Josua 8:31 - Vakavakadewa Vou kei na iVola tale eso

³¹ ka me vaka ga na ka sa vakarota o Mosese na tamata ni Kalou vei ira na Isireli, me vaka ka sa volai tu ena Lawa i Mosese, “Me caka e dua na i cabocabonisoro ena veivatu sa sega ni ta mai na i yaya ni caka kaukamea.” Era sa qai vakacabora kina vei Jiova na i soro kama kei na i solisoli ni veivinakati.

Ai Vola Tabu (Vakadewa Makawa Vakavoutaki 2021)

³¹ me vaka ka vakaroti ira na Isireli ko Mosese na tamata ni Kalou ko Jiova, me vaka sa volai e nai vola ni vunau i Mosese, “nai cabocabo-ni-soro sa caka e na vatu sa sega ni ta, ni sa sega ni ta e na kaukamea.” Era sa cabora kina eso nai soro kama vei Jiova ka vakacabora eso nai madrali ni veivinakati.

AI VOLA TABU

³¹ n vaka ka vakaroti ira na luve i Isireli k Mosese nai talatala i Jiova, me vaka sa volai e nai vola ni vunau i Mosese, nai cabocabo-ni-soro sa caka e na vatu sa tawa ta ka tawa laveti cake kina na kaukamea; ra sa cabora kina e so nai soro kama vo Jiova, ka vakamatea e so nai madrali e n veivinakati.

Vakavakadewa Makawa

³¹ me vaka ka vakaroti ira na Isireli ko Mosese nai talatala i Jiova, me vaka sa volai e nai vola ni vunau i Mosese, nai cabocabo-ni-soro sa caka e na vatu sa sega ni ta, ni sa sega ni ta e na kaukamea; a ra sa cabora kina eso nai soro kama vei Jiova, ka vakamatea eso nai madrali ni veivinakati.

Ai Vola Tabu Ena Vakavakadewa Vou

³¹ ka me vaka ga na ka sa vakarota o Mosese na tamata ni Kalou vei ira na Isireli, me vaka ka sa volai tu ena Lawa i Mosese, “Me caka e dua na i cabocabonisoro ena veivatu sa sega ni ta mai na i yaya ni caka kaukamea.” Era sa qai vakacabora kina vei Jiova na i soro kama kei na i solisoli ni veivinakati.

Josua 8:31 Iomraidhean Croise

2 Tui 14:6

Ia, sa sega ga ni vakamatei ira na luvedra ena vuku ni nona muria na lewa i Jiova sa vakaroti ena Lawa i Mosese, ni sa tukuna: “Me ra kakua ni vakamatei na i tubutubu ena vuku ni veika ca era cakava na luvedra; ka me ra kakua talega ni vakamatei na gone ena vuku ni veika ca era cakava na nodra i tubutubu. Na tamata sa vakamatei me mate ga ena vuku ni ka ca sa cakava.”

2 Tui 22:8

A sa kaya o Ilikaia na bete levu vei Safani na vunivola, Au sa kunea na i vola ni vunau ena vale i Jiova. A solia na i vola vei Safani o Ilikaia, a wilika o koya.

2 Veigauna 25:4

Ia a sega ni vakamatei iratou na luvedrau, me vaka ga na ka a volai ena i vunau i Mosese, ena tikina a vakarota kina o Jiova ka kaya, Era na sega ni vakamatei na tama ena vukudra na luvedra, se me ra vakamatei na gone ena vukudra na tamadra; ia ena mate ga na tamata yadua ena vuku ni nona i valavala ca.

2 Veigauna 35:12

Era a kauta vakatikitiki na i soro kama me rawa ni ra vota me muria na nodra tiko vakamataqali i tamadra vei ira na i vavakoso, me ra vakacabora vei Jiova me vaka a volai ena i vola i Mosese. A vaka talega kina na bulumakau.

Esera 6:18

Era sa qai lesi ira na bete kei ira na Livai ki na nodra dui i tavi ni veiqaravi ena Valenisoro, me vaka sa dusimaki ena i Vola i Mosese.

Niemaia 13:1

Ena siga o ya, era sa vakarorogo kece na tamata ni sa wiliki na i vola i Mosese. A kunei ni volai tu kina ni sa tabu vakadua ni dua na kawa i Amoni se kawa i Moapi me curu ki na i soqosoqo ni Kalou.

Lako Yani 18:12

A sa kauta mai o Jacoro na vugoi Mosese na i soro kama kei na so na i madrali vua na Kalou. Sa qai lako mai o Eroni kei ira kece sara na nodra qase na Isireli vata kei na vugoi Mosese me ra kania na kakana vakacabori ka tiki ni nodra sokalou vua na Kalou.

Lako Yani 24:5

Sa qai vakatalai ira na cauravou ka ra sa vakacabora na i soro kama, ka ra cabora talega eso na bulumakau me i soro ni veivinakati vei Jiova.

Maciu 12:26

Ia kevaka e vakasavi Setani o Setani, sa qai veisei vaka i koya; ena tu dei vaka e vei na nona matanitu?

Vakarua 27:2

Ena siga o ni sa na qalo kosova kina na uciwai na Joritani ka yaco ki na vanua sa solia vei kemuni o Jiova na nomuni Kalou, mo ni qai vakaduria eso na vatu lelevu ka boroya ena lase,

Vakarua 27:8

Mo ni qai vola sara vakakina ena dela ni veivatu sa boro ena lase na vosa kece ni vunau oqo.

Josua 1:8

Mo nanuma mo dau wilika na i vola ni Lawa ena veigauna kecega ni sokalou. Mo wilika ka vakananuma ena veisiga kei na veibogi kece, ka cakava na veika kece sara sa volai kina, o na qai kalougata ka tamata rawa ka.