Luke 1:17 - Vakavakadewa Vou kei na iVola tale eso

¹⁷ O koya ena liu tiko vua na Turaga ena qaqa kei na kaukauwa i Ilaijia na parofita. Ena kauti ira vata tale mai na qase kei ira na gone o koya; ena saumaki ira lesu na tamata dautalaidredre ki na sala ni yalododonu; ena vakavuna talega me ra vakarau tu vua na Turaga o ira na tamata ni Kalou.”

Ai Vola Tabu (Vakadewa Makawa Vakavoutaki 2021)

¹⁷ ka na liu vua [na Turaga] ko koya e na yalo i Ilaijia kei na nona kaukauwa, me saumaka na lomadra na qase vei ira na gone, kei ira era talaidredre ki na nodra vuku era yalododonu; me vakarautaka na tamata me ra qai nona na Turaga.”

AI VOLA TABU

¹⁷ Ia ena liutaki koya e na yalo i Ilija kei na nona kaukauwa, me saumaka na lomadra na qase vei ira na gone, kei ira era talaidredre ki na nodra vuku era yalododonu; me vakarautaka na tamata e so me ra qai nona na Turaga.

Vakavakadewa Makawa

¹⁷ Ia ena liutaki koya e na yalo i Ilaija kei na nona kaukauwa, me saumaka na lomadra na qase vei ira na gone, kei ira era talaidredre ki na nodra vuku era yalododonu; me vakarautaka na tamata me ra qai nona na Turaga.

Ai Vola Tabu Ena Vakavakadewa Vou

¹⁷ O koya ena liu tiko vua na Turaga ena qaqa kei na kaukauwa i Ilaijia na parofita. Ena kauti ira vata tale mai na qase kei ira na gone o koya; ena saumaki ira lesu na tamata dautalaidredre ki na sala ni yalododonu; ena vakavuna talega me ra vakarau tu vua na Turaga o ira na tamata ni Kalou.”

Luke 1:17 Iomraidhean Croise

1 Tui 17:1

E dua na parofita ka yacana o Ilaijia, a kai Tisipa mai Kiliati o koya, a sa kaya vei Eapi na tui, “Me vaka sa bula o Jiova na nodra Kalou na Isireli, o koya au sa qarava, au sa tukuna kina vei iko ni na sega ni lutu na tegu se tau na uca ena loma ni rua se tolu na yabaki mai oqo, me yacova na gauna au na kaya tale kina.”

1 Tui 18:18

A sa kaya o Ilaijia, “Au sega mada ni bau vakaleqai ira na Isireli; o kemuni ga, kei na mataqali i tamamuni, o ni sa biuta na vunau i Jiova, ka muri ira na Peali.

1 Tui 21:20

A sa kaya vei Ilaijia o Eapi, “O sa kunei au beka, o iko, na kequ meca?” A sa kaya o koya, “Io, au sa kunei iko, ni o sa volitaki iko mo i valavala ca ena mata i Jiova.

2 Tui 1:16

A sa tukuna vua na tui, “Sai koya oqo na vosa i Jiova: ‘Ena vuku ni nomu a talai iratou na talaki me tarogi Pealisipupi na kalou ni Ekironi, e kena i balebale li oqori ni sa sega na Kalou e Isireli me la'ki tarogi kina na nona vosa? O koya oqo, o na sega kina ni na bula tale mai na i mocemoce o davo koto kina oqori, ia o na mate dina ga.’ ”

1 Veigauna 29:18

Kemuni Jiova, na Kalou ni neimami qase o Epara-ama, kei Aisake, kei Jekope, mo ni vakadeitaka tikoga ka tawa mudu ki na lomadra na nomuni tamata na yalo ni gagadre me vakaoqo, ia mo ni qai vagolea na yalodra me ra yalodina tikoga vei kemuni.

2 Veigauna 29:36

A reki o Esekaia kei ira kece na tamata, ena vuku ni ka a cakava oqo na Kalou; ni a caka vakasauri na ka oqo.

NA SAME 10:17

I Jiova, o ni na rogoca na nodra masu na malumalumu, O ni na qai solia vei ira na kaukauwa.

NA SAME 111:10

Na sala ni vuku sai koya na rerevaki Jiova, Era sa yalomatua o ira kecega era muria na nona i vakaro. Me vakacaucautaki ga o koya ka sega ni mudu.

NA SAME 78:8

Me ra na kakua ni vakataki ira na nodra qase E dua na matatamata dauveisaqasaqa ka dautalaidredre, E sega ni dei na nodra vakabauta na Kalou Ka sega ni yalodina tikoga vua.

Aisea 29:24

O ira sa cala na yalodra Era na yalomatua tale, O ira era dau vosa kudrukudru, Era na vinakata tale me ra vakavulici.

