Josua 7:11 - Vakavakadewa Vou kei na iVola tale eso

¹¹ Sa talaidredre o ira na Isireli, ka ra sa vakacacana na noqu i veiyalayalati kei ira me vaka au a vakaroti ira me ra dina kina. Era sa tara eso na ka vakatabui sa lewai me vakarusai; era sa butako ka vosa lasu, ka biuta vata me nodra i yau.

Ai Vola Tabu (Vakadewa Makawa Vakavoutaki 2021)

¹¹ Sa ra kitaka na ka ca ko ira na Isireli, ka vakacataka na noqu veiyalayalati ka'u a vakarota vei ira. Ia era sa tara eso na ka vakatabui sa lesi me vakarusai, a ra sa butakoca, ka lasu talega, ka virinoca vata talega kei na nodra i yau.

AI VOLA TABU

¹¹ Sa kitaka oti nai valavala ca ko ira na Isireli, a sa vakacataka na noqu veiyalayalati kaʼu a cakava vei ira mei vakaro: ia era sa tara e so na ka sa lesi me vakarusai, a ra sa butakoca, ka lasu talega, ka viria vata talega kei na nodra yau.

Vakavakadewa Makawa

¹¹ Sa ra kitaka na ka ca ko ira na Isireli, ka vakacataka na noqu veiyalayalati ka'u a vakarota vei ira: ia era sa tara eso na ka sa lesi me vakarusai, a ra sa butakoca, ka lasu talega, ka virinoca vata talega kei na nodra i yau.

Ai Vola Tabu Ena Vakavakadewa Vou

¹¹ Sa talaidredre o ira na Isireli, ka ra sa vakacacana na noqu i veiyalayalati kei ira me vaka au a vakaroti ira me ra dina kina. Era sa tara eso na ka vakatabui sa lewai me vakarusai; era sa butako ka vosa lasu, ka biuta vata me nodra i yau.

Josua 7:11 Iomraidhean Croise

2 Tui 18:12

baleta ni ra a sega ni vakarorogo ki na vosa i Jiova na nodra Kalou, ka vakacacana na nona veiyalayalati kei na ka kecega a vakarota o Mosese na i talatala i Jiova, ka ra sega ni via rogoca se talairawarawa kina.

2 Tui 5:24

Ia ni yaco o koya ki na delana, a taura vei rau, ka biuta e loma ni vale; ka talai rau yani na tamata me rau lako.

Aisea 24:5

Era sa vakadukadukalitaka na vuravura na lewena, Ena nodra voroka na lawa ni Kalou; Ka vakacacana na veiyalayalati tawa mudu e a cakava o koya.

Jeremaia 31:32

Ena sega ni vakakina na veiyalayalati au a cakava kei ira na nodra qase ena gauna au a kauti ira tani kina mai Ijipita, e dua na veiyalayalati era a voroka, ka dina ga ni'u a watidra tagane.

Osea 6:7

“Ia ena gauna ga era sa curuma kina na vanua mai Atama, era a qai voroka tale na veiyalayalati ka'u a vakayacora kei ira mai kea.

Vunau ni Soro 5:15

Kevaka e dua na tamata e caka cala ena dela ni nona lecaika, baleta ni sega ni solia na veika sa lavaki me saumi me baleta na veika tabu ni Kalou, me na kauta mai e dua na sipi tagane se dua na me tagane me nona i madrali ni veisausaumi vei Jiova. Na kena i sau me qai vakatautaki mai na kena i vakarau sa vakadonui vakalawa.

Apakuki 2:6

O ira na rawai ena i valu era na qai rukaki ira era rawai ira ka vakaraitaka votu sara na nodra beci ira. Era na kaya vakaoqo, “O ni dau taura na ka e sega ni nomuni, ia oqo e sa oti vei kemuni! Me vakacava soti na dede ni nomuni vakavutuniyautaki kemuni tiko ena nomuni dau vakaukauwataki ira era dinau i lavo tu vei kemuni me ra sausaumi yani?

Sakaraia 5:4

Au na vakatala yani na dauveivakarusai oqo, sa kaya o Jiova ni lewevuqa, ka na la'ki curu sara ki na vale ni tamata daubutako yadua kei na vale ni tamata daububului lasu yadua. Ena tiko sara ga na rusa ena loma ni nodra veivale me vakarusai ira vakadua.”

Maciu 22:21

Era sa kaya, “A nei Sisa.” Sa qai kaya vei ira o Jisu, “Dou solia vei Sisa na ka sa nei Sisa, ki vua na Kalou na ka sa nona na Kalou.”

Cakacaka 5:9

Sa qai kaya tale vua o Pita, “A cava ‘o drau nakita vata kina mo drau vakatovolea na Yalo ni Turaga? Raica, e ratou sa tu oqori e katuba o iratou ka a la'ki buluta na watimu. E ratou na colati iko talega vakakina.”

Vakarua 17:2

De dua o ni rogoca ni eso na tagane se yalewa ena dua na nomuni koro, ni ra sai valavala ca vei Jiova, ka voroka na nona veiyalayalati,

Iperiu 4:13

Sa sega ni dua na ka me vunitaki rawa vua na Kalou; ia sa laurai ga e matana votu na veika buli kecega, ka sa tevuki vakavinaka sara e matana. Ni sai koya ga eda na vakatusa vua na veika me baleti keda.

Josua 23:16

Kevaka o ni na sega ni maroroya na veiyalayalati ka vakarota vei kemuni o Jiova na nomuni Kalou mo ni muria, se kevaka o ni sa qarava na veikalou tani eso ka lotu vei ira, ena qai totogitaki kemuni ena nona cudru, ka na yaco me sega tale ni dua vei kemuni me vo tiko ena vanua vinaka oqo, ka solia vei kemuni o koya.

Josua 7:1

Era sa talaidredre na Isireli ki na lewa i Jiova me ra kakua sara ni taura e dua na ka a lewai me vakarusai ka sai Ekani ga na luve i Kamai, na luve i Sapiti, na luve i Sira mai na mataqali i Juta na tamata ka taura eso na veiyaya oqo. A sa cudruvi ira sara vakalevu na Isireli o Jiova.

Josua 7:10

Sa qai vosa vei Josua o Jiova, ka tukuna, “Mata cake mai! A cava o sa davo vakatoboicu tu kina vakaoqo?

Dauveilewai 2:20

Ena vuku ni ka oqo a waqa kina na cudru i Jiova vei ira na Isireli, ka kaya vei ira, ni o ira, na tamata oqo era sa talaidredre ki na noqu veiyalayalati ka'u sa vakarota vei ira na nodra qase ka ra sega ni rogoca na domoqu.

1 Samuela 14:38

A sa qai kaya o Saula, “Ni toro mai kike, oi kemuni kecega sa veiliutaki vei ira na tamata; ka me da vakaqaqa mada se i valavala ca cava sara mada sa vakayacori edaidai.