Josua 3:16 - Vakavakadewa Vou kei na iVola tale eso

¹⁶ a sa qai mudu vakasauri na drodro sobu mai ni wai. Era a bini vata na wai ena tolo ni uciwai ki cake, donuya na koro o Atama ena yasayasa vaka-Saricani, ka muduki sara kina na drodro sobu ni wai ki na Waitui Mate. Era sa qai takoso ki na tai kadua o ira na Isireli ena vanua sa veidonui kei Jeriko.

Ai Vola Tabu (Vakadewa Makawa Vakavoutaki 2021)

¹⁶ sa qai tu vakadua na wai sa drodro sobu mai cake, ka sa tubu me cecere, ka vaka e dua na suva levu, ka vakayawa sara mai Atama, na koro sa rau veivolekati kei Saricani; a sa muduki laivi oqori sa lako sobu vaka ki na waitui mai na vanua veibuca, io, na wasa Tuituina. A ra sa lako ki tai kadua ko ira na tamata e na tikina ka donui Jeriko.

AI VOLA TABU

¹⁶ sa qai tu vakadua na wai sa lako sobu maicake; sa tubu me cecere, me vaka e dua nai bukebuke, ka vakayawa sara, mai Atama, na koro sa rau veivolekati kei Saricani: a sa muduki laivi o qori sa lako sobu kivaka ki na waitui mai na cecelevu, io, na waitui tuituina; a ra sa lako ki tai kadua ko ira na tamata e na tikina ka donui Jeriko.

Vakavakadewa Makawa

¹⁶ sa qai tu vakadua na wai sa drodro sobu maicake; ka sa tubu me cecere, ka vaka e dua na suva levu, ka vakayawa sara, mai Atama, na koro sa rau veivolekati kei Saricani: a sa muduki laivi oqori sa lako sobu vaka ki na waitui mai na vanua cecelevu, io, na wasa Tuituina; a ra sa lako ki tai kadua ko ira na tamata e na tikina ka donui Jeriko.

Ai Vola Tabu Ena Vakavakadewa Vou

¹⁶ a sa qai mudu vakasauri na drodro sobu mai ni wai. Era a bini vata na wai ena tolo ni uciwai ki cake, donuya na koro o Atama ena yasayasa vaka-Saricani, ka muduki sara kina na drodro sobu ni wai ki na Waitui Mate. Era sa qai takoso ki na tai kadua o ira na Isireli ena vanua sa veidonui kei Jeriko.

Josua 3:16 Iomraidhean Croise

Vakatekivu 14:3

E ratou a cokovata na tui e lima oqo me ratou dua na mataivalu tovata ena buca mai Sitimi, ka vakatokai ena gauna oqo me Waitui Mate.

1 Tui 4:12

o Peana na luve i Eilute, a nona o Tenaki, Mekito, kei Pecisiani taucoko e tiki Saricani ena ruku i Jesireli, mai Pecisiani, yaco ki Epeli-meola, ka sivi Jokimiami;

1 Tui 7:46

A cakava oqori na tui ena Buca o Joritani, ena vanua tete ena veimama i Sukoci kei Saricani.

NA SAME 114:3

Sa raica na Wasa Damudamu ka sa dro; Ka sa tu vakadua na wai ni Joritani.

NA SAME 114:5

Na cava sa manati iko Wasawasa o sa dro kina? Na cava sa manati iko Joritani o sa tu vakadua kina?

NA SAME 29:10

Sa lewa o Jiova na veiwai titobu Ka sa lewa tiko me vaka na tui ka sega ni mudu.

NA SAME 33:7

Sa binia vata na wai ni wasaliwa ena dua na yasana, Ka maroroya na wasa titobu ena valeniyau.

NA SAME 66:6

Sa vukica na wasawasa me vanua mamaca; A ra sa lako kosova na uciwai na neimami qase ena yavadra. Keimami a marau e kea ena vuku ni ka sa cakava na Turaga.

NA SAME 74:15

O ni sa cakava na mataniwai kei na tobu wai; Ka vakamacara na veiuciwai lelevu.

NA SAME 77:19

O ni a lako kosova na wasawasa, Ka kosova na wasawasa titobu; Ia sa sega ni bau laurai na mawe ni yavamuni.

NA SAME 78:13

A sa wasea rua na wasawasa ka liutaki ira yani, A sa cakava na wai me ra duri tu me vaka na bai.

Lako Yani 14:21

A dodoka yani o Mosese na ligana vaka ki wasawasa ka vakasuka na wasawasa o Jiova ena dua na cagi tokalau kaukauwa ka liwa tiko ena loma ni bogi taucoko, ka vukica na wasawasa me vanua mamaca. A tawase rua na wai.

Lako Yani 14:22

Era a lako yani na Isireli ena vanua mamaca ena loma ni wasawasa ka sa tu na wai ena yasa ruarua me vaka na lalaga.

