Josua 6:6 - Vakavakadewa Vou kei na iVola tale eso

⁶ Sa qai kacivi ira vata na bete o Josua na luve i Nuni, ka tukuna, “Mo dou kauta na Kato ni Veiyalayalati kei na vitu na bete me ratou liu ena matamudou ka kauta e yadua na davui.”

Ai Vola Tabu (Vakadewa Makawa Vakavoutaki 2021)

⁶ A sa kacivi iratou na bete ko Josua na luve i Nuni, ka kaya vei iratou, “Dou laveta cake na kato ni veiyalayalati, ia me le vitu na bete me ratou kauta na davui vakajiupili e vitu, ka me ratou liutaka na kato i Jiova.”

AI VOLA TABU

⁶ A sa kacivi iratou na bete ko Josua na luve i Nuni, ka kaya vei iratou, Dou laveta cake na kato ni veiyalayalati, ia me vitu na bete me kauta na davui vakajupeli e vitu, me liutaka na kato i Jiova.

Vakavakadewa Makawa

⁶ A sa kacivi iratou na bete ko Josua na luve i Nuni, ka kaya vei iratou, Dou laveta cake na kato ni veiyalayalati, ia me le vitu na bete me ratou kauta na davui vakajupeli e vitu, ka me ratou liutaka na kato i Jiova.

Ai Vola Tabu Ena Vakavakadewa Vou

⁶ Sa qai kacivi ira vata na bete o Josua na luve i Nuni, ka tukuna, “Mo dou kauta na Kato ni Veiyalayalati kei na vitu na bete me ratou liu ena matamudou ka kauta e yadua na davui.”

Josua 6:6 Iomraidhean Croise

Lako Yani 25:14

ka me qai daramaki ena kena i tubetube ena yasa ni kato ruarua.

Cakacaka 9:1

Ia sa sega ni cegu o Saula ena nona tauca tikoga na vosa ni via veivakararawataki kei na veivakamatei vei ira na tisaipeli ni Turaga. E a mani lako vua na Bete Levu,

Josua 24:11

Ni o ni kosova na Joritani, ka lako mai ki Jeriko. Era sa vala kei kemuni na lewe i Jeriko, ka vaka talega kina na Amoraiti, Perisaiti, Kenani, Itaiti, Kakesaiti, Aivaiti kei ira na Jepusaiti, ia au a soli ira ki ligamuni.

Josua 3:3

ka vakaroti ira na tamata vakaoqo, “Ni o ni sa raici ira na bete ni ra sa colata yani na Kato ni Veiyalayalati i Jiova na nomuni Kalou, mo ni cokia na nomuni valelaca ka muri ira.

Josua 3:6

Sa qai vosa vei ira na bete o Josua, ka tukuna, “Dou laveta cake na Kato ni Veiyalayalati ka colata ki liu me ra muri yani na tamata.” Era sa cakava me vaka sa tukuna o Josua.

Josua 6:13

E ratou sa lako yani na bete e lewe vitu ka kauta e vitu na davui, ena mata ni Kato ni Veiyalayalati i Jiova, ka uvuca lako na nodratou davui. Era sa liu ena matadratou o ira na mataivalu yadra, ka dua talega na mataivalu yadra a muria yani na kato ni veiyalayalati i Jiova. A sa rogo tikoga na domo ni davui.

Josua 6:5

Ni o ni rogoca ni ra sa uvuca vakabalavu na davui, me ra qai kaila vakadomoilevu kece na tamata, ena qai bale sobu na bainikoro. Era na qai lako cake kece na tamata, ka curu vakadodonu yani ki loma ni koro.

Josua 6:7

A sa qai tukuna vei ira na Isireli, “Mo ni cavutu ka lako yani; ka yabe wavokita na koro; me ra liu sara tiko na mataivalu yadra, ka tarava yani na Kato ni Veiyalayalati i Jiova.”

Josua 6:8

Ia me vaka ni a vakarota vei ira na Isireli o Josua, e ratou a qai lako yani na lewe vitu na bete ka kauta na davui e vitu ena mata i Jiova. E ratou a uvuca lako na nodratou davui, a qai muri iratou tiko yani na Kato ni Veiyalayalati i Jiova.

1 Samuela 4:3

Ni ra sa suka tale yani ki na i tikotiko vakaivalu o ira era bula mai na i valu, era a kaya na nodra qase na Isireli, “A cava na vuna sa ravuti keda kina edaidai o Jiova e matadra na kai Filisitia? Me da la'ki kauta mai na Kato ni Veiyalayalati i Jiova mai Sailo me rawa kina ni lako vata tiko kei keda o koya, ka vakabulai keda mai na ligadra na keda meca.”