Luke 10:21 - Vakavakadewa Vou kei na iVola tale eso

²¹ Ena gauna vata ga o ya, sa vakasinaiti koya ena reki na Yalo Tabu ka sa kaya, “Au sa vakavinavinaka vei kemuni Tamaqu, na Turaga ni lomalagi kei vuravura, ni o ni sa vunia na veika oqo vei ira na vuku kei ira na kila-ka, ka vakatakila ga vei ira na gone lalai. Io, Tamaqu, ni sa vaka oqori na i naki ni lomamuni.

Ai Vola Tabu (Vakadewa Makawa Vakavoutaki 2021)

²¹ E na tiki-ni-siga ko ya, sa reki sara kina ko Jisu e na yalona, ka kaya, “Au sa vakavinavinaka vei kemuni, Tamaqu, na Turaga ni lomalagi kei vuravura, ni ko sa vunia na veika oqo vei ira na vuku kei na yalomatua, ko ni sa vakatakila ga vei ira na gone lalai; sa vakaoqo, Tamaqu, ni sa vinaka e matamuni me vakakina.

AI VOLA TABU

²¹ E na tiki-ni-siga ko ya, sa reki sara kina ko Jisu e na yalona, ka kaya, Au sa vakavinavinaka vei iko, Tamaqu, na Turaga ni lomalagi kei vuravura, ni ko sa vunia na veika o qo vei ira navuku kei na yalomatua, o sa vakatakila ga vei ira na gone lalai: sa vakaoqo, Tamaqu, ni sa vinaka e matamu me vakaoqo.

Vakavakadewa Makawa

²¹ E na tiki-ni-siga ko ya, sa reki sara kina ko Jisu e na yalona, ka kaya, Au sa vakavinavinaka vei kemuni, Tamaqu, na Turaga ni lomalagi kei vuravura, ni ko sa vunia na veika oqo vei ira na vuku kei na yalomatua, ko ni sa vakatakila ga vei ira na gone lalai: sa vakaoqo, Tamaqu, ni sa vinaka e matamuni me vakakina.

Ai Vola Tabu Ena Vakavakadewa Vou

²¹ Ena gauna vata ga o ya, sa vakasinaiti koya ena reki na Yalo Tabu ka sa kaya, “Au sa vakavinavinaka vei kemuni Tamaqu, na Turaga ni lomalagi kei vuravura, ni o ni sa vunia na veika oqo vei ira na vuku kei ira na kila-ka, ka vakatakila ga vei ira na gone lalai. Io, Tamaqu, ni sa vaka oqori na i naki ni lomamuni.

Luke 10:21 Iomraidhean Croise

NA SAME 24:1

Sa nei Jiova o vuravura kei na veika kecega sa tu kina; Sa nona na veivanua kei na veika kecega sa bula kina.

NA SAME 25:14

O Jiova sa nodra i tokani era talairawarawa vua, Ka sa vakatavulici vei ira na nona veiyalayalati.

NA SAME 8:2

Era sa lagata na gone kei na gone dramidrami. O ni sa viria e dua na bai me lati ira na kemuni meca, Me tarovi ira na kemuni meca kei ira era dau cati kemuni.

Aisea 29:14

Raica au na cakava tale eso na ka veivakurabuitaki, Vei ira na tamata oqo, Na veika e veivakidacalataki ka veivakidroataki;

Aisea 35:8

Ena tu e dua na gaunisala levu e kea, Ka na vakatokai na Sala ni Yalo Savasava. Ena sega na tamata i valavala ca, E muri ena sala oqo, Ka na sega na lialia me vakasesei ira era lako kina.

Aisea 53:11

Ni a oti e dua na bula ni vakararawataki Sa na qai yacovi koya tale na marau; Ni sa kila ni sega ni tawa yaga na nona vakararawataki. Sa i koya na noqu dauveiqaravi Yalo Savasava; Ena colata na nodra i totogi na lewe vuqa, Ka qisi ira me ra noqu tamata yalodina.

Aisea 62:5

Ena tauri iko na Turaga me vaka o watina, Ka drau na tiko kaya ena marau, Ka drau na marau me vaka e dua na cauravou Kei na gone yalewa e rau sa qai vakamau.

Aisea 66:1

A sa kaya o Jiova, “Sa noqu i dabedabe vakatui na lomalagi Ka sai tutu ni yavaqu na vuravura. Na mataqali vale vakacava me'u tiko kina?

Sefanaia 3:17

Sa tiko vata kei kemuni na nomuni Kalou o Jiova, Na nona kaukauwa sa solia vei kemuni na qaqa. Ena marautaki kemuni ga o Jiova, Ena solia vei kemuni na bula vou ena nona loloma. Ena laga sere ka mamarau ena vukumuni,

Maciu 16:17

Sa qai sauma o Jisu, ka kaya vua, “O sa kalougata, Saimoni na luve i Jona, ni sa sega ni vakatakila vei iko na lewe kei na dra na ka oqo, ia, o Tamaqu ga mai lomalagi.

Maciu 21:16

ka kaya vua, “O sa rogoca na ka era kaya tiko o ira oqo, se sega?” Sa qai kaya vei ira o Jisu, “Io, dou sa sega beka ni wilika, ‘Ena gusudra na gonelalai kei na gone dramidrami O ni sa cakava kina na vakarokoroko me uasivi sara’?”

Maciu 3:7

Ia ni sa raici ira e lewe vuqa na Farisi kei na Setoki ni ra sa lako tiko yani vua me ra papitaisotaki, sa kaya vei ira, “Oi kemuni na kawa ni gata! O cei sa vakasalataki kemuni mo ni dro tani mai na cudru sa lako tiko mai?

Marika 10:15

Au sa kaya vakaidina vei kemudou, o koya yadua e sega ni ciqoma na matanitu ni Kalou me vaka e dua na gone lailai ena sega ni curu kina.”

Luke 15:5

Ia ni sa kunea, sa biuta ki na usouso ni domona ka colata lesu ena mamarau.

Luke 15:9

Ia ni sa kunea sa kacivi ira vata mai na nona i tokani kei ira ka tiko voleka, ka kaya, ‘Me da mai reki vata mada, ni'u sa kunea tale na tiki ni siliva ka'u a vakayalia.’

Joni 11:41

Era sa qai kauta tani na vatu. Sa qai tacake o Jisu, ka kaya, “I Tamaqu, au sa vakavinavinaka vei kemuni ni o ni sa rogoci au.

2 Korinica 4:3

Kevaka e laurai ni vunitaki na neitou i tukutuku vinaka, sa vunitaki ga vei ira era sa rusa tiko.

Efeso 1:11

Ni sa caka na ka kecega me vaka na i naki kei na lewa ni Kalou; ka sa digitaki kemuni na Kalou mo ni nona tamata ena vuku i Karisito me vaka na nona i naki, ka sa yavutaki na i naki oqo mai na veika sa vakatulewataka mai na i vakatekivu.

Efeso 1:5

A sa lesi keda o koya ena nona loloma me da vakabau me da luvena ena vuku i Jisu, me vaka na i naki ni lomana.