Josua 5:1 - Vakavakadewa Vou kei na iVola tale eso

¹ Era sa rogoca o ira kece na nodra tui na Amoraiti ena ra ni Joritani kei ira kece na nodra tui na kai Kenani ena baravi ni Wasa Meditereni ni sa vakadiva o Jiova na wai ni Joritani me yacova ni ra takoso taucoko na Isireli. Era a rere sara kina vakalevu, ka yali na nodra yalo dei ena vukudra na Isireli.

Ai Vola Tabu (Vakadewa Makawa Vakavoutaki 2021)

¹ Ia ko ira kecega na nodra tui na Amoraiti sa tiko e na tai ni Joritani vaka ki na ra, kei ira kece na nodra tui na kai Kenani sa tiko voleka ki na waitui, ni ra sa rogoca sa vakadiva ko Jiova na wai ni Joritani e matadra na Isireli ka me ra lako mada ki tai kadua, sa qai waicala na yalodra ka sa yali na nodra lomadei e na vukudra na Isireli.

AI VOLA TABU

¹ IA ko ira kecega na nodra tui na luve i Amori sa tiko e na tai ni Joritani vaka ki ra, kei ira kece na nodra tui na kai Kenani sa tiko voleka ki na waitui, ni ra sa rogoca ni sa vakadiva ko Jiova na wai ni Joritani e na matadra na luve i Isireli, me ra lako mada ki tai kadua, sa qai waicala na yalodra, ka sa yali na nodra lomadei, e na vukudra na luve i Isireli.

Vakavakadewa Makawa

¹ Ia ko ira kecega na nodra tui na Amoraiti sa tiko e na tai ni Joritani vaka ki ra, kei ira kece na nodra tui na kai Kenani sa tiko voleka ki na waitui, ni ra sa rogoca sa vakadiva ko Jiova na wai ni Joritani e matadra na Isireli, me keimami lako mada ki tai kadua, sa qai waicala na yalodra, ka sa yali na nodra lomadei, e na vuku i keimami na Isireli.

Ai Vola Tabu Ena Vakavakadewa Vou

¹ Era sa rogoca o ira kece na nodra tui na Amoraiti ena ra ni Joritani kei ira kece na nodra tui na kai Kenani ena baravi ni Wasa Meditereni ni sa vakadiva ko Jiova na wai ni Joritani me yacova ni ra takoso taucoko na Isireli. Era a rere sara kina vakalevu, ka yali na nodra yalo dei ena vukudra na Isireli.

Josua 5:1 Iomraidhean Croise

Vakatekivu 12:6

a sa gole sobu o Eparama ka yaco ki na i cabocabonisoro ena koro o Sikemi, o ya na vunikau tabu mai More. (Era a se vakaitikotiko kina na kai Kenani ena vanua o ya ena gauna o ya.)

Vakatekivu 48:22

Au na solia na vanua digitaki o Sikemi ena yasa ni ulunivanua vei iko, ka sega vei ira na tuakamu, na vanua ka'u a rawata mai vei ira na Amoraiti ena noqu i seleiwau kei na dakaititi.”

2 Samuela 21:2

A kacivi ira na kai Kipioni na tui ka vosa vei ira. (Era sa sega ni kawa vaka-Isireli na kai Kipioni; ia oqo o ira na vo-ni-bula ni Amoraiti. E dina ga era a bubuluitaka na Isireli me ra vakabulai ira, ia sa saga o Saula me mokuti ira ena dela ni nona lomakatakata ena vukudra na Isireli kei ira na Juta.)

1 Tui 10:5

kei na kakana mai na nona teveli, na nodra i dabedabe na nona daunivakasala, na nodra tu vakarorogo tu o ira era qaravi koya, na nodra i sulusulu, o ira era dau tauri bilo vua, na nona i soro kama ka a cabora ena Vale i Jiova, a yali sara na nona loma dei na ranadi ni Sipa.

Esera 9:1

Ni sa vakayacori oti na veika oqo, era sa qai mai tukuna vei au eso vei ira na nodra i liuliu na Isireli ni o ira na tamata, kei ira na bete, vata kei ira na Livai era sa sega ni bula tawasei ira tani mai vei ira na tamata ni veivanua e volekati ira me vakataki Kenani, kei Amoni, kei Moapi, kei Ijipita, se o ira na Itaiti, na Perisaiti, na Jepusaiti, kei ira na Amoraiti. Era sa kitaka tiko na Isireli na i vakarau vakasisila eso era sa dau cakava na veimatatamata oqo.

NA SAME 135:11

O Sioni na nodra tui na Amoraiti, O Oki na tui Pasani, Kei ira kece na tui eso mai Kenani.

Lako Yani 23:28

Au na tala yani na veimate ca me liu vei kemuni, ka me vakatalai ira tani na Aivaiti, o ira na kai Kenani, kei ira na Itaiti.