Emosi 4:12

“O koya oqo, kemuni na Isireli, au sa na totogitaki kemuni kina. Ia me vaka ni'u sa na vakayacora oqo, mo ni vakarautaki kemuni kina ena nomuni sotava na noqu vakataulewa!”

Maciu 11:14

ia kevaka sa lomamudou mo dou vakabauta na i tukutuku o ya, sai koya o Ilaijia ka sa dodonu me lako mai.

Maciu 14:4

ni a kaya vua o Joni, “Sa sega sara ni dodonu vei iko mo tauri koya.”

Maciu 3:3

Ni sai koya ga oqo ka a vosa kina o Aisea na parofita, ka kaya, “Na domona e dua sa kacikaci voli e loma ni vanua: Dou caramaka na sala ni Turaga; Cakava me dodonu na nona gaunisala!”

Maciu 3:4

Ia sa vakaisulu o Joni ena i sulu vuti ni kameli, ka vau na tolona ena i oro kuli-ni-manumanu, ka kena kakana na vodre kei na oni ni veikau.

Luke 1:16

ka na vakalesuya mai o koya vua na Turaga na nodra Kalou e lewe vuqa vei ira na Isireli.

Luke 1:76

“Ia o iko na gone, o na vakatokai na parofita i Koya sa Cecere Sara. Ni o na liu ena mata ni Turaga Mo caramaka na nona sala;

Joni 1:13

Era sa sega ni yaco me ra luve ni Kalou ena sala vakatamata, o ya me ra sucu mai vei ira na nodra i tubutubu; ia mai vua ga na Kalou ni sa Tamadra o koya.

Joni 1:34

Au sa raica oti, ka'u sa tukuna oqo ni sai koya ga na Luve ni Kalou.”

Joni 3:28

Oi kemudou vakai kemudou e rawa ni o dou vakadinadinataka ni'u a kaya, ‘Ni'u sega ni Mesaia oi au, ia ni'u a talai ga me'u liu mai vua.’

Cakacaka 10:33

Sa i koya au sa talatala sara yani kina vei kemuni, ka sa vinaka sara ga na nomuni lako mai. Keimami tiko kece sara ga kina oqo ena mata ni Kalou me keimami rogoca na veika kece sa vakarota vei kemuni na Turaga mo ni mai tukuna.”

Roma 9:23

A sa gadreva talega o koya me vakaraitaka na nona i serau lagilagi cecere, ka sa sovaraka vei keda eda sa nona takete ni yaloveivosoti, kivei keda eda sa vakarautaki me da vakaivotavota ena nona i serau lagilagi.

Kolosa 1:12

Ni vakavinavinaka vua na Tamada, o koya sa vakarautaki kemuni me da wasei rawa ena nodra i votavota na yalosavasava ena matanitu ni rarama.

2 Timoci 2:21

O ira kece na tamata sa vakasavasavataki ira mai na veika ca oqo era na vakayagataki me ra bilo digitaki me vaka na kedra dui i naki, ka ra sa vakatabui me ra yaga vua na nodra Turaga, ka vakarau tu me ra vakayagataki ena veicakacaka vinaka kecega.

1 Pita 2:9

Ia sai kemuni na kawatamata digitaki, na matabete vakatui, na matanitu yalosavasava, na matatamata sa taukena na Kalou, mo ni vakaraitaka kina na veika cecere sa vakayacora o koya sa kacivi kemuni mai na butobuto ki na nona rarama veivakurabuitaki.

1 Joni 2:28

Ia oqo, kemuni na luvequ lomani, ni tudei tikoga vua, me rawa kina ni da yalodoudou tiko ni sa yaco mai o koya, ka sega ni da qai vunitaki keda mai vua ena madua ena Siga ni nona lesu mai.

Vakatakila 20:4

Ia au a qai raica eso na i tikotiko vakaturaga, era sa dabe tiko kina eso ka sa soli vei ira na kaukauwa me ra turaganilewa. Au a raica talega na yalodra na tamata sa tamusuki na uludra ena vuku ni nodra a vakadinadinataka na veika dina sa vakatakila o Jisu kei na vosa ni Kalou. Era a sega ni vakarokorokotaka na manumanu rerevaki se na kena i vakatakarakara, ka sega talega ni ra ciqoma na maka ni manumanu rerevaki ena yadredra se ena ligadra. Era sa bula tale mai na mate ka veiliutaki vata kei Karisito me dua na udolu na yabaki.

1 Samuela 7:5

Sa qai tukuna o Samuela, “Mo ni soqoni vata yani na Isireli kece ki Misipa me'u na masulaki kemuni vei Jiova.”