Josua 7:26 - Vakavakadewa Vou kei na iVola tale eso

²⁶ Era sa qai binia e delana e dua na i binibini vatu vakaitamera, ka sa tu ga e kea me yacova na siga oqo. Sai koya oqori na vuna ka vakatokai kina na vanua o ya na Buca ni Akori. A sa qai seavu yani na cudru katakata i Jiova.

Ai Vola Tabu (Vakadewa Makawa Vakavoutaki 2021)

²⁶ A ra binia e delana e dua nai binibini vatu levu, ko ya sa tu edaidai. A sa saumaki ko Jiova mai na katakata ni nona cudru. O koya oqo sa vakatokai kina na yaca ni tikina ko ya, Na buca i Akori [Leqa], ka yacova na siga edaidai.

AI VOLA TABU

²⁶ A ra binia e delana nai binibini vatu levu, a ya sa tu edaidai. A sa saumaki ko Jiova mai na katakata ni nona cudru. O koya o qo sa vakatokai kina na yaca ni tikina ko ya, Na buca i Akori [Vakararawataki], ka yacova na siga edaidai.

Vakavakadewa Makawa

²⁶ A ra binia e delana e dua nai binibini vatu levu, ko ya sa tu edaidai. A sa saumaki ko Jiova mai na katakata ni nona cudru. O koya oqo sa vakatokai kina na yaca ni tikina ko ya, Na buca i Akori [Vakararawataki], ka yacova na siga edaidai.

Ai Vola Tabu Ena Vakavakadewa Vou

²⁶ Era sa qai binia e delana e dua na i binibini vatu vakaitamera, ka sa tu ga e kea me yacova na siga oqo. Sai koya oqori na vuna ka vakatokai kina na vanua o ya na Buca ni Akori. A sa qai seavu yani na cudru katakata i Jiova.

Josua 7:26 Iomraidhean Croise

2 Samuela 18:17

Era a kauta na yago i Apisalome, ka biuti koya ki na loma ni dua na i keli levu e veikau o ya, era a binia e delana e dua na i binibini vatu levu sara; ka ra dui dro kece na Isireli ki na nodra veivale.

2 Samuela 21:14

Era a buluta vata na suidrau o Saula kei Jonacani na luvena ena vanua nei Penijamini mai Sela, ena i bulubulu i Kisi na tamana; era a kitaka na ka kecega a vakarota na tui. Ia ni oti na veika oqo; a qai rogoca na Kalou na vakamamasu lokomi ena vuku ni vanua.

2 Veigauna 29:10

Ia oqo, sa tiko e lomaqu me caka e dua na veiyalayalati kei Jiova na Kalou ni Isireli me vagolei tani kina mai vei keda na nona cudru waqawaqa.

Esera 10:14

Me ra tiko ga e Jerusalemi o ira na neimami vakailesilesi ka qarava na leqa oqo. Ia me qai lako mai o koya vakayadua sa vakawati kei na yalewa tani ena dua na gauna lokuci, vata kei ira na i liuliu kei na dauveilewai ni koro. Na sala oqo ena vagolei tani kina na cudru ni Kalou me baleta na cala levu oqo.”

NA SAME 85:4

Ni vakalesui keimami tale, na Kalou ka neimami i Vakabula, Ka me oti na nomuni cudruvi keimami!

Lako Yani 32:12

A cava na vuna me ra qai kaya kina o ira na kai Ijipita ni o ni kauti ira tani na Isireli mai Ijipita ena dua na i naki ca me ra mai vakamatei ena veiulunivanua ka vakarusai vakadua? Ni kakua ni cudru, ia mo ni veisautaka ga na nomuni vakasama ka kakua ni vakayacora na veika ca ka rerevaki oqo vei ira na nomuni tamata.

Aisea 40:2

Vakayaloqaqataki ira na lewe i Jerusalemi. Kaya vei ira ni sa balavu mai na nodra vakararawataki Ka sa bokoci na nodra i valavala ca. Sa saumi taucoko sara vei ira na nodra i valavala ca.”

Aisea 65:10

Era na qaravi au Ka liutaka na nodra sipi kei na bulumakau Ena veico ena buca o Saroni mai na ra, Kei na Qakilo ni Leqa ena tokalau.

Lele i Jeremaia 3:53

Era sa biuti au bulabula ena i keli Ka vakaviriki au ena vatu.

Osea 2:15

Au na solia lesu tale vua na nona veiwere ni vaini ka vakayacora na Buca ni Leqa me katuba ni dua na i nuinui vou. Mai kea ena rogoci au o koya me vaka na gauna ni nona a se goneyalewa, ena gauna sa lako cake mai kina mai na vanua o Ijipita.

Osea 2:17

Au na kauta tani na yacadra na Peali mai na gusuna, ena sega ni cavuti tale vakadua na dui yacadra.

Joeli 2:13

Me dusia na nomudou veivutuni dina Na yalo sa raramusumusu; Ni sa sega ni yaga na dresulaki wale ga ni nomudou i sulu.” Dou lesu vei Jiova na nomudou Kalou, Ni sa yalovinaka ka yalololoma o koya; Sa berabera na nona cudru Ka vutuniyau ena loloma sa tudei; Dou veivutunitaka na nomudou caka cala.

Joeli 2:18

A sa kauwaitaka tale o Jiova na nona vanua Ka yalololoma tale vei ira na nona tamata.

Jona 1:15

Era a qai tauri Jona ka biuti koya ki wasawasa, ka mai maravu vakasauri sara yani.

Sakaraia 6:8

A sa qai kaci mai vei au na agilosi, ka kaya, “O iratou na ose ka lako ki na vualiku ki Papiloni e ratou sa vakamalumutaka na cudru i Jiova mai kea.”

Tiko mai na Lekutu 25:8

ka muri koya yani na Isireli kei na yalewa ki na loma ni valelaca, ka cokai rau mate ruarua ena ketedrau. Ena ka oqo sa mudu kina na mate levu mai vei ira na Isireli,

Vakarua 13:17

Mo ni kakua sara ni maroroya me nomuni e dua na ka e dodonu me vakarusai; ena qai vuki kina o Jiova mai na nona cudru waqawaqa me lomani kemuni. Ena qai yalo loloma vei kemuni ka vakalewevuqataki kemuni me vaka sa yalataka vei ira na nomuni qase,

Vakarua 13:18

kevaka o ni na muria na nona i vakaro kecega au sa wasea vei kemuni edaidai mo ni cakava na ka sa dodonu ena mata i Jiova na nomuni Kalou.

Josua 10:27

Ia ni sa dromu na siga, sa vakarota o Josua me kau sobu mai na yagodratou ka viritaki ki na loma ni qaravatu ka ratou a vunitaki iratou mada kina e liu. Sa qai bini yadua na vatu lelevu e gusu ni qara, ka ra sa tu ga kina me yacova na siga oqo.

Josua 7:24

Sa qai lako o Josua kei ira kecega na Isireli, ka kauti Ekani na luve i Sira, vata kei na siliva, na kote balavu, na koula, na luvena tagane kei na luvena yalewa kece, na nona bulumakau, na asa kei na sipi, na nona valelaca kei na veika kecega e taukena, ki na buca i Akori.

Josua 8:29

Sa qai kukunataki na tui Ai, ka lili tu ena vunikau me yacova na yakavi ni sa dromu na siga me vaka na i vakaro i Josua, era a qai tukuca sobu na yagona mai na vunikau ka kolotaka ki na matamata ni koro. Era a vakaduria cake kina e dua na i buli qele levu ka duri tu me yacova na gauna oqo.