Josua 9:1 - Vakavakadewa Vou kei na iVola tale eso

¹ Ia ni ra sa rogoca o ira kecega na tui ena ra ni Joritani na nodra qaqa na Isireli o ya o ira kece na tui ena vanua ena baravi ni Wasa Meditereni me yaco sara ki Lepanoni ena vualiku; o ira na nodra tui na Itaiti, na Amoraiti, o ira na kai Kenani, kei ira na Perisaiti, na Aivaiti kei ira na Jepusaiti.

Ai Vola Tabu (Vakadewa Makawa Vakavoutaki 2021)

¹ Ia ni ra sa rogoca ko ira kecega na tui sa tiko e na tai oqo ni Joritani e na vanua veiulunivanua, kei na buca, kei na baravi kece ni Wasa Levu sa donui Lepanoni—ko ira na Itaiti, kei ira na Amoraiti, ko ira na kai Kenani, ko ira na Perisaiti, ko ira na Aivaiti, kei ira na Jepusaiti—

AI VOLA TABU

¹ IA ni ra sa rogoca ko ira kecega n; tui sa tiko e na tai o qo ni Joritani io e na ulu-ni-vanua, kei na buca, ke na baravi kece ni waitui levu sa donu Lipanoni, ko ira na luve i Eci, kei ira na luve i Amori, ko ira na kai Kenani ko na lewe ni Veikoro lalai, ko ira na luve i Evi, kei ira na kai Jepusa;

Vakavakadewa Makawa

¹ Ia ni ra sa rogoca ko ira kecega na tui sa tiko e na tai oqo ni Joritani, e na ulu-ni-vanua, kei na buca, kei na baravi kece ni waitui levu sa donui Lepanoni, ko ira na Itaiti, kei ira na Amoraiti, ko ira na kai Kenani, ko ira na Perisaiti, ko ira na Aivaiti, kei ira na Jepusaiti,

Ai Vola Tabu Ena Vakavakadewa Vou

¹ Ia ni ra sa rogoca o ira kecega na tui ena ra ni Joritani na nodra qaqa na Isireli o ya o ira kece na tui ena vanua ena baravi ni Wasa Meditereni me yaco sara ki Lepanoni ena vualiku; o ira na nodra tui na Itaiti, na Amoraiti, o ira na kai Kenani, kei ira na Perisaiti, na Aivaiti kei ira na Jepusaiti.

Josua 9:1 Iomraidhean Croise

2 Samuela 24:7

Era sa qai lako vaka ki na ceva ki na koro levu sa vakabai o Taia, kei na nodra veikoro kecega na Aivaiti, kei ira na kai Kenani, ka yaco sara ki Perisepa ena ceva kei Juta.

Lako Yani 23:23

Ni sa na liutaki kemuni na noqu agilosi ka na kauti kemuni yani vei ira na Amoraiti, na Itaiti na Perisaiti, na kai Kenani, na Ivaiti kei na Jepusaiti, ka'u na vakawabokotaki ira,

Lako Yani 23:31

Au na yalana na nomuni yalayala ni vanua mai na Wasa Damudamu ka yaco ki na nodra wasawasa na kai Filisitia, mai na veikau bula ki na uciwai na Uferetisi, ia ka'u na soli ira na lewenivanua oqo vei kemuni ka o ni na vakasavi ira mai na matamuni.

Lako Yani 3:17

Au sa vakadeitaka oqo ni'u na kauti kemuni tani mai na veivakararawataki e Ijipita, ki na nodra vanua na kai Kenani, na Itaiti, na Amoraiti, na Perisaiti, na Aivaiti, kei na Jepusaiti, na vanua sa dave kina na sucu kei na oni.

Lako Yani 34:11

Mo maroroya na i vunau au sa solia vei iko edaidai. Au na vakasavi ira tani e matamu na Amoraiti, na kai Kenani, na Itaiti, na Perisaiti, na Aivaiti, kei ira na Jepusaiti.

Tiko mai na Lekutu 13:29

O ira na Amalekaiti era tiko ena ceva ni vanua, ka ra tiko ena vanua veidelana o ira na Itaiti, o ira na Jepusaiti, kei ira na Amoraiti; o ira na kai Kenani era tiko tikiva na wasawasa kei na bati ni Joritani.

Tiko mai na Lekutu 34:6

Ena yasamuni ki na ra, na Wasa Meditereni kei na kena veibaravi, oqo me nomuni i yalayala ni vanua ena yasana ki na ra.

Vakarua 1:7

Ni biuta na vanua oqo ka lako yani ena nomuni lakolako; mo ni lako yani ki na nodra vanua veidelana na Amoraiti kei na veivanua vakavolivolita — ki na Buca na Joritani, ki na veidelana kei na vanua lolovira, ena vanua vaka ki na ceva kei na vanua baravi ni Meditereni. Ni lako yani ki na nodra vanua na kai Kenani kei Lepanoni, ka me la'ki yaco sara ki na uciwai levu na Uferetisi.

Vakarua 3:25

Mo ni vakatara mada Jiova me'u kosova na uciwai na Joritani ka raica na vanua bulabula ena tai kadua, na kena vanua veidelana rairai vinaka kei na veiulunivanua e Lepanoni.”