Aisea 41:5

O ira mai na veivanua yawa Era sa raica na veika au sa cakava; Era sa rere ka sautaninini ena domobula. O koya oqo era sa lako vata kece mai kina.

Isikeli 16:3

Sa kaya vakaoqo o Jiova na Kalou ni Jerusalemi: ‘Na nomu i tubutubu kei na nomu sucu sa vu mai na vanua o Kenani; na tamamu na Amoraiti, ia na tinamu na Itaiti.

Isikeli 21:7

Ia ni ra sa kaya vei iko, ‘A cava li o vutugu kina?’ mo qai kaya, ‘Ena vuku ni dua na i rogorogo. Ia ni sa yaco mai, ena waicala na loma ni tamata kecega, ka na nawa na duru ni tamata kecega me vaka na wai. Raica sa lako tiko mai, ka na vakayacori vakaidina,’ ” sa kaya na Kalou o Jiova.

Taniela 5:6

A vulaci na yago ni tui ka sautaninini na duruna ena levu ni nona rere.

Emosi 2:9

“Ia oqo kemuni na noqu tamata, sai au ga ka'u a vakarusai ira na Amoraiti ena vukumuni, o ira sa cecere me vaka na sitari ka kaukauwa me vaka na oki. Au a vakarusa na vuadra e cake kei na wakadra e ra.

Tiko mai na Lekutu 13:29

O ira na Amalekaiti era tiko ena ceva ni vanua, ka ra tiko ena vanua veidelana o ira na Itaiti, o ira na Jepusaiti, kei ira na Amoraiti; o ira na kai Kenani era tiko tikiva na wasawasa kei na bati ni Joritani.

Josua 17:12

Era a sega ni vakasavi ira tani rawa na lewe ni veikoro o ya o ira na Manasa, ka ra sa mani tawana tikoga o ira na kai Kenani.

Josua 17:18

Ena nomuni talega na vanua e veidelana. E dina ga ni veikau tu, ia mo ni caramaka ka taukena mai na dua na muana ki na dua tale. Ia, o ira na kai Kenani, mo ni vakasavi ira tani, veitalia ga ni ra kaukauwa ka vaqiqi ni valu kaukamea.

Josua 24:15

Ia, o ni sega ni vinakata mo ni qaravi Jiova, mo ni digitaka edaidai o koya mo ni qarava, se nodra veikalou na nomuni qase mai na vanua o Mesopotemia, se na nodra veikalou na Amoraiti o ni sa mai tiko oqo ena nodra vanua. Ia, oi au kei na noqu matavuvale keitou na qaravi Jiova ga.”

Josua 3:16

a sa qai mudu vakasauri na drodro sobu mai ni wai. Era a bini vata na wai ena tolo ni uciwai ki cake, donuya na koro o Atama ena yasayasa vaka-Saricani, ka muduki sara kina na drodro sobu ni wai ki na Waitui Mate. Era sa qai takoso ki na tai kadua o ira na Isireli ena vanua sa veidonui kei Jeriko.

Josua 3:17

Ena gauna era sa taubale takoso tiko kina na tamata ena qele mamaca, era sa tucake tu vakadua o ira na bete ka colata tiko na Kato ni Veiyalayalati i Jiova ena lomadonu ni uciwai na Joritani ena qele mamaca, me yacova ni ra sa takoso kece sara na Isireli ki na tai kadua.

Vakatakila 18:10

Era na tucake tu ga mai vakayawa baleta ni ra sa rerevaka de ra na vakaivotavota ena nona vakararawataki. Era sa kaya, “Sa vakadomobula dina! Sa rui vakaloloma! Oilei na koro cecere ka qaqa oqo o Papiloni! O sa qai vakarusai ena loma ni duabulu ga na aua!”

Dauveilewai 1:1

Ni sa mate oti o Josua era sa taroga vei Jiova na Isireli ka kaya, “O cei na mataqali vei keimami e dodonu me liutaka na nodra valuti na kai Kenani?”

Dauveilewai 11:23

Ia oqo, sai Jiova ga, na nodra Kalou na Isireli, o koya sa vakamalumalumutaki ira na Amoraiti ena vukudra na nona tamata na Isireli. Sa lomamu li mo taura na nodra vanua?

Dauveilewai 3:3

E lima na turaga ni Filisitia kei ira na kai Kenani taucoko, kei ira na Ivaiti, ka ra sa vakaitikotiko ena veiulunivanua e Lepanoni me tekivu mai Ului Peali Erimoni ka yaco sara ki na i curucuru ki Emaci.

Dauveilewai 4:2

O koya oqo sa soli ira kina o Jiova ki na liga i tui Japini mai Kenani ka lewai Asori; na i liuliu ni nona mataivalu o Sisera ka vakaitikotiko mai Eroseciaqoimi.

1 Samuela 25:37

Ia ena mataka ni sa seyavu tani vei Nepali na mateni; a qai tukuna vua o watina na ka kecega, a mate na yalona e lomana ka galu me vaka na vatu.