Luke 1:51 - Vakavakadewa Vou kei na iVola tale eso

⁵¹ Sa dodoka na ligana kaukauwa, Ka ra sa veiseyaki na viavialevu ena vakanananu ni yalodra.

Ai Vola Tabu (Vakadewa Makawa Vakavoutaki 2021)

⁵¹ Sa kaukauwa na cakacaka ni ligana; sa dui vakasesei ira na viavialevu ko koya e na vuku ni nanuma ni yalodra.

AI VOLA TABU

⁵¹ Sa kaukauwa na cakacaka ni ligana; sa dui vakasesei ira na qaciqacia ko koya e na vuku ni nanuma ni yalodra.

Vakavakadewa Makawa

⁵¹ Sa kaukauwa na cakacaka ni ligana; Sa dui vakasesei ira na viavialevu ko koya e na vuku ni nanuma ni yalodra.

Ai Vola Tabu Ena Vakavakadewa Vou

⁵¹ Sa dodoka na ligana kaukauwa, Ka ra sa veiseyaki na viavialevu ena vakanananu ni yalodra.

Luke 1:51 Iomraidhean Croise

Vakatekivu 11:8

A sa vakasavi ira mai kea o Jiova, ka ra sa veiseyaki ena dela i vuravura, a sa mudu talega e kea na tara ni koro.

Vakatekivu 6:5

Ni sa raica o Jiova na vakasisila ni nodra i valavala na tamata ena dela i vuravura kei na ca ni nodra vakanananu ena gauna kece sara,

Vakatekivu 8:21

A sa boica na i soro ni veivinakati o Jiova ka sa kaya e lomana, “Au na sega tale ni cudruva na vuravura ena vuku ni ka ena cakava na tamata. Ni'u kila ni sa tekivu ca na vakanananu ni tamata mai na gauna e a gone kina. Au na sega tale ni vakarusa na veika bula kecega me vaka na ka au sa vakayacora oqo.

NA SAME 118:15

Ni rogoca mada na kaila ni reki ena qaqa Ena nodra veivale kece na tamata ni Kalou.

NA SAME 33:10

Sa vakadaroya na nodra i naki na veimatanitu o Jiova, Ka sa tarovi ira me ra kakua ni cakava na veika era nanuma.

NA SAME 52:9

Au na dau vakavinavinaka tikoga vei kemuni, na Kalou ena vuku ni veika o ni sa vakayacora; Au na dau tukuna tikoga na nomuni vinaka e matadra na nomuni tamata. Vua na i liuliu ni sere: me vaka na Maalaca; a Masikili i Tevita.

NA SAME 63:5

Ena kana ga ka mamau na yaloqu, Ka'u na lagata na veisere ni vakacaucau eso vei kemuni.

NA SAME 89:10

O ni sa vakarusai Reapi ka vakamatea, Ka vakadrukai ira na nomuni meca ena ligamuni kaukauwa.

NA SAME 89:13

Sa ka levu sara na nomuni kaukauwa! Sa ka vakaitamera na nomuni qaqa!

NA SAME 98:1

Dou seretaka e dua na sere vou vei Jiova; Sa cakava o koya na veika veivakurabuitaki! Na ligana i matau kei na ligana tabu Sa rawata kina na qaqa.

Lako Yani 18:11

Ia oqo, au sa qai kila, ni sa cecere duadua ga o Jiova vei ira na kalou kecega, baleta ni sa kauti ira tani mai Ijipita na Isireli ni ra a vakabobulataki ira.

Aisea 40:10

Raica, sa lako mai na Turaga o Jiova me veiliutaki ena qaqa, Ka sa kauti ira mai na tamata sa vakabula o koya.

Aisea 51:9

Ni yadra mada, Jiova, ka vukei keimami! Ni vakayagataka na nomuni kaukauwa Mo ni vakabulai keimami. Ni vakayagataka mada Me vaka na nomuni a vakayagataka ena gauna e liu. Oi kemuni ga o ni a musumusulaki Reapi, Na drakoni levu ni wasawasa.

Aisea 52:10

Ena vakayagataka o Jiova Na nona kaukauwa savasava; Ena vakabulai ira na nona tamata o koya, Ka na raica oqo o vuravura taucoko.

Aisea 63:12

Sa e vei na Turaga a vakayagataka na nona kaukauwa Ka cakava na veika lelevu ena bula nei Mosese, O koya ka wasea rua na wasawasa e matadra Me rogo tu kina ena veigauna kece,

Jeremaia 49:15

Ena vakamalumalumutaka na nomuni matanitu o Jiova ka na sega ni dua ena dokai kemuni.

Taniela 4:37

Ia oqo, oi au, o Nepukanesa, au sa vakavinavinaka, doka, ka vakalagilagi koya na Kalou ni Lomalagi. Na ka kecega sa cakava o koya sa dodonu. Sa lewa vakadodonu sara o koya, ka sa vakamaduataki koya sa cakacaka vaqaciqacia.”

Roma 1:21

Era sa kila tiko na Kalou, ia era sega ga ni vakarokorokotaki koya me vaka na kena dodonu, ka ra sega talega ni vakavinavinaka vua. Ia sa yaco me lialia kina na nodra vakanananu, ka butobuto na nodra vakasama.

2 Korinica 10:5

Keitou sa vakarusa na veile lasu ka talaraka sobu na veibai cecere ni qaciqacia me voroka na kilai ni Kalou ka vagolea na veivakasama sa vesuki me talairawarawa vei Karisito.

Vakarua 4:34

Se, a bau dua li na kalou a saga me lako ka la'ki kauta mai e dua na kawa tamata mai na loma ni dua na matanitu me ra mai nona tamata me vaka a cakava o Jiova na nomuni Kalou vei kemuni mai Ijipita? A sa vakaraitaka nona kaukauwa levu kei na nona qaqa e matamuni, ni a kauta mai na veika ni veivakaleqai kei na i valu, ka cakava na veicakacaka mana kei na veika sa veivakurabuitaki, ka vakavuna me yaco na veika vakarerevaki.

1 Pita 5:5

Oi kemuni na i tabagone, mo ni vakamalumalumutaki kemuni vakakina vei ira era qase cake vei kemuni. Sa dodonu kina vei kemuni vakayadua mo ni vakaisulutaki ena yalomalumalumu ena vuku ni nomuni veiqaravi vakai kemuni, ni sa volai, “Sa vorati ira sa viavialevu na Kalou, Ia sa lomani ira ga sa yalomalumalumu.”

Vakatakila 18:8

Ena ka oqo, ena yacovi koya kina ena dua na gauna na ka ni veivakararawataki eso — Na tauvimate, na rarawa, kei na dausiga. Ena vakamai o koya ena bukawaqa, Baleta ni sa kaukauwa ga na Turaga na Kalou, o koya sa lewai koya.”