Josua 7:6 - Vakavakadewa Vou kei na iVola tale eso

⁶ Ena levu ni nona rarawa, sa qai dresulaka kina na nona i sulu o Josua ka bale sobu vakatoboicu ki na qele, ena mata ni kato ni veiyalayalati i Jiova, ka koto ga e kea me yacova sara na yakavi. Era sa kitaka talega vakakina o ira na qase ni Isireli, ka sova na kuvu ni qele ki uludra.

Ai Vola Tabu (Vakadewa Makawa Vakavoutaki 2021)

⁶ A sa qai dresulaka na nona i sulu ko Josua, ka cuva vakatoboicu ki na qele e na mata ni kato i Jiova me yacova na yakavi, o koya kei ira na qase ni Isireli; ka ra sa kaburaka na kuvu ni qele ki na buradeladra.

AI VOLA TABU

⁶ A sa dresuka na nonai sulu ko Josua, ka bale vakatobocu ki na qele e na mata ni kato i Jiova, ka yakavi mai, o koya kei ira na qase ni Isireli, ka viria na kuvu ni qele ki na buradeladra.

Vakavakadewa Makawa

⁶ A sa dresulaka na nonai sulu ko Josua, ka cuva vakatoboicu i na qele e na mata ni kato i Jiova, ka yakavi mai, o koya kei ira na qase ni Isireli, ka vakabuya na kuvu ni qele ki na buradeladra.

Ai Vola Tabu Ena Vakavakadewa Vou

⁶ Ena levu ni nona rarawa, sa qai dresulaka kina na nona i sulu o Josua ka bale sobu vakatoboicu ki na qele, ena mata ni kato ni veiyalayalati i Jiova, ka koto ga e kea me yacova sara na yakavi. Era sa kitaka talega vakakina o ira na qase ni Isireli, ka sova na kuvu ni qele ki uludra.

Josua 7:6 Iomraidhean Croise

Vakatekivu 37:29

Ia ni sa lesu mai o Rupeni, sa raica ni sa yali o Iosefo mai na i keli; a sa dresulaka na nona i sulu ni sa rarawa.

Vakatekivu 37:34

Sa qai dresulaka na nona i sulu o Jekope, ka viviraka e dua na i sulu loaloa e tolona me vakaraitaka na nona rarawa, ka sa tagicaka voli na luvena ena dua na gauna balavu.

2 Samuela 1:11

A sa dresulaka na nona i sulu o Tevita ena vuku ni nona rarawa, ka ra sa vakayacora vakakina o ira kece na nona tamata era tu vata kaya.

2 Samuela 1:12

Era sa tagi, ka vakaloloku, ka lolo me yacova na yakavi ena vuku i Saula kei Jonacani, kei na vukudra talega na tamata i Jiova kei na mataqali i Isireli, baleta ni sa lewe levu era sa mate ena i valu.

2 Samuela 1:2

Ena i katolu ni siga, sa qai lako mai e dua na tamata mai na i tikotiko ni valu i Saula. E a dresulaka na nona i sulu ka kaburaka e uluna na qele me vakaraitaka na nona lolosi. Sa qai lako mai vei Tevita ka cuva ki na qele ena vakarokoroko.

2 Samuela 12:16

E a vakamasuta na Kalou o Tevita me bula cake mai na gone. A sega ni via kania e dua na kakana, ka sa davo koto ga ena buturara ni nona rumu ni moce ena veibogi.

2 Samuela 13:19

A sa kaburaka na dravusa ki uluna o Tema, a qai dresulaka na nona i sulu veivolavolai ka daramaka tiko; ka ubia na matana ena ligana ka lako tagitagi yani ena domoilevu.

2 Samuela 13:31

A qai tucake na tui, dresulaka na nona i sulu, ka davo ena qele; era a tucake kecega o ira na nona tamata, ra dresulaka talega na nodra i sulu, ka davo talega ena qele.

2 Tui 22:11

Ia ni rogoca na tui na vosa ni vola ni vunau, a sa dresulaka na nona i sulu, ni sa cokai na yalona.

2 Veigauna 34:19

Ni sa rogoca na vosa ni vunau na tui, sa dresulaka na nona i sulu ni sa kurabui ka rarawa vakalevu.

Esera 10:1

Era sa lewe vuqa sara na Isireli era vakasoqoni wavoliti Esera yani ni sa masu tiko ena mata ni Valenisoro, ni sa tagi ka vakatusa tiko na nodra i valavala ca. Oqo o ira na tagane, na yalewa, kei ira na gone, ka ra sa tagi vakalevu talega.

Niemaia 9:1

Ena i ka 24 ni siga ni vula oqo, era a soqoni vata na Isireli me ra lolo, ka ra a vakaisulu taga ka biuta na soso ki na uludra me vakatakila na levu ni nodra rarawa.

