Josua 6:17 - Vakavakadewa Vou kei na iVola tale eso

¹⁷ Me vakarusai vakadua na koro oqo kei na veika kecega sa tu kina me i soro vei Jiova. Ia me vakabulai wale ga na yalewa dautagane o Reapi kei ira na wekana, baleta ni a vunitaki rau na noda yamata.

Ai Vola Tabu (Vakadewa Makawa Vakavoutaki 2021)

¹⁷ Ia ena lesi me vakarusai e na vuku i Jiova na koro, kei na ka kecega sa tiko kina; ko Reapi duaduaga na yalewa dautagane e na bula, o koya kei ira kece sa tiko kaya e vale, ni sa vunia ko koya nai talaki eda a tala yani.

AI VOLA TABU

¹⁷ ia ena vakarusai e na vuku i Jiova na koro, o qori, kei na ka kecega sa tiko kina; ko Reapi duaduaga na alewa dauyatagane ena bula, o koya kei ira kece sa tiko kaya e na vale, e na vuku ni sa vunia ko koya nai talaki eda a tala yani:

Vakavakadewa Makawa

¹⁷ ia ena lesi me vakarusai e na vuku i Jiova na koro, kei na ka kecega sa tiko kina; ko Reapi duaduaga na yalewa dautagane e na bula, o koya kei ira kece sa tiko kaya e vale, ni sa vunia ko koya nai talaki eda a tala yani:

Ai Vola Tabu Ena Vakavakadewa Vou

¹⁷ Me vakarusai vakadua na koro oqo kei na veika kecega sa tu kina me i soro vei Jiova. Ia me vakabulai wale ga na yalewa dautagane o Reapi kei ira na wekana, baleta ni a vunitaki rau na noda yamata.

Josua 6:17 Iomraidhean Croise

Vakatekivu 12:3

Au na vakalougatataki ira era sa vakalougatataki iko, ka'u na cudruvi ira era sa cudruvi iko; Na veimatanitu kece sara e vuravura era na vakalougatataki ena vukumu.”

Esera 10:8

me vaka na nodra i vakaro na i liuliu vakamatanitu kei ira na nodra i liuliu na tamata. Kevaka e dua e sega ni yaco mai ena loma ni tolu na siga, ena taura vakaukauwa na nona i yau na matanitu, ena qai kau laivi talega mai vua na nona dodonu me okati tiko vakalewe ni koro.

Aisea 34:6

Ena ubia na nona i seleiwau na nodra dra kei na uro, Me vaka na dra kei na uro ni sipi kei na me e vakacabori, Sa na vakacabora e dua na i soro o Jiova mai Pasara, Ena cakava na ka oqo Me dua na moku levu mai na vanua o Itomi.

Jeremaia 46:10

Sa i koya oqo na siga ni Turaga Na Kalou Kaukauwa: Edaidai sa na saumi kina, Edaidai sa na totogitaki ira kina na kena meca. Na nona i seleiwau Sa na tilomi ira me yacova ni sa sinai Ka gunuva na nona dra me yacova ni sa mamau; Ni sa vakacabora o Jiova na kena meca ena vualiku, Mai na bati ni uciwai na Uferetisi.

Isikeli 39:17

“Ia o iko, na luve ni tamata, sa kaya vakaoqo na Kalou o Jiova: Mo vosa vei ira na manumanu vuka kecega, kei ira na manumanu kecega ni vanua, ka vaka, Ni soqoni vata mai na veiyasana kecega ki na noqu i madrali ka'u na vakacabora me kemuni, io e dua na i madrali levu mai na veiulunivanua e Isireli, ka mo ni kania na lewedra na tamata, ka gunuva na nodra dra.

Vunau ni Soro 27:21

Ia ena Yabaki ni Veivakalesui ka tarava, sa na nona vakadua o Jiova na tiki ni vanua sa vakatabui; ka soli me ra taukena na bete.

Maika 4:13

Sa kaya o Jiova, “Kemuni na kai Jerusalemi, ni lako yani ka la'ki totogitaki ira na kemuni meca! Au na vakaukauwataki kemuni me vaka na kaukauwa ni bulumakau sa kaukamea na kena i leu ka parasa na yavana. O ni na vorolaka e vuqa na veivanua, kei na i yau era sa rawata mai na i tovo kaukauwa ena qai soli me noqu, na Turaga ni vuravura kecega.”

