola Tabu Ena Vakavakadewa Vou

²⁹ Ia ni sa via vakadonui koya vakai koya ga, sa qai kaya vei Jisu, “Ia o cei na kai noqu?”

Luke 10:29 Iomraidhean Croise

Jope 32:2

A mani sega ni tarova rawa na nona cudru e dua na tamata na yacana o Ilaiu, baleta ni vakamacala i Jope sa vakadonui koya tikoga kina vakai koya, ka bilitaka tiko ni cala na Kalou. O Ilaiu e luve i Parakeli, e dua na kawa i Pusa, ena mataqali i Rama.

Vunau ni Soro 19:34

Me ra okati na kai tani sa tiko vulagi kei kemuni me ra vakataki ira ga na i taukei ena kemuni maliwa; ia mo ni lomani ira me vaka o ni sa lomani kemuni. Mo ni nanuma ni o ni a tiko vulagi mai na vanua o Ijipita ena dua na gauna. Sai au ga o Jiova na nomuni Kalou.

Marika 8:34

Sa qai kacivi ira vata na lewe vuqa kei iratou na nona tisaipeli o Jisu, ka kaya vei ira, “Kevaka e dua sa via muri au, me kakua ni muria na lomana, ia me colata ga na nona kauveilatai ka muri au.

Luke 10:36

“O cei vei iratou oqo ena nomu vakasama, e kai nona na tamata ka ra a vesuka na daubutako?”

Luke 16:15

Sa qai kaya vei ira o Jisu, “Sa i kemuni o ni dau vakadonui kemuni e matadra na tamata, ia sa kila na Kalou na lomamuni; ni veika sa nanumi ni rui bibi vakalevu vei ira na tamata sa tawayaga sara ena mata ni Kalou.

Roma 10:3

Era se sega ni kila na sala e vakadonui ira kina na tamata na Kalou, ia era sa dau qara ga na nodra sala vakai ira; ka ra sa mani sega kina ni vakamuria na sala sa dau veivakadonui kina na Kalou.

Roma 4:2

Kevaka sa vakadonui koya na Kalou ena vuku ni veika sa vakayacora, ke sa tu vua eso na ka me boletaka voli; ia sa sega sara ni vakakina ena mata ni Kalou.

Kalatia 3:11

Sa qai macala sara kina ni sa sega ni vakadonui ena vuku ni Lawa e dua na tamata ena mata ni Kalou; ni sa vola vakaoqo na i Vola Tabu, “Ena bula ga na tamata sa vakadonui koya na Kalou ena vuku ni nona vakabauta.”

Jemesa 2:24

O ni sa qai raica kina, ni sa vakadonui na tamata ena vuku ni nodra cakacaka, ka segai ena vuku ni vakabauta duadua ga.