Josua 7:12 - Vakavakadewa Vou kei na iVola tale eso

¹² Oqori sara ga na vuna era sa sega ni vorati ira rawa kina na kedra meca o ira na Isireli. Era sa vakasuka e matadra na meca, me baleta ni sa lewai talega me ra vakarusai! Au sa na sega ni tiko tale kei kemuni, vakavo ga kevaka o ni vakarusa sara na veika sa lewai mo ni kakua ni taura!

Ai Vola Tabu (Vakadewa Makawa Vakavoutaki 2021)

¹² Ia era sega ni tu rawa kina ko ira na Isireli e matadra na nodra meca; era sa vakanadakuya na nodra meca, ka ni ra sa lesi me vakarusai. Au na sega tale ni tiko kei kemuni, kevaka ko ni na sega ni vakaotia na ka sa lesi me vakarusai me kua ni tiko vei kemuni.

AI VOLA TABU

¹² Ia era tawa tu rawa kina ko ira na luve i Isireli e na matadra na nodra meca; era sa vakanadaku mai e na matadra na nodra meca, e na vuku ni ra sa mai lesi me vakarusai: au na sega tale ni tiko kei kemuni, kevaka dou na sega ni vakaotia na ka sa lesi me vakarusai me kua ni tiko vei kemuni.

Vakavakadewa Makawa

¹² Ia era sega ni tu rawa kina ko ira na Isireli e matadra na nodra meca; era sa vakanadakuya na nodra meca, ka ni ra sa lesi me vakarusai: au na sega tale ni tiko kei kemuni, kevaka ko ni na sega ni vakaotia na ka sa lesi me vakarusai me kua ni tiko vei kemuni.

Ai Vola Tabu Ena Vakavakadewa Vou

¹² Oqori sara ga na vuna era sa sega ni vorati ira rawa kina na kedra meca o ira na Isireli. Era sa vakasuka e matadra na meca, me baleta ni sa lewai talega me ra vakarusai! Au sa na sega ni tiko tale kei kemuni, vakavo ga kevaka o ni vakarusa sara na veika sa lewai mo ni kakua ni taura!

Josua 7:12 Iomraidhean Croise

NA SAME 44:10

O ni sa vakavuna me keimami dro tani mai vei ira na keimami meca, Ka ra taura na veika keimami taukena.

NA SAME 60:10

Kemuni na Kalou, o ni sa biuti keimami dina li? O ni na sega beka ni tayabe vata yani kei na neimami mataivalu?

Vosavakaibalebale 28:1

Era na dau dro na tamata ca ni sega ni dua e vakasavi ira, ia na tamata yalodina ena qaqa me vaka na laione.

Aisea 59:2

Ia na nomudou i valavala ca ga Sa tawasei kemudou mai vua na Kalou; Na nomudou i valavala ca ga Sa vunitaka na matana mai vei kemudou, Me sega kina ni rogoca.

Jeremaia 23:33

A sa kaya vei au o Jiova, “I Jeremaia, kevaka sa tarogi iko vakaoqo e dua vei ira na noqu tamata, se parofita, se bete, ‘A cava na nona i colacola i Jiova?’ Mo qai tukuna ga vua vakaoqo: ‘Sa i iko ga na i colacola i Jiova, ena biuti iko tani o koya.’

Jeremaia 6:8

Ni rogoca mada na i vakasala na lewe i Jerusalemi, de'u na qai biuti kemuni; Au na vukica nomuni koro me dua na vanua dravuisiga, ka na sega e dua e bula rawa kina.”

Osea 9:12

Ia kevaka era mani susuga cake na luvedra, au na kauti ira tani kece sara ka sega ni vakabula e dua. Ena yacovi ira na veika rerevaki ena gauna ka'u sa vakanadakui ira kina.

Apakuki 1:13

E rawa saka vakacava vei kemuni mo ni vinakati ira na tamata ca ka dauveivakaisini oqo? Na matamuni e rui tabu ka savasava me raica na ka ca, ka sega ni rawa mo ni vosota na raici ira tiko na tamata daucaka ca. Ia na cava beka ga na vu ni nomuni vagagalu tiko ni ra sa vakarusai ira tiko na tamata era dodonu cake mai vei ira o ira na tamata oqo?

Tiko mai na Lekutu 14:39

Ni sa vakaraitaka o Mosese vei ira kecega na Isireli na veika sa tukuna o Jiova, era sa tagi vakadomoilevu na lewenivanua.

Tiko mai na Lekutu 14:42

Mo ni kakua ni lako cake, de ra qai samuti kemuni mai o ira na kemuni meca, ni sa sega ni tiko vata kei kemuni o Jiova.

Tiko mai na Lekutu 14:43

Ena gauna sa sotavi kemuni kina mai kea o ira na Amalekaiti kei ira na kai Kenani, o ni na mate ena i valu; sa sega ni tiko vata kei kemuni o Jiova baleta ni o ni sa sega ni via muri koya.”

Tiko mai na Lekutu 14:45

Era sa qai siro sobu mai na Amalekaiti kei ira na kai Kenani era tiko e kea ka valuti ira na tamata domoqa oqo, ka vakamalumalumutaki ira, ka cemuri ira sobu me yaco sara ki Orima.

Vakarua 7:26

Mo ni kakua ni kauta e dua vei ira na veimatakau oqo ki na nomuni veivale de yaco vei kemuni na ka ca ka dodonu me yacovi ira. Mo ni cata ka vakasisilataka na veimatakau oqori ka ni sa tu kina na cudru i Jiova.

Josua 6:18

Mo ni kakua ni taura e dua na ka sa lewai me vakarusai. Kevaka o ni taura e dua na ka, ka sa lewai me vakarusai, o ni na kauta ga mai na leqa kei na rusa ki na noda i tikotiko na Isireli.

Dauveilewai 16:20

A qai kaci vakadomoilevu o koya, “I Samisoni! Era sa lako mai na kai Filisitia.” A sa yadra mai na moce ka qai vakananuma. “Au na vagalalataki au, me vaka ga au dau cakava.” Ia a sega ni kila o koya ni sa biuti koya o Jiova.

Dauveilewai 2:14

Ena ka oqo sa tubu kina na cudru waqawaqa i Jiova vei ira na Isireli, ka soli ira kina vei ira na dauvakacaca me vakalolomataki ira ka volitaki ira vei ira nodra meca era tiko vakavolivoliti ira, ka ni ra sa sega ni taqomaki ira rawa.

Dauveilewai 2:4

Ena gauna a cavuta kina na vosa oqo na agilosi i Jiova vei ira na Isireli, era sa vakatekivu me ra tagi na tamata.

1 Samuela 14:38

A sa qai kaya o Saula, “Ni toro mai kike, oi kemuni kecega sa veiliutaki vei ira na tamata; ka me da vakaqaqa mada se i valavala ca cava sara mada sa vakayacori edaidai.