Josua 24:18 - Vakavakadewa Vou kei na iVola tale eso

¹⁸ Ena noda gole mai ki ke, sa vakasavi ira tani na Amoraiti era tiko ena vanua oqo o Jiova. Ena ka oqo, keimami na qaravi Jiova talega; o koya sa neimami Kalou.

Ai Vola Tabu (Vakadewa Makawa Vakavoutaki 2021)

¹⁸ ka sa vakaseva tani ko Jiova na tamata kecega mai vei keda, na Amoraiti era a tiko e na vanua. O koya oqo keimami talega, keimami na qaravi Jiova, ni sa neimami Kalou ko koya.”

AI VOLA TABU

¹⁸ ka sa vakaseva ko Jiova na tamata kecega mai na matada, na luve i Amori era a tiko e na vanua: koi keimami talega, keimami na qaravi Jiova; ni sa neimami Kalou ko koya.

Vakavakadewa Makawa

¹⁸ ka sa vakaseva tani ko Jiova na tamata kecega mai vei keda, na Amoraiti era a tiko e na vanua: o koya oqo keimami talega, keimami na qaravi Jiova; ni sa neimami Kalou ko koya.

Ai Vola Tabu Ena Vakavakadewa Vou

¹⁸ Ena noda gole mai ki ke, sa vakasavi ira tani na Amoraiti era tiko ena vanua oqo ko Jiova. Ena ka oqo, keimami na qaravi Jiova talega; o koya sa neimami Kalou.

Josua 24:18 Iomraidhean Croise

NA SAME 116:16

Au sa nomuni dauveiqaravi, Turaga, au sa luvena na nomuni vada dauveiqaravi. O ni sa sereki au mai na kequ i vesu.

Lako Yani 10:2

ka mo ni qai tukuna vei ira na luvemuni kei na makubumuni na noqu a vakalialiai ira na kai Ijipita ena veicakacaka mana ka'u sa vakayacora. Oi kemuni kece o ni na kila kina ni sai au o Jiova.”

Lako Yani 15:2

Sa noqu kaukauwa kei na qaqa o Jiova; sai koya ga ka sa vakabulai au. Sai koya na noqu Kalou, ka'u na vakacaucautaki koya, Sa Kalou nei tamaqu o koya, ka'u na seretaka na nona lagilagi.

Lako Yani 23:31

Au na yalana na nomuni yalayala ni vanua mai na Wasa Damudamu ka yaco ki na nodra wasawasa na kai Filisitia, mai na veikau bula ki na uciwai na Uferetisi, ia ka'u na soli ira na lewenivanua oqo vei kemuni ka o ni na vakasavi ira mai na matamuni.

Maika 4:2

Era na kaya na lewe ni veivanua oqori, “Me da cabe cake ki na ulunivanua i Jiova, Ki na nona Valenisoro na nodra Kalou na Isireli. Ena vakatavulica o koya na ka me da cakava Eda na lako ena sala sa digitaka o koya. Ni sa lako mai Jerusalemi na vakavuvuli i Jiova; Ka sa vosa vei ira na nona tamata mai Saioni.”

Sakaraia 8:23

Ena gauna oqori, era na lako kina vua e dua na Jiu e lewe tini na kai tani, era na qai kaya vua, ‘Keimami via lako vata kei iko, baleta ni keimami sa rogoca ni sa tiko vata kei iko na Kalou.’ ”

Cakacaka 7:45

E muri, ni sa dewa mai na valelaca vei ira na noda qase era sa qai kauta tiko mai ni ra sa lako vata mai kei Josua ena nodra sa mai tawana na nodra vanua na veimatanitu ka a sa vakasavi ira na Kalou ena nodra sa toso tiko mai na noda qase. Ia sa mani mai tiko ga e kea me yacova na gauna i Tevita.

Vakarua 10:21

Mo ni dau vakalagilagi koya na nomuni Kalou, ka a cakava ena vukumuni na veika lelevu, ka veivakurabuitaki sa raica na matamuni.

Vakarua 33:27

Sa nomuni sasabai tudei na Kalou ena gauna kece sara; na ligana tawa mudu sa tokoni kemuni ka veimaroroi. Sa vakasavi ira na kemuni meca ena nomuni i lakolako, ka tukuna mo ni vakarusai ira kece.

Josua 23:9

E a vakasavi ira tani o Jiova mai na matamuni, na veimatanitu lelevu ka kaukauwa, ka sega ni dua vei ira me a vorati kemuni rawa me yacova mai na siga oqo.

Josua 24:17

Sai Jiova ga na noda Kalou sa kauti ira mai na noda qase vata kei keda mai na vanua ni veivakabobulataki o Ijipita, ka da sarava kece na veicakacaka mana sa vakayacora e matada. Sa taqomaki keda ka maroroi keda ena veivanua kece eda lako kina.

Josua 24:19

Sa vosa vei ira na tamata o Josua, ka tukuna, “O ni na sega ni qaravi Jiova rawa. Sa Kalou savasava o koya ka Kalou vuvu. Ena sega ni vosota na nomuni dauvakau yalomuni kei na nomuni valavala ca.