Josua 7:1 - Vakavakadewa Vou kei na iVola tale eso

¹ Era sa talaidredre na Isireli ki na lewa i Jiova me ra kakua sara ni taura e dua na ka a lewai me vakarusai ka sai Ekani ga na luve i Kamai, na luve i Sapiti, na luve i Sira mai na mataqali i Juta na tamata ka taura eso na veiyaya oqo. A sa cudruvi ira sara vakalevu na Isireli o Jiova.

Ai Vola Tabu (Vakadewa Makawa Vakavoutaki 2021)

¹ Ia era sa vakacataka na tabu ko ira na Isireli e na ka sa lesi me vakarusai: ni sa tara eso na ka sa lesi me vakarusai ko Ekani na tagane, na luve i Kamai, na luve i Sapiti, na luve i Sira, e na yavusa i Juta. A sa waqa kina na cudru i Jiova vei ira na Isireli.

AI VOLA TABU

¹ IA ka ra sa vakacataka na tabu ko ira na luve i Isireli e na ka sa lesi me vakarusai: ni sa tara e so na ka sa lesi me vakarusai ko Akani, na luve i Karimi, na luve i Sapiti, na luve i Sera, e na yavusa i Juta: a sa waqa mai na cudru i Jiova vei ira na luve i Isireli.

Vakavakadewa Makawa

¹ Ia era sa vakacataka na tabu ko ira na Isireli e na ka sa lesi me vakarusai: ni sa tara eso na ka sa lesi me vakarusai ko Ekani na tagane, na luve i Kamai, na luve i Sapiti, na luve i Sira, e na mataqali i Juta: a sa waqa mai na cudru i Jiova vei ira na Isireli.

Ai Vola Tabu Ena Vakavakadewa Vou

¹ Era sa talaidredre na Isireli ki na lewa i Jiova me ra kakua sara ni taura e dua na ka a lewai me vakarusai ka sai Ekani ga na luve i Kamai, na luve i Sapiti, na luve i Sira mai na mataqali i Juta na tamata ka taura eso na veiyaya oqo. A sa cudruvi ira sara vakalevu na Isireli ko Jiova.

Josua 7:1 Iomraidhean Croise

Vakatekivu 34:27

Ni oti na veivakamatei, era sa lako talega mai na vo ni luve i Jekope ka tokia na i yau ni koro o ya, baleta ni ra sa vakacacana na ganedratou.

2 Samuela 24:1

A cudruvi ira tale na Isireli o Jiova, a vakauqeti Tevita o koya, ka vaka, “Mo la'ki wiliki ira na Isireli kei ira na Juta.”

2 Tui 5:24

Ia ni yaco o koya ki na delana, a taura vei rau, ka biuta e loma ni vale; ka talai rau yani na tamata me rau lako.

1 Veigauna 21:7

A sa rarawa sara na Kalou ena vuku ni ka oqo, ka cudruvi Isireli kina.

2 Veigauna 24:18

Era a biuta na vale i Jiova na Kalou ni nodra qase, ka qarava na kalou yalewa ni veikau kei na nodra matakau. A yaco na cudru vei ira na Juta kei ira mai Jerusalemi me baleta na nodra valavala cala oqo.

Esera 9:6

Au a qai kaya, “Kemuni na Kalou, au sa rui madua vakalevu me'u tacake yani ki na nomuni i serau. Sa ka levu sara na neimami i valavala ca, ka sa sivita na ulu i keimami na kena cere; io, sa tara sara na lomalagi na kena cere.

Jope 35:8

Na nomu i valavala ca ena vakararawataki ira na kai nomu, Ia na nomu caka vinaka ena vukei ira.

Dauvunau 9:18

E levu cake na ka e rawa ni cakava o yalomatua mai na i yaragi, ia e dua na tamata cala sa rawa ni vakacacana e vuqa na ka vinaka.

Taniela 9:7

Oi kemuni na Turaga, o ni sa yalo dodonu, ia oi keimami ga keimami sa dau cakava na ka ni veivakamaduataki ka vaka talega kina o ira era tiko mai Juta kei Jerusalemi, kei ira kecega na Isireli o ni a vakasavi ira me ra talabusese ki na veivanua voleka kei na veivanua yawa ena vuku ni nodra gole tani mai vei kemuni.

Vunau ni Soro 10:6

Sa qai vosa o Mosese vei Eroni kei rau talega na luvena o Iliesa kei Icama, ka kaya, “Dou kakua ni laiva na drau ni ulumudou me veituyaki ka sega ni seruti, se dresulaka na nomudou i sulu, me vakatakilai kina na nomudou rarawa. Kevaka dou cakava oqo, dou na mate, ka na yaco talega na cudru ni Kalou ki na lewenivanua kece. Ia o ira kecega na wekamudou na Isireli era na vakatarai me ra tagicaka na mate oqo sa vu mai na kama e vakavuna o Jiova.

Jona 1:7

Era a veivosaki na kai waqa ka kaya, “Me sa na vakawiri madigi mada me da kunea se o cei sa vakavuna na noda leqa.” Era a mani vakawiri madigi ka mani donui Jona.

Josua 22:16

“Sa vosa vakaoqo na matatamata taucoko i Jiova, ‘A cava o ni sa cakava kina na ka ca oqo, mo ni vorata na Kalou ni Isireli? O ni sa vakauyalomuni ka vorati Jiova ni o ni sa tara na i cabocabonisoro oqo me nomuni! O ni sa sega ni muria na nona vosa.

Josua 22:18

O ni sa gole tani li mai vei Jiova? Kevaka o ni vakauyalomuni ka vorati Jiova edaidai, ena cudruvi keda taucoko na lewenivanua e Isireli ni mataka.

Josua 22:20

Mo ni nanumi Ekani na luve i Sira, ni sa bese ni muria na i vakaro me baleta na veika sa lewai oti me vakarusai. E a cudruvi taucoko na lewe i Isireli, ena vuku ni nona i valavala ca.”