Josua 7:25 - Vakavakadewa Vou kei na iVola tale eso

²⁵ Sa qai tukuna vakaoqo o Josua, “Na cava o sa kauta mai kina vei keda na leqa bibi vakaoqo? Ena kauta mai vei iko o Jiova na leqa levu edaidai.” Era sa qai vakaviriki Ekani me mate sara, o ira na tamata kece; ka vakaviriki ka vakamai talega na nona vuvale kei na veika kecega e taukena.

Ai Vola Tabu (Vakadewa Makawa Vakavoutaki 2021)

²⁵ A sa kaya ko Josua, “A cava ko sa vakararawataki keimami kina? Ena vakararawataki iko e na siga edaidai ko Jiova.” A ra sa vakaviriki koya e na vatu ko ira kecega na Isireli; ka ra vakamai ira e na bukawaqa, ka vakaviriki ira e na vatu.

AI VOLA TABU

²⁵ A sa kaya ko Josua, A cava ko sa vakararawataki keimami kina? ena vakararawataki iko e na siga edaidai ko Jiova. A sa viriki koya e na vatu ko ira kecega na Isireli; ia era vakamai ira e na buka, ka viriki ira e na vatu.

Vakavakadewa Makawa

²⁵ A sa kaya ko Josua, A cava ko sa vakararawataki keimami kina? ena vakararawataki iko e na siga edaidai ko Jiova. A ra sa vakaviriki koya e na vatu ko ira kecega na Isireli; ka ra vakamai ira e na bukawaqa, ka vakaviriki ira e na vatu.

Ai Vola Tabu Ena Vakavakadewa Vou

²⁵ Sa qai tukuna vakaoqo o Josua, “Na cava o sa kauta mai kina vei keda na leqa bibi vakaoqo? Ena kauta mai vei iko ko Jiova na leqa levu edaidai.” Era sa qai vakaviriki Ekani me mate sara, o ira na tamata kece; ka vakaviriki ka vakamai talega na nona vuvale kei na veika kecega e taukena.

Josua 7:25 Iomraidhean Croise

Vakatekivu 34:30

A sa qai tukuna o Jekope vei Simione kei Livai, “O drau sa kauta mai vei au na leqa ka vakavuna me'u na cati ena kedra maliwa na kai Kenani kei ira na Perisaiti, kei ira na lewenivanua oqo. Sa sega ni levu na noqu tamata; ia kevaka era sa cokovata me ra saqati au, na nodatou vuvale taucoko sara ena vakarusai.”

Vakatekivu 38:24

Ni sa oti e tolu na vula, a sa tukutuku e dua vei Juta ka kaya, “Na vugomu o Tema sa vakadinadinataka na nona cala ni sa dauvolitaki koya voli, ka ni sa bukete.” Sa qai kaya o Juta, “Dou kauti koya i tuba ka vakamai koya me mate.”

1 Veigauna 2:7

Ia o Ekani, na luve i Kamai tagane ka kawa i Sira, a sa kauta mai na ka rarawa vei ira na Isireli ena nona maroroya na i toki vakatabui sa lesi me nona na Kalou.

Vosavakaibalebale 1:19

E dau vakavuqa me butakoci talega na nodra bula na daubutako, me i tinitini ni yalo kocokoco vei ira era vakaitavi kina.

Vosavakaibalebale 15:27

Na daukocokoco sa vakavu leqa ki na loma ni vuvale, ia o koya sa sega ni ciqoma na veivaqumi ena bula balavu.

Vunau ni Soro 20:14

Kevaka e dua na tagane sa vakawatitaka e dua na yalewa vata kei koya na tinana, e dodonu me ratou vakamai tolutolu ena bukawaqa baleta ni ratou sa vakayacora e dua na i tovo vakamadua levu; me kakua ni yaco vei kemuni na mataqali i vakarau vakaoqo.

Vunau ni Soro 20:2

“Mo kaya tale vei ira na Isireli: Kevaka sa dua vei ira se dua na kai tani sa tiko vulagi vei ira, se solia e dua vei ira na luvena vei Moloke, me vakamatei vakaidina o koya; me ra vakaviriki koya ena vatu o ira na lewenivanua.

Vunau ni Soro 21:9

Ia na luvena yalewa e dua na bete sa vakacacani koya ni sa dautagane, sa vakacacana talega na tamana; ena vakamai o koya ena bukawaqa.

Vunau ni Soro 24:14

“Dou kauti koya na tagane oqori ki na taudaku ni i tikotiko. O ira kece sara era rogoci koya ni vosavakacaca me ra tabaka na uluna ena ligadra me vakadinadinataka na nona cala, ka me ra qai vakavirika ena vatu o ira na lewenivanua kecega.

Kalatia 5:12

Au gadreva ke ra muduki ira sara ga o ira era gadreva mo ni cilivi ka kakua ni vakasagai kemuni tale tiko.

Vakarua 13:10

Mo ni vakaviriki koya ena vatu me mate sara baleta ni sa saga me vagolei kemuni tani mai vua o Jiova na nomuni Kalou ka sereki kemuni ni o ni a bobula tu mai Ijipita.

Vakarua 13:11

Era na qai rogoca kece na Isireli na ka sa yaco, era na qai rere ka na sega ni cakava tale na ka ca oqo vei kemuni.

Vakarua 17:5

mo ni qai kauta na tamata o ya ki na i bili ni koro ka vakaviriki koya ena vatu me mate sara.

Vakarua 21:21

Ni oti o ya, me ra qai tucake na tagane kece ena koro o ya ka vakaviriki koya ena vatu me yacova sara ni sa mate; me kawaboko kina mai vei kemuni na ca oqo. Era sa qai rogoca kecega na Isireli na ka sa yaco, ka vakasinaiti ena rere.

2 Cesalonaika 1:6

Ia ena vakayacora ga na ka dodonu na Kalou: ena vakararawataki ira sa vakavuna na nomuni rarawa o koya,

Iperiu 12:15

Ni qarauna me kakua ni dua me vakanadakuya na loloma-savu ni Kalou. Ni qarauna talega me kakua ni dua e yaco me vaka na kau gaga sa tubu cake ka vakavu leqa vei ira na lewe vuqa ena vuku ni kena gaga.

Josua 6:18

Mo ni kakua ni taura e dua na ka sa lewai me vakarusai. Kevaka o ni taura e dua na ka, ka sa lewai me vakarusai, o ni na kauta ga mai na leqa kei na rusa ki na noda i tikotiko na Isireli.

Josua 7:15

Ena vakamai o koya e kune vua na ka sa lewai me vakarusai, kei na nona matavuvale kei na veika kece e taukena, ni sa vakavuna na madua levu e Isireli o koya ka sa beca na noqu veiyalayalati.”

1 Samuela 14:29

A sa kaya vei ira o Jonacani, “Sa vakaleqa na vanua o tamaqu; ni raica mada na kena serau mai na mataqu, ni'u sa kania vakalailai na de ni oni oqo.