Luke 1:8 - Vakavakadewa Vou kei na iVola tale eso

⁸ Ena dua na gauna ni a cakacaka vakabete tiko ena mata ni Kalou o Sakaraia, o ya ni a vakaitavi kina na nona matabete,

Ai Vola Tabu (Vakadewa Makawa Vakavoutaki 2021)

⁸ A sa yaco, ni sa ia tiko ko koya na cakacaka vakabete e na mata ni Kalou, e na vuku ni nona matabete,

AI VOLA TABU

⁸ A sa yaco, ni sa ia tiko ko koya na cakacaka vakabete e na mata ni Kalou, e na vuku ni nona matabete,

Vakavakadewa Makawa

⁸ A sa yaco, ni sa ia tiko ko koya na cakacaka vakabete e na mata ni Kalou, e na vuku ni nona matabete,

Ai Vola Tabu Ena Vakavakadewa Vou

⁸ Ena dua na gauna ni a cakacaka vakabete tiko ena mata ni Kalou o Sakaraia, o ya ni a vakaitavi kina na nona matabete,

Luke 1:8 Iomraidhean Croise

1 Veigauna 24:19

O ira na cavuti oqo a vakacurumi na yacadra ena i vola me vaka na nodra dui i lesilesi ni lako ki na vale tabu ka la'ki vakayacora na veitavi ka ra a tekivutaka na nodra i tubutubu o Eroni me muria tiko na i vakaro i Jiova na Kalou ni Isireli.

1 Veigauna 24:2

E rau a mate e liu o Netapi kei Epaiu ni se bula tikoga o tamadrau, ka sa sega na nodrau kawa. E rau sa mani bete ruarua kina o Iliesa kei Icama.

2 Veigauna 11:14

Ni ra a biuta na nodra veivanua kei na nodra i votavota o ira na Livai, ka lako ki Juta kei Jerusalemi, ni a vakatalai ira tani o Jeropoama kei iratou na luvena me ra kakua ni bete vei Jiova,

2 Veigauna 31:19

Ia vei ira na luve i Eroni, o ira na bete ka ra tiko ena veiwere, ena vanua veico, era taukena na nodra veikoro; era a tiko na tamata a cavuti yadua na yacadra, me ra solia na i votavota vei ira na tagane kece ena vuvale vakabete, vei ira talega na Livai era a okati ena nodra yavusa.

2 Veigauna 31:2

A tekivutaka tale o Esekaia na kena wasewasei na nodra i tavi vakacakacaka na matabete kei ira na Livai, ena vuku ni nodra i tavi. E okati kina na kena cabori na i soro kama kei na i soro ni veivinakati, na i tavi ena gauna ni sokalou ena vale tabu, kei na i tavi ni lagalaga sere kei na vakavinavinaka ena veitikina eso ena Valenisoro.

2 Veigauna 8:14

A lesia o koya na veimata bete ki na nodra cakacaka, me vaka a vakarota o Tevita na tamana, kei ira na Livai ki na nodra dui i tavi, me ra lagata na sere ka veiqaravi e matadra na bete, me vaka e vinakati ena veisiga yadua, kei ira talega na mata i vakatawa ni katuba ena nodra veimatamata ni koro e vuqa; ni a vakarota vakaoqo o Tevita na tamata ni Kalou.

Esera 6:18

Era sa qai lesi ira na bete kei ira na Livai ki na nodra dui i tavi ni veiqaravi ena Valenisoro, me vaka sa dusimaki ena i Vola i Mosese.

Lako Yani 28:1

“Mo kauti Eroni na tuakamu kei iratou na luvena o Netani, kei Epaiu, kei Iliesa, vata kei Icama ka vakatikitikitaki iratou tani mai vei ira na Isireli; me ratou qaravi au ena cakacaka vakabete.

Lako Yani 28:41

Me vakayagataka na i sulu oqo o Eroni na tuakamu kei iratou na luvena. Ia mo cabori iratou ka lumuti iratou ena waiwai olive, ka me ratou na qaravi au ena cakacaka vakabete.

Lako Yani 29:1

“Oqo na ka mo cakava vei ira me ra vakatabui kina, me ra qaravi au kina ena cakacaka vakabete. Mo taura e dua na luve ni bulumakau tagane kei na rua na sipi tagane ka sega ni ca e dua na tiki ni yagona,

Lako Yani 29:44

Au na vakatabuya na Vale ni Veitavaki kei na i cabocabonisoro. Au na vakatabui Eroni kei iratou na luvena me ratou qaravi au ena i tutu vakabete.

Lako Yani 29:9

A vakakina na i wabale ka vauca talega na i vau ni uludratou ka me nodratou tiko na i tutu vakabete me i lesilesi tabu vei iratou, mo qai vakatabui Eroni kei iratou na luvena.

Lako Yani 30:30

Mo qai lumuti Eroni kei iratou na luvena, ka vakatabui iratou ki na i tavi vakabete ena vukuqu.

Tiko mai na Lekutu 18:7

Dou kitaka na nomudou cakacaka vakabete o iko, kei ira na luvemu, ena veicakacaka kecega e baleta na i cabocabonisoro, kei na ka sa tiko mai na loma ni lati. Au sa solia na nomudou cakacaka vakabete me i solisoli, ia na tamata tani sa torova ena vakamatei.”

Luke 1:5

Ena gauna e tui tiko kina mai Jutia o Eroti, a sa tiko kina e dua na bete o Sakaraia na yacana, ena matabete i Apaijia; a watina e dua vei ira na kawa i Eroni, ka yacana o Ilisapeci.

Luke 1:7

E sega na luvedrau, ni a yava o Ilisapeci ka rau sa qase ruarua talega mai.