Vakarua 4:49

E okati talega kina na veivanua kece ena tokalau ni Uciwai na Joritani ka mua vaka ki na ceva me yacova na Waitui Mate, kei na tokalau me yacova na ruku ni Ulunivanua o Pisika.

Vakarua 7:1

Ena kauti kemuni o Jiova na nomuni Kalou ki na vanua mo ni la'ki taukena ka tawana, ia ena vakasavi ira yani e vuqa sara na matanitu e matamuni, o ira na Itaiti, na Kakesaiti, na Amoraiti, na kai Kenani, na Perisaiti, na Ivaiti vata kei ira na Jepusaiti, e vitu na matanitu era lewe levu ka kaukauwa cake mai vei kemuni.

Josua 1:15

me yacova sara ni ra sa taukena na vanua ena tai kadua ni Joritani, na vanua sa solia o Jiova na nomuni Kalou. Ni sa solia vei ira kecega na veimataqali i Isireli o Jiova me ra tiko vinaka ka vakacegu mai na i valu, mo ni qai lesu tale mai ki na tai oqo ni Joritani na vanua ka solia vei kemuni o Mosese na tamata ni Kalou.”

Josua 1:4

Na i yalayala ni nomuni vanua e tekivu mai na vanua lala ena ceva ki na veiulunivanua o Lepanoni ena vualiku. Mai na uciwai levu na Uferetisi ena tokalau, ka takosova na nodra vanua na Itaiti me yaco ki na Wasa Meditereni ena yasana ki na ra.

Josua 10:23

A dola na qara vatu, ka ratou tuberi mai ki tautuba na tui taucoko: na tui Jerusalemi, na tui Epironi, na tui Jarimoci, na tui Lakisi, kei na tui Ekiloni,

Josua 11:17

Me vakatekivu mai na ulunivanua o Alaki volekati Sia me yaco sara yani ki Peali-kata ena buca kei Lepanoni ena ruku ni ulunivanua o Erimoni. A sa vesuki ira tiko na tui kece oqo, o Josua, ena dua na gauna balavu.

Josua 13:5

na nodra vanua na Kipali; o Lepanoni taucoko ki na tokalau me vakatekivu mai Peali-kata ena ceva ni ulunivanua o Erimoni me yaco sara ki na i curucuru ki Emaci.

Josua 15:12

Na kena i yalayala ena ra na baravi ni Wasa Meditereni. Sai koya oqori na i yalayala ni vanua ka kovuta na nodra i votavota na lewe ni veivuvale ni mataqali i Juta.

Josua 22:4

Ia oqo, me vaka na nona vosa ni yalayala, a sa solia vei ira na wekamuni na Isireli o Jiova na nomuni Kalou, na sautu. Mo ni lesu tale ki na nomuni vuvale ena vanua o ni taura me nomuni, o ya na vanua ena tai tokalau ni Joritani, ka solia vei kemuni o Mosese na tamata ni Kalou.

Josua 22:7

E a solia o Mosese e dua na vanua mai Pasani me nodra e dua na veimama ni mataqali i Manasa, ia sa qai solia o Josua na vanua ena ra ni Joritani ki na i karua ni veimama, vata kei ira na veimataqali tale eso ni Isireli.

Josua 23:4

Au a sa vota oti me nodra i votavota na nomuni veimataqali na nodra vanua na veimatanitu era sa vo tiko ka vakakina na veimatanitu au sa vakamalumalumutaka oti, me tekivu mai na Uciwai na Joritani ena tokalau, ka yacova yani na Wasa Meditereni ena ra.

Josua 24:11

Ni o ni kosova na Joritani, ka lako mai ki Jeriko. Era sa vala kei kemuni na lewe i Jeriko, ka vaka talega kina na Amoraiti, Perisaiti, Kenani, Itaiti, Kakesaiti, Aivaiti kei ira na Jepusaiti, ia au a soli ira ki ligamuni.

Josua 3:10

Oqo na i vakatakilakila o ni na kila kina ni sa tu vata kei kemuni o Jiova na Kalou bula, ka na vakasavi ira vakaidina na Kenanaiti, na Itaiti, na Ivaiti, na Perisaiti, na Kakesaiti, na Amoraiti kei ira na Jepusaiti mai na matamuni o koya.

Josua 3:17

Ena gauna era sa taubale takoso tiko kina na tamata ena qele mamaca, era sa tucake tu vakadua o ira na bete ka colata tiko na Kato ni Veiyalayalati i Jiova ena lomadonu ni uciwai na Joritani ena qele mamaca, me yacova ni ra sa takoso kece sara na Isireli ki na tai kadua.

Josua 5:1

Era sa rogoca o ira kece na nodra tui na Amoraiti ena ra ni Joritani kei ira kece na nodra tui na kai Kenani ena baravi ni Wasa Meditereni ni sa vakadiva o Jiova na wai ni Joritani me yacova ni ra takoso taucoko na Isireli. Era a rere sara kina vakalevu, ka yali na nodra yalo dei ena vukudra na Isireli.

Josua 6:27

A tiko ga kei Josua o Jiova ka sa robota na veivanua taucoko na kena i rogorogo.

Josua 9:7

Era sa qai tukuna na Isireli vei iratou na kai Kipioni, “Na cava na vuna me keimami veiyalayalati kina kei kemudou. O cei e kila, de dou lako vakavoleka ga mai.”