Josua 6:2 - Vakavakadewa Vou kei na iVola tale eso

² Sa qai tukuna vei Josua o Jiova, “Mo rogoca mada oqo. Au sa soli Jeriko vei iko vata kei na kena tui kei ira na kena mata i valu qaqa.

Ai Vola Tabu (Vakadewa Makawa Vakavoutaki 2021)

² A sa kaya vei Josua ko Jiova, “Raica, au sa soli Jeriko ki na ligamu, kei na kena tui, kei na kena tamata i valu qaqa.

AI VOLA TABU

² A sa kaya ko Jiova vei Josua, Raica au sa soli Jeriko ki na ligamu, kei na ken tui, kei na kena tamatai valu kaukauwa.

Vakavakadewa Makawa

² A sa kaya vei Josua ko Jiova, Raica, au sa soli Jeriko ki na ligamu, kei na kena tui, kei na kena tamata i valu qaqa.

Ai Vola Tabu Ena Vakavakadewa Vou

² Sa qai tukuna vei Josua ko Jiova, “Mo rogoca mada oqo. Au sa soli Jeriko vei iko vata kei na kena tui kei ira na kena mata i valu qaqa.

Josua 6:2 Iomraidhean Croise

2 Samuela 5:19

E a qai tarogi Jiova o Tevita, ka kaya, “Me'u lako cake li vei ira na kai Filisitia, se me'u kakua? O ni na soli ira li ki na ligaqu, se segai?” A sauma lesu vei Tevita o Jiova ka kaya, “Mo lako cake ga, ni'u sa soli ira vakaidina na kai Filisitia ki ligamu.”

Niemaia 9:24

Era a qai lako yani na nodra kawa ka taura na vanua me nodra, o ya ni o ni a vakamalumalumutaki ira taumada na i taukei ni vanua - o ya o ira na kai Kenani, o ira o ni a soli ira sara ga ki ligadra, vata kei ira na nodra tui kei ira na lewe ni vanua, ka me ra vakayagataki ira me vaka ga na ka era vinakata.

Taniela 2:21

Sa lewa o koya na veigauna kei na dui draki; Sa buli ira na tui ka vakasivoi ira. Sa vu ni vuku kei na kila ka vei ira na tamata o koya.

Taniela 2:44

Ena gauna ni nodra veiliutaki na veitui oqori, sa na tauyavutaka kina na Kalou ni lomalagi e dua na matanitu ena sega ni oti rawa. Na matanitu oqo ena sega ni rawai rawa ka na vaqeyavutaki iratou vakadua yani na veimatanitu e liu ka me qai bula tu o koya ka sega ni mudu.

Taniela 4:17

Oqo na nodra i vakaro na agilosi yalosavasava era vakatawa voli; me ra kila kina na lewe ni veivanua kecega ni o Koya na Kalou Cecere sa lewai ira na veimatanitu ni tamata. Sa solia na matanitu vei koya ga sa nanuma kina. Ka sa digitaki ira na tamata wale me ra liutaki na matanitu.”

Taniela 4:35

Sa sega ni wilika o koya me dua na ka na tamata; Sa lewai ira na agilosi ni lomalagi kei ira na kai vuravura kecega o koya. Sa sega ni dua e saqata rawa na nona lewa Se me liaca na ka sa cakava.

Taniela 5:18

Na Kalou Cecere a buli tamamuni, o Nepukanesa na tui, me dua na tui kaukauwa ka qaqa ka solia vua na dokai kei na lagilagi.

Vakarua 7:24

Ena soli ira na nodra tui ki na ligamuni; o ni na vakamatei ira ka ra na guilecavi sara yani vakadua. Ena sega ni dua me na rawa ni tarovi kemuni; me yacova ni o ni sa vakarusai ira kece sara.

Josua 12:9

O ira na Isireli era sa vakadrukai ira na tui oqo kei na nodra koro lelevu: na tui Jeriko, na tui Ai (volekati Peceli),

Josua 2:24

ka tukuna, “Sa dei na yalo i keirau ni sa solia vei keda o Jiova na vanua taucoko. Era sa domobulataki keda o ira kecega na tamata.

Josua 2:9

ka tukuna vei rau, “Au kila ni sa solia vei kemuni o Jiova na vanua oqo. Era sa domobulataki kemuni o ira kece na lewenivanua oqo.

Josua 20:1

A sa tukuna vei Josua o Jiova ka vaka,

Josua 6:1

A sa sogolati matua sara na bai kei Jeriko, ena gauna o ya, ena vukudra na Isireli. A sa sega kina ni rawa vua e dua me curuma yani, se lako tani mai kina.

Josua 6:3

Mo wavokita vakadua na koro, o iko kei ira kece na nomu mata i valu. Mo cakava tiko vakaoqo me siga ono,

Josua 8:1

A sa tukuna vei Josua o Jiova, “Kakua ni o yalolailai se rere; Kauti ira taucoko na tamata i valu, ka lako cake i Ai; Raica au sa soli ira oqo ki na ligamuni, na tui Ai kei ira na nona tamata, na kena veikoro kecega kei na vanua.

Dauveilewai 11:21

A sa solia vei Isireli o Jiova na Kalou ni Isireli na qaqa ena valuti nei Sioni kei na nona mataivalu. A sa taura kina o Isireli na nodra vanua taucoko na Amoraiti era vakaitikotiko e kea.

Dauveilewai 11:24

E sega li ni ganita mo taukena ga na vanua sa solia vei iko o Kimosi na nomu kalou mo taukena? E sega li ni ganita me keimami taukena na veika kece sara sa rawata o Jiova na neimami Kalou me baleti keimami?