Josua 7:7 - Vakavakadewa Vou kei na iVola tale eso

⁷ Sa qai tukuna o Josua, “Kemuni Jiova! A cava na vuna o ni kauti keimami mai kina ki na tai ni Joritani oqo? O ni vinakata li mo ni soli keimami vei ira na Amoraiti me ra vakarusai keimami? A cava na vuna keimami a sega ni tu ga kina mai na tai kadua ni Joritani?

Ai Vola Tabu (Vakadewa Makawa Vakavoutaki 2021)

⁷ A sa kaya ko Josua, “Ulei! Noqu Turaga, Jiova, e na vuku ni cava ko ni sa kauti ira kina na tamata oqo ki na tai ni Joritani oqo, me soli keimami ki na ligadra na Amoraiti, me keimami vakarusai kina? Ia kevaka keimami a lasa e na tai kadua ni Joritani ka tiko kina, ke sa vinaka!

AI VOLA TABU

⁷ A sa kaya ko Josua, Ule. Turaga, Jiova, e na vuku ni cava ko sa kauti ira kina na tamata o qo ki na tai o qo ni Joritani, me soli keimami ki na ligadra na luve i Amori, me keimami vakarusai kina? ia kevaka keimami a lasa e na tai kadua ni Joritani ka tiko kina, ke sa vinaka!

Vakavakadewa Makawa

⁷ A sa kaya ko Josua, Ulei! noqu Turaga, Jiova, e na vuku ni cava ko ni sa kauti ira kina na tamata oqo ki na tai ni Joritani oqo, me soli keimami ki na ligadra na Amoraiti, me keimami vakarusai kina? ia kevaka keimami a lasa e na tai kadua ni Joritani ka tiko kina, ke sa vinaka!

Ai Vola Tabu Ena Vakavakadewa Vou

⁷ Sa qai tukuna o Josua, “Kemuni Jiova! A cava na vuna o ni kauti keimami mai kina ki na tai ni Joritani oqo? O ni vinakata li mo ni soli keimami vei ira na Amoraiti me ra vakarusai keimami? A cava na vuna keimami a sega ni tu ga kina mai na tai kadua ni Joritani?

Josua 7:7 Iomraidhean Croise

2 Tui 3:10

A sa kaya na tui Isireli, “Isa! Sa kacivi iratou vata na tui tolutolu oqo o Jiova me soli iratou ki ligadra na Moapi.”

NA SAME 116:11

Au a kaya ena kurabui kei na rere, “Sa sega ni dua e rawa me da vakadinata.”

Lako Yani 16:3

ka kaya vei rau, “E vinaka cake me a se vakamatei keimami ga mai Ijipita na liga i Jiova. Mai kea, keimami a bau dabe vinaka toka ka kania na levu ga ni lewe ni manumanu kei na levu ni kakana tale eso keimami sa via kania. Ia drau sa kauti keimami ga mai ki na vanua lala oqo me keimami mai kolaiciba kina ena viakana.”

Lako Yani 17:3

Ia era a viagunu tikoga mai kea na tamata ka vosa vakacudrucudru vei Mosese, ka kaya, “A cava o sa kauti keimami tani kina mai Ijipita, mo mai vakamatei keimami, na luve i keimami kei na neimami manumanu ena viagunu?”

Tiko mai na Lekutu 14:16

‘Ena vuku ni sa sega ni kauti ira rawa na tamata oqo o Jiova ki na vanua ka sa bubuluitaka oti me solia vei ira, sa qai vakamatei ira kina vakaoqo o koya ena vanua lala.’

Tiko mai na Lekutu 14:3

Ena vuku ni cava sa kauti keda mai kina o Jiova ki na vanua oqo, me da mai vakamatei ena i seleiwau? Era na mai mate wale o ira na watida kei ira na luveda; ena sega li ni vinaka cake me da lesu tale ki Ijipita?”

Maciu 17:17

Sa qai sauma o Jisu, ka kaya, “Sa dua dina na i tabatamata tawa vakabauta ka yalo vakatani oi kemuni oqo! Me cava soti na dede ni gauna me'u tiko vata kina kei kemuni? Me cava soti na dede ni noqu vosoti kemuni voli? Kauta mai vei au na gone oqori!”

Maciu 17:20

Sa qai kaya vei iratou o koya, “E baleta ni lailai ga na nomudou vakabauta. Ni'u sa kaya vakaidina vei kemudou, kevaka e tu vei kemudou na vakabauta me vaka na sore ni musita, dou na kaya ki na ulunivanua oqo, ‘Mo toso mai na vanua oqo ki kea,’ ka na toso vakakina. Sa sega na ka e dredre vei kemudou!

Iperiu 12:5

O ni sa guilecava li na vosa ni veivakayaloqaqataki ka a tukuna vei kemuni na Kalou me vaka o ni sa luvena? “Na luvequ, kakua ni vakawaletaka na veivakadodonutaki ni Turaga, Mo kakua ni yalolailai ni sa vakanakuitataki iko o koya.

Josua 7:6

Ena levu ni nona rarawa, sa qai dresulaka kina na nona i sulu o Josua ka bale sobu vakatoboicu ki na qele, ena mata ni kato ni veiyalayalati i Jiova, ka koto ga e kea me yacova sara na yakavi. Era sa kitaka talega vakakina o ira na qase ni Isireli, ka sova na kuvu ni qele ki uludra.

Josua 7:8

Na cava tale me'u qai tukuna, kemuni Jiova, oqo ni ra sa vakanadaku vei ira na meca o ira na Isireli?

Dauveilewai 20:23

Era qai lako cake na Isireli ka tagi vei Jiova me yacova na yakavi, ka ra qai taroga vua, “Me keimami sa lako cake li me veivala kei ira na weka i keimami na Penijamini?” A sauma o Jiova, “Io, mo ni lako cake ka valuti ira.”

1 Samuela 4:3

Ni ra sa suka tale yani ki na i tikotiko vakaivalu o ira era bula mai na i valu, era a kaya na nodra qase na Isireli, “A cava na vuna sa ravuti keda kina edaidai o Jiova e matadra na kai Filisitia? Me da la'ki kauta mai na Kato ni Veiyalayalati i Jiova mai Sailo me rawa kina ni lako vata tiko kei keda o koya, ka vakabulai keda mai na ligadra na keda meca.”