Josua 6:23 - Vakavakadewa Vou kei na iVola tale eso

²³ E rau sa qai lako yani ka kauti Reapi tani mai, vata kei tamana, tinana, tuakana tagane, na tacina kei na ka kecega e taukena. Era sa tokitaki iratou tani mai na matavuvale nei Reapi ka la'ki vakatikori iratou ena dua na tikina ena taudaku ni nodra keba na Isireli.

Ai Vola Tabu (Vakadewa Makawa Vakavoutaki 2021)

²³ Koi rau na cauravou yamata vuni ka la'ki rai vanua erau sa qai curu, ka kauti Reapi mai ki tautuba, kei na tamana, kei na tinana, kei iratou na ganena, kei na nona ka kecega—a rau sa kauta mai ki tautuba na wekana kecega—ka vakatikori ira e nai bili ni nodra i tikotiko na Isireli.

AI VOLA TABU

²³ Ia na cauravou ka laʼki rai vanua, erau sa curu, ka kauti Reapi mai kitautuba, kei na tamana, kei na tinana, kei iratou na ganena, kei na nona ka kecega: a rau kauta mai kitautuba na wekana kecega, ka laivi ira tu e nai bili ni nodrai tikotiko na Isireli.

Vakavakadewa Makawa

²³ Ia na cauravou ka la'ki rai vanua, erau sa curu, ka kauti Reapi mai ki tautuba, kei na tamana, kei na tinana, kei iratou na ganena, kei na nona ka kecega: a rau kauta mai ki tautuba na wekana kecega, ka laivi ira tu e nai bili ni nodra i tikotiko na Isireli.

Ai Vola Tabu Ena Vakavakadewa Vou

²³ E rau sa qai lako yani ka kauti Reapi tani mai, vata kei tamana, tinana, tuakana tagane, na tacina kei na ka kecega e taukena. Era sa tokitaki iratou tani mai na matavuvale nei Reapi ka la'ki vakatikori iratou ena dua na tikina ena taudaku ni nodra keba na Isireli.

Josua 6:23 Iomraidhean Croise

Vakatekivu 12:2

Au na vakalewevuqataka na nomu kawa, ka na yaco me na matanitu levu. Au na vakalougatataki iko, ka vakarogoya na yacamu, o yaco kina mo vu ni veivakalougatataki.

Vakatekivu 18:24

Kevaka e tiko kina e 50 na tamata yalododonu, o ni na vakarusa li na koro taucoko vata kei ira na lewe 50 na yalododonu?

Vakatekivu 19:29

Ena gauna e vakarusa kina na veikoro ena loma ni buca na Kalou, sa nanumi Epara-ama tiko ka lewa me dro bula mai kina o Loti.

Tiko mai na Lekutu 31:19

Mo ni vakaitikotiko mada ena i bili ni koro me bogi vitu; oi kemuni yadua ka sa vakamatea e dua na tamata, kei koya sa tara e dua sa mate, mo ni vakasavasavataki kemuni kei ira na nomuni bobula ena i katolu kei na i kavitu ni siga.

Cakacaka 10:28

Sa qai kaya vei ira o koya, “O ni sa kila vinaka sara ni tabu vua na Jiu me veitokani se lako vua e dua na kai matanitu tani. Ia sa vakaraitaka vakamacala sara vei au na Kalou me'u kakua ni okata e dua me dukadukali se me tawa savasava.

Cakacaka 27:24

ka sa kaya vei au, ‘I Paula, mo kakua ni rere. E dodonu mo na tucake ena mata i Sisa ena mataveilewai. Na Kalou, ena nona yalololoma vei iko, sa ia na veimaroroi vei ira na tamata kece era sa soko vata tiko oqo kei iko.’

1 Korinica 5:12

Ena veika kece oqo, sa sega ni noqu bisinisi me'u lewai ira era sa tiko e tautuba. Ena qai lewai ira ga na Kalou. Ia e sega li ni dodonu mo ni lewai ira na lewe ni nomuni soqosoqo lotu?

Efeso 2:12

Ena gauna o ya o ni sa bera ni tu vata kina kei Karisito. O ni sa bera ni matanitu vata kina kei ira na Isireli, ka sega kina ni nomuni na ka e yalataki ena veiyalayalati. E a sega na nomuni i nuinui ka sega ni vakabauta na Kalou dina e vuravura.

Iperiu 11:31

E na vuku ni vakabauta sa taqomaki kina o Reapi na yalewa dautagane, me kakua ni vakamatei vata kei ira era sa talaidredre vua na Kalou, ni a maroroi rau na yamata.

Iperiu 11:7

E na vuku ni vakabauta sa rogoca kina o Noa na i vakasala ni Kalou me baleta na veika me na qai yaco emuri ka se sega ni raica rawa o koya. A sa talairawarawa vua na Kalou ka taya e dua na waqa, a sa vakabulai kina o koya kei na nona matavuvale. E a qai yaco emuri me vakaluvuci na vuravura, ka sa vakadonui o Noa mai vua na Kalou me tamata yalododonu ena vuku ni vakabauta.

Josua 2:13

ni na maroroi na bula nei tamaqu kei tinaqu, nei ganequ, taciqu kei na dui wekadratou! Me kakua sara ni keitou vakamatei!”

Josua 2:16

Sa tukuna tale vei rau o Reapi, “Drau muria na sala ena vanua veidelana mo drau calati ira kina na tamata ni tui. Vunitaki kemudrau mai kea me siga tolu, ka qai tomana tale na nomudrau i lakolako ni drau raici ira na tamata ni tui ni ra lesu tale mai.”

Josua 2:18

Oqo na ka mo cakava. Ni keimami sa toso mai me valuta na nomuni vanua, vesuka sara na wa damudamu oqo, ki na katubaleka o a tukuci keirau sobu mai kina. Kauti iratou mai, na tamamu kei na tinamu, o iratou na ganemu kei na vuvale kece nei tamamu, ka vakasoqoni iratou e loma ni nomu vale.

Dauveilewai 1:25

Sa qai vakaraitaka o koya na sala ki na koro levu; ia era sa valuta na koro o ya ena i seleiwau; ka ra laivi koya na tamata o ya kei na nona matavuvale me bula.