Josua 8:1 - Vakavakadewa Vou kei na iVola tale eso

¹ A sa tukuna vei Josua o Jiova, “Kakua ni o yalolailai se rere; Kauti ira taucoko na tamata i valu, ka lako cake i Ai; Raica au sa soli ira oqo ki na ligamuni, na tui Ai kei ira na nona tamata, na kena veikoro kecega kei na vanua.

Ai Vola Tabu (Vakadewa Makawa Vakavoutaki 2021)

¹ A sa kaya vei Josua ko Jiova, “Mo kakua ni rere, se yalolailai; mo kauti ira na tamata i valu kecega, ka cavu tu, mo lako cake ki Ai. Raica, au sa soli tui Ai ki na ligamu, kei ira na nona tamata, kei na nona koro, kei na nona vanua.

AI VOLA TABU

¹ A SA kaya vei Josua ko Jiova, Mo kakua ni rere, se yalolailai: mo kauti ira na tamatai valu kecega vata kei iko, ka ia, mo lako cake ki Ai: raica, au sa soli tui Ai ki na ligamu, kei ira na nona tamata, kei na nona koro, kei na nona vanua:

Vakavakadewa Makawa

¹ A sa kaya vei Josua ko Jiova, Mo kakua ni rere, se yalolailai: mo kauti ira na tamata i valu kecega, ka cavu tu, mo lako cake ki Ai: raica, au sa soli tui Ai ki na ligamu, kei ira na nona tamata, kei na nona koro, kei na nona vanua:

Ai Vola Tabu Ena Vakavakadewa Vou

¹ A sa tukuna vei Josua ko Jiova, “Kakua ni o yalolailai se rere; Kauti ira taucoko na tamata i valu, ka lako cake i Ai; Raica au sa soli ira oqo ki na ligamuni, na tui Ai kei ira na nona tamata, na kena veikoro kecega kei na vanua.

Josua 8:1 Iomraidhean Croise

NA SAME 27:1

A vu ni noqu rarama ka noqu i vakabula o Jiova; O cei me'u rerevaka? Sa taqomaki au o Jiova mai na leqa kecega; Au na sega sara ni taqaya.

NA SAME 44:3

Era a sega ni rawata na vanua na nomuni tamata ena nodra i seleiwau; Ka ra sega ni qaqa ena nodra kaukauwa ga; Ia, ena nomuni kaukauwa ga kei na nomuni qaqa, Ena vakadeitaka ni o ni sa tu voleka, Ka sa vakaraitaka oqo na nomuni lomani ira.

NA SAME 46:11

Sa tiko vata ga kei keda o Jiova ni lewevuqa Sa noda i drodro na Kalou i Jekope. Vua na i liuliu ni sere. A nodra Same na luve i Kora.

Aisea 12:2

Sa noqu i vakabula na Kalou; Au na vakadinati koya, ka sega ni rere. Sa solia vei au o Jiova na kaukauwa kei na qaqa; Sa noqu i vakabula o koya.

Aisea 43:2

Ni o ni lako ena loma ni wai, Au na tiko kei kemuni, Kei na loma ni veiuciwai Era na sega ni luvuci kemuni. Ke o ni lako ena loma ni buka O ni na sega ni kama, Ka na sega ni kati kemuni Na yameyame ni buka.

Jeremaia 46:27

“Kemuni na kawa i Jekope na noqu tamata ni kakua ni rere. Kemuni na Isireli ni kakua ni taqaya. Au na vakabulai kemuni mai na vanua yawa oqori, Mai na vanua o ni bobula tu kina. O ni na lesu tale mai ka mai bula ena sautu, O ni na galala ka na sega e vakarerei kemuni.

Jeremaia 49:3

Kemuni na kai Esiponi, ni tagi sara e cake! Sa vakarusai na nomuni koro. Kemuni na yalewa mai Rapa ni tagi. Ni daramaka na i sulu taga ka tagi. Ni veiciciyaki ena veilecayaki. Na nomuni kalou o Moloke ena kau vakabobula kei ira na nona bete kei na nona turaga.

Taniela 2:21

Sa lewa o koya na veigauna kei na dui draki; Sa buli ira na tui ka vakasivoi ira. Sa vu ni vuku kei na kila ka vei ira na tamata o koya.

Taniela 4:25

O ni na vakasevi tani mai vei keimami na tamata mo ni la'ki tu vata kei ira na manumanu kila. O ni na kana co me vaka na bulumakau ka moce e tautuba me lutuki kemuni kina na tegu ka yabaki vitu. E muri ga o ni na qai vakadinadinataka kina ni sa lewa na Kalou Cecere na veimatanitu ni tamata ka sa solia na matanitu vei koya ga sa nanuma kina.

Taniela 4:35

Sa sega ni wilika o koya me dua na ka na tamata; Sa lewai ira na agilosi ni lomalagi kei ira na kai vuravura kecega o koya. Sa sega ni dua e saqata rawa na nona lewa Se me liaca na ka sa cakava.

Maciu 8:26

Sa qai kaya vei iratou, “A cava dou sa rere kina, sa lailai na nomudou vakabauta?” Sa qai duri cake ka vunauca na cagi kei na wasawasa, ka sa maravu mai.

Vakarua 1:21

Ni raica, sai koya oqo na vanua sa solia vei kemuni o Jiova na nodra Kalou na nomuni qase: mo ni lako ka la'ki tawana. Ni kakua ni rere se yalolailai.”

Vakarua 31:8

Ena liutaki iko o Jiova ka na tiko vata kei iko. Ena sega ni laivi iko se biuti iko. Mo kakua sara ni rere se yalolailai.”

Vakarua 7:18

Ni kakua sara ni rerevaki ira; ni nanuma na ka sa cakava o Jiova na nomuni Kalou vua na tui Ijipita kei ira kece na nona tamata.

Vakarua 7:21

Ni kakua sara ni rerevaki ira na tamata oqo. Sa tiko kei kemuni o Jiova na nomuni Kalou, na Kalou levu sa dodonu me rerevaki.

Josua 1:9

Mo nanuma na noqu i vakaro, ‘Mo kaukauwa ka qaqa!’ Mo kakua ni rere se yalolailai, ni na tiko vata kei iko o Jiova na nomu Kalou ena vanua kecega o na lako kina.”

Josua 10:7

Sa qai lako cake mai Kilikali o Josua kei na nona mataivalu taucoko; ka vakakina o ira kece sara na nona sotia nuitaki.

Josua 10:8

Sa qai tukuna vei Josua o Jiova, “Mo kakua ni rerevaki ira. Au sa solia oti vei iko me nomu na qaqa. Ena sega sara ni dua vei ira me vorati iko rawa.”

Josua 2:24

ka tukuna, “Sa dei na yalo i keirau ni sa solia vei keda o Jiova na vanua taucoko. Era sa domobulataki keda o ira kecega na tamata.

Josua 6:2

Sa qai tukuna vei Josua o Jiova, “Mo rogoca mada oqo. Au sa soli Jeriko vei iko vata kei na kena tui kei ira na kena mata i valu qaqa.

Josua 7:9

Era na rogoca na kena i tukutuku o ira na kai Kenani kei ira kece ka tiko ena vanua oqo, era na mai wavokiti keimami ka vakamatei keimami kece sara! A cava beka o ni na cakava me taqomaki kina na i rogorogo ni yacamuni?”