Josua 6:26 - Vakavakadewa Vou kei na iVola tale eso

²⁶ Ena gauna o ya, a sa vakarota o Josua e dua na i vakaro bibi ka vaka: “Na cudru i Jiova ena tau vua na tamata sa tovolea me vakaduria tale na koro o Jeriko. O koya sa tara na kena yavu ena mate na nona ulumatua tagane. O koya sa tara na kena matamata ena mate na luvena e gone duadua.”

Ai Vola Tabu (Vakadewa Makawa Vakavoutaki 2021)

²⁶ A sa bubului ko Josua e na siga ko ya, ka kaya, “Ena cudruvi mai vei Jiova na tamata sa tovolea me na tara na koro oqo—ko Jeriko! Ena mate na nona ulumatua ni sa tauyavutaka na kena yavu, ka na mate na luvena tagane sa gone duadua ni sa vakatura cake na kenai sogo ni matamata-ni-koro!”

AI VOLA TABU

²⁶ A sa vosavavakini ko Josua e na siga ko ya, ka kaya, Ena cudruvi maivei Jiova na tamata sa na tu cake me tara na koro o qo, ko Jeriko: ena mate na nona ulumatua ni sa tauca na kena yavu, ka mate na nonai tinitini ni sa vakatura cake na kenai sogo ni matamata-ni-koro.

Vakavakadewa Makawa

²⁶ A sa bubului ko Josua e na siga ko ya, ka kaya, Ena cudruvi maivei Jiova na tamata sa na tu cake me tara na koro oqo, ko Jeriko: ena mate na nona ulumatua ni sa tauyavutaka, ka na mate na luvena tagane sa gone ni sa vakatura cake na kenai sogo ni matamata-ni-koro.

Ai Vola Tabu Ena Vakavakadewa Vou

²⁶ Ena gauna o ya, a sa vakarota o Josua e dua na i vakaro bibi ka vaka: “Na cudru i Jiova ena tau vua na tamata sa tovolea me vakaduria tale na koro o Jeriko. O koya sa tara na kena yavu ena mate na nona ulumatua tagane. O koya sa tara na kena matamata ena mate na luvena e gone duadua.”

Josua 6:26 Iomraidhean Croise

1 Tui 16:34

Ena nona gauna ni veiliutaki, a sa ia o Aieli na kai Peceli me tarai Jeriko cake tale. Ia me vaka na vosa a yalayala oti kina o Jiova vei Josua na luve i Nuni, a sa vakayalia o Aieli na luvena ulumatua tagane o Epairami ena gauna tara kina na yavu ni koro o Jeriko, ka mate vakakina na luvena tagane gone duadua o Sikupi ena gauna e tara kina na matamata ni koro.

1 Tui 22:16

Ia a kaya vua na tui, “Me'u vakabubuluitaki iko vakavica mada, mo tukuna kina vei au na ka dina taucoko ena yaca i Jiova?”

2 Tui 2:4

A sa kaya vua o Ilaijia, “I Ilaisa, au kerea mo tiko mada ga e ke; sa talai au o Jiova me'u lako ki Jeriko.” Ia sa tukuna lesu o Ilaisa, “Me vaka ni sa bula o Jiova ka o sa bula talega o iko, au na sega sara ni laivi iko.” E rau a qai lako vata yani ki Jeriko.

Malakai 1:4

Kevaka era kaya na kawa i Iso, o ya o ira na kai Itomi, “Sa vakarusai na noda veikoro, ia eda na tarai ira vou tale”; ena qai kaya na Turaga, “Laiva me ra tara vou tale, ia ka'u na qai basuraka sobu tale. Ena vakatokai ira na tamata, ‘Na vanua ca’ kei ‘Na vanua sa cudruva tawa mudu o Jiova.’ ”

Maciu 26:63

Sa galu tu ga o Jisu. Sa qai kaya vua na Bete Levu, “Ena yaca ni Kalou bula au sa vakarota vei iko mo tukuna mai vei keimami se o iko na Mesaia na Luve ni Kalou bula, se segai.”

Cakacaka 19:13

E ratou a tovolea talega eso na Jiu dauvakasavi tevoro ka ratou dau veilakoyaki voli me ratou cavuta na yaca ni Turaga o Jisu vei ira era curumi tevoro tu, ka kaya, “Au sa vakaroti kemudou tani ena yaca i Jisu, o koya e vunautaka tiko o Paula.”

Josua 16:7

Mai Janoa ki Ataroci, Neeraci kei Jeriko, ka yaco sara ki na Joritani.