Josua 6:19 - Vakavakadewa Vou kei na iVola tale eso

¹⁹ Na veika kecega sa caka ena siliva, ena koula, ena parasa, se na kaukamea sa vakatabui me nei Jiova. Me ra maroroi kece ena valeniyau i Jiova.”

Ai Vola Tabu (Vakadewa Makawa Vakavoutaki 2021)

¹⁹ Ia na siliva kecega, kei na koula, kei nai yaya parasa kei na kaukamea, sa tabu me nei Jiova; ena kau mai ki na kato-ni-yau i Jiova.”

AI VOLA TABU

¹⁹ Ia na siliva kecega, kei na koula, kei nai yaya parasa kei na aironi, sa tabu me nei Jiova: ena kau mai ki nai tutu-ni-yau i Jiova.

Vakavakadewa Makawa

¹⁹ Ia na siliva kecega, kei na koula, kei nai yaya parasa kei na aironi, sa tabu me nei Jiova: ena kau mai ki na kato-ni-yau i Jiova.

Ai Vola Tabu Ena Vakavakadewa Vou

¹⁹ Na veika kecega sa caka ena siliva, ena koula, ena parasa, se na kaukamea sa vakatabui me nei Jiova. Me ra maroroi kece ena valeniyau i Jiova.”

Josua 6:19 Iomraidhean Croise

2 Samuela 8:11

Oqori talega a vakacabora na tui o Tevita vei Jiova, ka vakakina na siliva kei na koula a rawata o koya mai na veimatanitu kece a vakamalumalumutaka;

1 Tui 14:26

A sa kauta tani o koya na i yau mai na Valenisoro kei na i yau mai na valenitui, ka okati kina eso na i sasabai koula a cakava o Solomoni.

1 Tui 7:51

Ni cakava oti na veicakacaka kece o Solomoni na tui ena vale i Jiova, a kauta ki loma na veiyaya sa vakatabuya o Tevita na tamana me nei Jiova; na siliva, na koula kei na veiyaya maroroi ena valeniyau i Jiova.

2 Tui 24:13

A sa kauta ki Papiloni na i yau talei kecega ni Valenisoro kei na valenitui. Me vaka na vosa i Jiova, a sa musumusuka o Nepukanesa na veiyaya koula kece sara ka a cakava o Solomoni na tui Isireli me vakayagataki ena Valenisoro.

1 Veigauna 18:11

A sa vakatabuya o Tevita na veika kece oqori ka me vakayagataki ena sokalou, ka okati vata kina na siliva kei na koula sa kauta voli mai na veimatanitu sa vakadruka oti vakaivalu ka okati kina o Itomi, o Moapi, o Amoni, o Filisitia, kei Amaleki.

1 Veigauna 26:20

Eso tale vei ira na Livai era sa qarava na valeniyau ni vale tabu kei na vale e daumaroroi kina na i yau sa vakatabui me nona na Kalou.

1 Veigauna 26:26

O Silomeci oqo kei ira na lewe ni nona vuvale era sa maroroya na veisolisoli i yau kecega sa vakatabuya vua na Kalou o Tevita na tui, kei ira na qase ni veivuvale, kei ira na turaga ni mataqali, vata kei ira na turaganivalu.

1 Veigauna 26:27

Era a taura eso na i tokinivalu sa rawati mai na i valu ka vakatabuya me vakayagataki ena Valenisoro.

1 Veigauna 26:28

Ia o Silomeci kei na nona vuvale e ratou sa dau maroroya na veiyaya kece ka vakatabui me vakayagataki ena Valenisoro, ka okati kina na veiyau ka ratou sa kauta mai o Samuela na parofita, kei Saula na tui, kei Epineri na luve i Neri, vata kei Joape na luve i Seruwaia.

1 Veigauna 28:12

A solia talega vei Solomoni o Tevita na i tuvatuva ni veika kece sa vakananuma me baleta na rara, kei na veirumu era toka wavolita, kei na veivale me maroroi kina na i yaya eso ni vale tabu vata kei na i yau sa vakatabui me nei Jiova.

2 Veigauna 15:18

A sa kauta ki na loma ni Valenisoro na veika kece sa vakacabora vua na Kalou o tamana, ka vakakina na veiyaya koula kei na siliva sa vakacabora o koya vakaikoya.

2 Veigauna 31:12

Era sa qai kauta mai ena yalodina na nodra i solisoli, na nodra i katini, kei na ka ni loloma sa vakatabui me nei Jiova. A sa lesi o Konanaia, e dua na Livai, me liutaka na cakacaka oqo ka nona i vukevuke o Semaia na tacina.

Niemaia 10:38

O ira na bete mai na kawa i Eroni me ra na dautiko vata kei ira na Livai ena gauna e kumuni kina na i katini, ka me ra dau kauta mai na Livai ki na Valenisoro na i katini ni veikatini kece sa kumuni, ka me na maroroi oqo ena loma ni rumu ni maroroi yaya ni vale tabu.

Jeremaia 38:11

A kauti ira yani na tamata o Epetimeleki ki na sitoa, ena valenitui ka kauta mai kina eso na i sulu makawa ka biuta sobu vei Jeremaia ena dali ki na i keli.

Vunau ni Soro 19:24

Ena i kava ni yabaki, mo ni qai vakacabora na vuanikau taucoko sara me nomuni i soro ni vakavinavinaka vei au o Jiova na nomuni Kalou.

Maika 4:13

Sa kaya o Jiova, “Kemuni na kai Jerusalemi, ni lako yani ka la'ki totogitaki ira na kemuni meca! Au na vakaukauwataki kemuni me vaka na kaukauwa ni bulumakau sa kaukamea na kena i leu ka parasa na yavana. O ni na vorolaka e vuqa na veivanua, kei na i yau era sa rawata mai na i tovo kaukauwa ena qai soli me noqu, na Turaga ni vuravura kecega.”

Tiko mai na Lekutu 31:11

ka taura na i yau kecega me i toki, na tamata kei na manumanu.

Tiko mai na Lekutu 31:12

Era sa qai kauti ira yani na bobula, na i toki ni valu kei na i yau, vei rau o Mosese, kei Iliesa na bete, vei ira talega na lewenivanua ni Isireli, na i tikotiko ena bucabuca o Moapi, voleka ki na Joritani ka donui Jeriko.

Tiko mai na Lekutu 31:22

na koula ga, na siliva, na parasa, na kaukamea, na tini, kei na uma,

Maciu 27:6

Era sa qai kauta na i lavo o ira na bete levu, ka kaya, “E tabu ni biu ki na kato ni soli ni Valenisoro ni sai sau ni dra.”

Marika 12:41

Ni dabe volekata tiko na kato ni lavo ni valenisoro o Jisu, a sa vakaraici ira na lewe vuqa ni ra la'ki biuta kina na nodra i solisoli. Sa ka levu sara na i lavo era solia o ira na tamata vutuniyau.

Josua 7:11

Sa talaidredre o ira na Isireli, ka ra sa vakacacana na noqu i veiyalayalati kei ira me vaka au a vakaroti ira me ra dina kina. Era sa tara eso na ka vakatabui sa lewai me vakarusai; era sa butako ka vosa lasu, ka biuta vata me nodra i yau.