Maciu 25:40

Ena qai sauma na Tui ka kaya vei ira, ‘Au sa kaya vakaidina vei kemuni, ena nomuni dau cakava na ka oqo vei ira sa muri au voli ka ra sega soti ni dau kauwaitaki vakalevu, o ni sa cakava tiko oqo vei au!’

1 Korinica 16:22

Kevaka e dua sa sega ni lomana na Turaga — me cudruvi o koya oqo! Maranaca — Neimami Turaga, ni lako mai!

1 Korinica 2:7

Ia keitou sa tukuna ga na vuku ni Kalou, e dua na ka lo ka vunitaki tu, na vuku ka sa digitaka oti tu na Kalou me da vakalougatataki kina ni se bera ni buli na vuravura.

Kalatia 3:10

O ira vakayadua sa vakararavi ki na kena muri na Lawa era sa bula voli ena cudruvi, ni sa volai ena i Vola Tabu, “Ena tau vei ira vakayadua sa sega ni talairawarawa ki na veika kece sara sa volai ena i vola ni Lawa na cudru ni Kalou!”

Kalatia 3:12

Sa sega ni vakayavutaki na Lawa mai na vakabauta, ia sa kaya ga na i Vola Tabu, “O koya sa dau vakayacora na veika kece e vakarota na Lawa ena bula kina.”

Vakarua 20:17

Vakarusai ira taucoko sara vakadua na tamata; o ira na Itaiti, na Amoraiti, na Kenaiti, na Perisaiti, na Ivaiti kei ira na Jepusaiti, me vaka sa vakarota o Jiova na nomuni Kalou,

Iperiu 11:31

E na vuku ni vakabauta sa taqomaki kina o Reapi na yalewa dautagane, me kakua ni vakamatei vata kei ira era sa talaidredre vua na Kalou, ni a maroroi rau na yamata.

Iperiu 6:10

Ni sa sega ni tawa dodonu na Kalou me sega ni okata na nomuni cakacaka kei na loloma o ni a vakaraitaka ena vukuna ena nomuni qaravi ira na vakabauta, me vaka o ni sa kitaka tikoga oqo.

Jemesa 2:25

Sa vaka talega kina o Reapi na yalewa dautagane. A sa vakadonui koya na Kalou ena vuku ni cakacaka sa vakayacora, ena nona a maroroi rau na yamata ni Isireli ka vukea me rau dro bula ena sala tani.

Josua 2:1

Sa qai talai rau vakavuni e rua na yamata ena keba mai Sitimi o Josua, ka tukuna vei rau, “Drau la'ki vakaraica vinaka na vanua, ka vakabibi na koro o Jeriko.” Ni rau yaco yani ki Jeriko, e rau sa mani curu sara ki na nona vale e dua na yalewa dautagane, na yacana o Reapi, ka tiko kina.

Josua 2:22

Ni rau lako yani na yamata, e rau sa gole sara vaka ki na veidelana ka vunitaki rau kina. Era vakasaqarai rau ena veiyasana kecega o ya me siga tolu, ka ra lesu tale ki Jeriko, ni ra sa sega ni kunei rau.

Josua 7:1

Era sa talaidredre na Isireli ki na lewa i Jiova me ra kakua sara ni taura e dua na ka a lewai me vakarusai ka sai Ekani ga na luve i Kamai, na luve i Sapiti, na luve i Sira mai na mataqali i Juta na tamata ka taura eso na veiyaya oqo. A sa cudruvi ira sara vakalevu na Isireli o Jiova.

1 Samuela 15:3

Ia oqo, mo ni la'ki ravuti ira na Amalekaiti, ka vakarusa kece sara na veika era taukena, me kakua sara ni dau na ka me vo, ka mo ni vakamatei ira na tagane, na yalewa, na gone lalai, kei na gone dramidrami, na bulumakau, na sipi, na kameli kei na asa.”

1 Samuela 15:6

A kaya vei ira na Kenaiti o Saula, “Ni lako tani mai vei ira na Amalekaiti, de'u na qai vakarusai kemuni vata, ni o ni a caka vinaka vei ira kecega na Isireli, ena nodra a lako cake mai Ijipita.” Era a qai tawasei ira tani na Kenaiti mai vei ira na Amalekaiti.