Lako Yani 14:29

Ia o ira na Isireli era a lakova na vanua mamaca ena loma ni wasawasa, ka sa kedra bai na wai mai na yasadra ruarua.

Lako Yani 15:8

O ni a uvuca na wasawasa ka bini cake kina na wai; ka la'ki tucake tu vakadodonu me vaka na lalaga; ka sa mamaca sara na boto ni wasa titobu.

Aisea 50:2

A cava au sa sega ni kunea kina e dua na tamata Ena noqu lako yani me'u vakabulai ira? A cava era sega ni rogo mai kina ni'u kaci yani? Au sa rui malumalumu beka me'u ia na veivakabulai? Sa rawa vei au me'u vakamamacataka na wasawasa ena noqu vosa ga, Ka'u vukica na veiuciwai me vanua dravuisiga Me ra mate kina na ika ni sa sega na wai.

Isikeli 47:8

A kaya vei au o koya, “Na wai drodro oqo sa dave yani ki na yasayasa vakatokalau, ka drodro sobu ki na Buca na Joritani ka yaco sara ki na Waitui Mate. Ni sa drodro yani ki na Waitui Mate, a sa vakaisosomitaka kina na wai tuituina ni wasawasa o ya ena wai bulabula.

Neumi 1:4

Sa vakarota na wasawasa ka sa di caracara! Sa cakava me mamaca na veiuciwai kecega. Na veibuca mai Pasani era sa raqosa, Sa bobota sara o Ulu i Kameli, Ka sa seavu na roka ni veisenikau ni Lepanoni.

Apakuki 3:8

I Jiova, e vu li mai na veiuciwai na nomuni cudru? E vu li mai na wasawasa na nomuni lomakatakata? O ni a vodo voli ena dela ni veio; A sa nomuni qiqinivalu na o loaloa ni cagi ca, Ka kauta mai na qaqa vei ira na nomuni tamata.

Tiko mai na Lekutu 34:3

na yasamuni ki na ceva ena tekivu mai na vanua lala o Sini ka cici ravita na yasa i Itomi, ia na nomuni i yalayala ni vanua ena ceva, ena tekivu mai na mua ni Waitui Mate ka gole vaka ki na tokalau;

Vakarua 1:1

Na i vola oqo sa koto kina na veika sa tukuna o Mosese vei ira na Isireli ena gauna era a tiko kina mai na vanua lala ena tokalau ni Uciwai na Joritani. Era a tiko ena Buca na Joritani e volekati Sufi, ena veimama ni koro o Perani ena dua na tai ni uciwai, kei na veikoro o Tofeli, o Lepani, o Eseroci kei Tisaapi ena tai kadua.

Vakarua 3:17

Na nodra i yalayala ki ra a yaco sara ki na uciwai na Joritani. Me tekivu sara mai na drano o Kalili mai na vualiku me yaco sara ki na Waitui Mate ena ceva; a yaco ki na ruku ni Ulunivanua o Pisika ki na tokalau.

Josua 12:3

ka wili talega kina na Buca o Joritani, me tekivu mai na Drano o Kalili ena ceva me yaco sara ki Peci-jesimoni ena tokalau ni Waitui Mate, ka lako sara yani vaka ki na ruku ni ulunivanua o Pisika.

Josua 15:2

A sa vakatekivu na kena i yalayala oqo ena ceva, mai na ceva ni Waitui Mate,

Josua 16:7

Mai Janoa ki Ataroci, Neeraci kei Jeriko, ka yaco sara ki na Joritani.

Josua 3:13

Ia ena gauna era na butuka kina na wai ni uciwai na Joritani o ira na bete ka ra colata tiko na Kato ni Veiyalayalati i Jiova, ena qai mudu vakasauri na drodro ni uciwai, ka bini cake vata na wai ena dua na yasana.”

Josua 4:22

mo ni tukuna vei ira na veika a yaco ena gauna era kosova kina o ira na Isireli na Joritani ena qele mamaca.

Josua 5:1

Era sa rogoca o ira kece na nodra tui na Amoraiti ena ra ni Joritani kei ira kece na nodra tui na kai Kenani ena baravi ni Wasa Meditereni ni sa vakadiva o Jiova na wai ni Joritani me yacova ni ra takoso taucoko na Isireli. Era a rere sara kina vakalevu, ka yali na nodra yalo dei ena vukudra na Isireli.

Dauveilewai 7:22

Ni ra uvuca na mataivalu i Kitione na tolu na drau na davui, ia o Jiova sa vakatuburi ira na meca me ra tara na nodra i seleiwau ka ra veivakamatei vakai ira ka ra dro yani na meca vaka ki Pecisita kei Serira, ki na i yalayala ni vanua o Apelemeola, vaka ki Tepaci.