Esiteri 4:1

Ni rogoca o Motekai ni sa nakiti tiko me ra vakamatei taucoko vakadua na Jiu, a qai dresulaka na nona i sulu ka vakaisulu ena i sulu taga ka kaburaka na dravusa ki na uluna. A qai lako yani ki na loma ni koro ka la'ki tagi qoqolou voli kina ena rarawa.

Esiteri 4:3

Ia ena veiyasana kecega a vakauti yani kina na lewa ni tui, a yaco kina e dua na vakaloloku levu vei ira na Jiu., Era a lolo ka tagi lagalaga ka lewe vuqa vei ira era vakaisulu taga ka davo tu ena dravusa.

Jope 1:20

A qai tucake o Jope ka dresulaka na nona i sulu ka tasivoritaka na uluna ka bitalaki koya vakatoboicu ki na qele me i vakaraitaki ni nona rarawa.

Jope 2:12

Ni ratou toso tiko yani, a vovoleka me ratou sega ni kilai Jope rawa, ka ni sa veisau sara ga vakalevu na kena i rairai. Ia ni ratou qai kilai koya sa ka levu dina na nodratou rarawa, ratou tagi vakadomoilevu, dresulaka na nodratou i sulu, kaburaka cake na kuvu ni qele ka ubia talega kina na uludratou.

Jope 42:6

O koya oqo au sa vakayalomalumalumutaki au kina, Ka lesu tale ki na kuvu ni qele kei na dravusa.

Lele i Jeremaia 2:10

O ira na qase mai Jerusalemi Era sa dabe sobu ena qele ka vagagalu; Sa viritaki ga ki uludra na qele Ka sa vakaisulu ena sulu taga; Ia o ira na goneyalewa kei Jerusalemi, Era sa cuva ena vakarokoroko ki na qele.

Tiko mai na Lekutu 14:6

Sa qai dresulaka na nodrau i sulu me vakaraitaka na nodrau rarawa levu o Josua na luve i Nuni kei Kelevi na luve i Jifune, e rua vei ira na yamata ka la'ki rai vanua,

Tiko mai na Lekutu 16:22

E rau sa cuva vakatoboicu, ka kaya, “Kemuni na Kalou, na Kalou ni yalo ni tamata kecega: O ni sa cudruvi ira li na lewenivanua taucoko ni sai valavala ca e duabulu wale ga na tamata?”

Tiko mai na Lekutu 16:45

“Mo drau lako tani vakatikitiki mai vei ira na lewenivanua oqo, me'u vakarusai ira ena gauna sara ga oqo.” E rau sa qai cuva vakatoboicu.

Cakacaka 14:14

Ni rau sa rogoca o Panapasa kei Paula, e rau sa qai dresulaka na nodrau i sulu, ka cici yani ki na kedra maliwa na lewe vuqa,

Josua 7:7

Sa qai tukuna o Josua, “Kemuni Jiova! A cava na vuna o ni kauti keimami mai kina ki na tai ni Joritani oqo? O ni vinakata li mo ni soli keimami vei ira na Amoraiti me ra vakarusai keimami? A cava na vuna keimami a sega ni tu ga kina mai na tai kadua ni Joritani?

Vakatakila 18:19

Era na qai biuta na kuvu ni qele ki uludra ni ra sa tagi ka qolouvaka tiko: “Sa vakadomobula dina! Sa rui vakaloloma na koro cecere oqo! Oqo ga na koro levu sa vakavutuniyautaki ira na i taukei ni waqa kecega sa sokowasa voli na nodra waqa! Ia sa qai vakayalia na nona veika kece ena loma ga ni dua na aua!”

Dauveilewai 11:35

Ia ni raici koya, a dresulaka na nona i sulu ka kaya, “Isa na luvequ! O sa biuti au sobu ki ra, sa yaco mo vakavuna na noqu loma leqa. Au sa dola gusu oti vei Jiova, ka sega ni rawa vei au me'u vakasuka tale mai na noqu vosa ni yalayala.”

Dauveilewai 20:23

Era qai lako cake na Isireli ka tagi vei Jiova me yacova na yakavi, ka ra qai taroga vua, “Me keimami sa lako cake li me veivala kei ira na weka i keimami na Penijamini?” A sauma o Jiova, “Io, mo ni lako cake ka valuti ira.”

Dauveilewai 20:26

Era a qai suka lesu tale na mataivalu taucoko ni Isireli ki Peceli; era dabe ka tagi ena mata i Jiova, era lolo ena siga o ya me yacova na yakavi. Era a qai vakacabora na i soro kama kei na i madrali ni veivinakati vei Jiova.

Dauveilewai 21:2

Era a lako mai na tamata ki Peceli, ka dabe tiko e kea ena mata i Jiova me yacova na yakavi, era a qai laveta cake na domodra ka tagi vakadomoilevu sara.

1 Samuela 4:12

A cici e dua na tamata mai vei ira na Penijamini mai na vanua ni veiraravui, a lako mai ki Sailo ena siga o ya ka kakadresudresu tu na nona i sulu, ka ubia talega na uluna ena qele.