Josua 7:9 - Vakavakadewa Vou kei na iVola tale eso

⁹ Era na rogoca na kena i tukutuku o ira na kai Kenani kei ira kece ka tiko ena vanua oqo, era na mai wavokiti keimami ka vakamatei keimami kece sara! A cava beka o ni na cakava me taqomaki kina na i rogorogo ni yacamuni?”

Ai Vola Tabu (Vakadewa Makawa Vakavoutaki 2021)

⁹ Era na rogoca na kai Kenani kei ira kece sa tiko e na vanua oqo, ka ra na mai vakavolivoliti keimami, ka vakaotia na yaca i keimami e vuravura, ia ka cava kemuni na cakava e na vuku ni yacamuni levu?”

AI VOLA TABU

⁹ Ia era na rogoca na kai Kenani kei ira kece sa tiko e na vanua o qo, a ra mai vakavolivolita keimami, ka vakaotia na yaca i keimami e vuravura, ia ka cava ko na cakava e na vuku ni yacamu levu?

Vakavakadewa Makawa

⁹ Era na rogoca na kai Kenani kei ira kece sa tiko e na vanua oqo, ka ra na mai vakavolivoliti keimami, ka vakaotia na yaca i keimami e vuravura, ia ka cava kemuni na cakava e na vuku ni yacamuni levu?

Ai Vola Tabu Ena Vakavakadewa Vou

⁹ Era na rogoca na kena i tukutuku o ira na kai Kenani kei ira kece ka tiko ena vanua oqo, era na mai wavokiti keimami ka vakamatei keimami kece sara! A cava beka o ni na cakava me taqomaki kina na i rogorogo ni yacamuni?”

Josua 7:9 Iomraidhean Croise

NA SAME 115:1

Me caka vei kemuni taudua ga Jiova na veivakalagilagi; Me caka vei kemuni taudua ga ka me kakua ni caka vei keimami, Ena vuku ni nomuni loloma tudei kei na nomuni yalodina.

NA SAME 48:10

O ni sa vakacaucautaki mai vei ira na tamata mai na veivanua kecega Ka sa tete yani na kemuni i rogorogo ki na vuravura taucoko. O ni sa dauvakataulewa ga ena dina kei na dodonu;

NA SAME 79:9

Ni vukei keimami na Kalou na neimami vakabula me baleta na dokai ni yacamuni; Ni vakabulai keimami ka vosoti keimami, Me ra na vakacaucautaki kemuni kina na tamata.

NA SAME 83:4

Era sa tukuna, “Mai, me da mai vakawabokotaka na nodra matanitu, Me kakua kina ni nanumi vakadua tale o Isireli.”

NA SAME 83:5

Era sa lomavata ena ka era sa bosea; Ka ra duavata me ra saqati kemuni:

Lako Yani 32:12

A cava na vuna me ra qai kaya kina o ira na kai Ijipita ni o ni kauti ira tani na Isireli mai Ijipita ena dua na i naki ca me ra mai vakamatei ena veiulunivanua ka vakarusai vakadua? Ni kakua ni cudru, ia mo ni veisautaka ga na nomuni vakasama ka kakua ni vakayacora na veika ca ka rerevaki oqo vei ira na nomuni tamata.

Isikeli 20:9

Ia ka'u cakacaka ga ena vuku ni yacaqu, me kakua ni vakacacani e matadra na veimatanitu, era sa tiko kei ira, ka'u sa vakatakilai au vei ira e matadra, ena noqu kauti ira tani mai na vanua o Ijipita.

Joeli 2:17

Me ra tagi ga ka cabo masu O ira na bete kei na i talatala i Jiova dauveiqaravi Ena maliwa ni matamata ki na Valenisoro Kei na i cabocabonisoro, ka kaya: “Ni yalololoma vei ira na nomuni tamata, na Kalou, Ni kakua ni cudruvi keimami Se me ra vakalialiai keimami na veimatanitu Ni ra sa kaya, “Evei na nomudou Kalou?”

Maika 7:10

Era na qai raica na ka oqo na keda meca ka ra na qai madua kina - o ira na meca era a vakalialiai keda ena nodra taroga, “Sa tiko e vei na Turaga na nomuni Kalou?” Ia eda na raica dina ga ni ra sa vakamalumalumutaki ka buturaki sobu me vaka na qele soso e gaunisala.

Tiko mai na Lekutu 14:13

Ia, sa tukuna o Mosese kivei Jiova, “O ni sa kauti ira tani mai Ijipita na lewenivanua oqo ena nomuni kaukauwa. Ena gauna era na qai rogoca kina na kai Ijipita na veika o ni sa cakava oqo vei ira na nomuni tamata,

Joni 12:28

I Tamaqu, mo ni vakalagilagia na yacamuni!” Sa qai rogo mai e dua na vosa mai lomalagi, ka kaya, “Au sa vakalagilagia oti, ka'u na vakalagilagia tale.”

Vakarua 9:28

de ra qai nanuma na kai Ijipita ni o ni sa sega ni kauti ira rawa na nomuni tamata ki na vanua o ni a yalataka vei ira. Era na kaya ni o ni a kauti ira ga ki na vanua lala mo ni vakamatei ira kina ni o ni sa rui cati ira.

Josua 7:10

Sa qai vosa vei Josua o Jiova, ka tukuna, “Mata cake mai! A cava o sa davo vakatoboicu tu kina vakaoqo?

Josua 7:8

Na cava tale me'u qai tukuna, kemuni Jiova, oqo ni ra sa vakanadaku vei ira na meca o ira na Isireli?

1 Samuela 12:22

Ni sa cakava o Jiova na nona yalayala, io ena sega ni laivi kemuni ka ni sa marautaka na nona vakayacori kemuni me nona tamata digitaki.