Josua 24:14 - Vakavakadewa Vou kei na iVola tale eso

¹⁴ “Ena vuku ni ka oqo, mo ni rerevaki Jiova, ka qaravi koya ena yalodina kei na yalododonu. Mo ni biuta tani na veikalou era a qarava na nomuni qase mai Mesopotemia kei Ijipita, ka mo ni qaravi Jiova duadua ga.

Ai Vola Tabu (Vakadewa Makawa Vakavoutaki 2021)

¹⁴ “Ia oqo, mo ni rerevaki Jiova, ka qaravi koya e na yalododonu ka vakaidina; ka biuta tani na veikalou era qarava na nomuni qase mai tai kadua ni Uciwai, mai Ijipita talega; ia mo ni qaravi Jiova.

AI VOLA TABU

¹⁴ Ia o qo, mo dou rerevaki Jiova, ka qaravi koya e na yalododonu ka vakaidina: ka biuta tani na veikalou era qarava na nomudou qase mai tai kadua ni Uciwai, mai Ijipita talega; ia mo dou qaravi Jiova.

Vakavakadewa Makawa

¹⁴ Ia oqo, mo ni rerevaki Jiova, ka qaravi koya e na yalododonu ka vakaidina: ka biuta tani na veikalou era qarava na nomuni qase mai tai kadua ni Uciwai, mai Ijipita talega; ia mo ni qaravi Jiova.

Ai Vola Tabu Ena Vakavakadewa Vou

¹⁴ “Ena vuku ni ka oqo, mo ni rerevaki Jiova, ka qaravi koya ena yalodina kei na yalododonu. Mo ni biuta tani na veikalou era a qarava na nomuni qase mai Mesopotemia kei Ijipita, ka mo ni qaravi Jiova duadua ga.

Josua 24:14 Iomraidhean Croise

Vakatekivu 17:1

Ena gauna sa yabaki 99 kina o Eparama, a sa rairai vua o Jiova ka kaya, “Oi au na Kalou Kaukauwa. Mo vakarorogo vei au ka mo kakua sara ni cala e mataqu.

Vakatekivu 35:2

A sa tukutuku yani o Jekope vei ira na nona lewenivale kei ira kece sa tiko kaya, “Mo ni biuta laivi kece na veikalou tani e tu vei kemuni; mo ni vakasavasavataki kemuni ka daramaka na i sulu savasava.

2 Tui 20:3

“I Jiova, mo ni nanumi au mada, ni'u sa dau qaravi kemuni ena yalodina kei na lomadina, ka'u sa dau saga vakaukauwa me'u vakayacora na veika o ni vinakata.” A sa qai vakatekivu me tagi vakirukiru.

Esera 9:11

o ni a vakarota ena gusudra na nomuni tamata na parofita. Era sa tukuna vei keimami ni vanua dukadukali na vanua keimami na mai tawana, baleta ni ra sa vakasinaita na tamata era tiko kina na nodra i valavala lolovira ka vakasisila me tekivu mai na dua na muana ki na dua tale.

Jope 1:1

A tiko voli mai na vanua o Usu e dua na tamata ka yacana o Jope. E tamata yalodina vua na Kalou ena nona vakabauta kei na nona veiqaravi. Sa dau qarauna vinaka o koya me kakua ni torova na ca.

Jope 28:28

A qai kaya na Kalou vei ira na tamata, Mo ni rerevaka na Kalou kevaka o ni vinakata na yalomatua. Mo ni gole tani mai na ca kevaka o ni vinakata na kila-ka.

NA SAME 111:10

Na sala ni vuku sai koya na rerevaki Jiova, Era sa yalomatua o ira kecega era muria na nona i vakaro. Me vakacaucautaki ga o koya ka sega ni mudu.

NA SAME 119:1

Sa kalougata o ira era sa sega ni beitaki rawa ena dua na ka, Ni ra sa muria na lawa i Jiova.

NA SAME 119:80

Me'u na muria sara vakavinaka na nomuni vakaro Ka vagalalataki au mai na madua ni druka.

NA SAME 130:4

Ia, o ni sa dauvosoti keimami ga, Me keimami na dau vakarokorokotaki kemuni kina.

NA SAME 81:10

Sa i au ga o Jiova na nomuni Kalou, O koya sa kauti kemuni mai na vanua o Ijipita. Ni dolava na gusumuni ka'u na vakani kemuni.

Isikeli 20:18

“Ia ka'u a kaya vei ira na luvedra ena loma ni vanua dravuisiga, Mo ni kakua ni muria na nodra i vunau na nomuni qase, ka kakua ni vakabauta na nodra lewa, ka kakua talega ni vakadukadukalitaki kemuni ena nodra matakau.

Isikeli 23:3

Ni rau se goneyalewa lalai ka tiko mai Ijipita, erau a tekivu moce vata na tagane ka yaco me rau yalewa dautagane.

Osea 3:5

Ia e muri era na qai lesu mai na Isireli ka vakasaqarai koya na nodra Kalou, kei Tevita na nodra tui; era na lako mai vei Jiova ena sautaninini kei na nona loloma ena gauna mai muri.

Vunau ni Soro 17:7

O ira na Isireli e sa sega ni dodonu tale me ra yalo veidabui ena nodra vakacabora tiko na i madrali e taudaku ni vale tabu kivei ira na kalou me tevoro. Sa na vakalawataki oqo ka me ra maroroya na Isireli ena veigauna mai muri.

Maika 6:8

E sega, sa tukuna oti ga vei keda o Jiova na ka e vinaka. Na ka e vinakata o koya vei keda sai koya oqo: me vakayacori ga na ka dodonu, me vakatakilai ga na yalololoma sa sega ni yalani, ka me ia ga na talairawarawa kei na veitokani veivolekati kei na noda Kalou ena yalomalumalumu.

Luke 8:15

Ia o ira ena qele vinaka, sai ira era sa rogoca na vosa, ka ra sa taura matua sara ena lomadina ka vinaka, ka ra sa vuataka mai na vuadra ena nodra dau vosota.

Cakacaka 9:31

Sa mani mai mudu toka mada e kea na nodra vakacacani na i soqosoqo lewenilotu taucoko mai Jutia kei Kalili kei Samaria. Era sa vakaukauwataki ena veivuke ni Yalo Tabu, ka sa tubu cake tikoga na kedra i wiliwili, ni ra sa qarava tiko na Turaga ena vakarokoroko.

2 Korinica 1:12

Ni sai koya oqo na ka keitou cibitaka: Sa vakadinadinataka na neitou lewa e loma na neitou i valavala e vuravura oqo ka vakauasivi vei kemuni, ni sa caka ena yalododonu kei na yalodina vua na Kalou. Ia sa sega ni rawa oqo ena vuku vakatamata, sa rawa ga ena loloma-savu ni Kalou.

Efeso 6:24

Me tikoga na loloma vei kemuni kece o ni lomana na Turaga o Jisu Karisito ena loloma e sega ni mate rawa.

Vakarua 10:12

“Ia oqo, mo ni rogoca na Isireli na veika sa vinakata mai vei kemuni o Jiova na nomuni Kalou. Mo ni rerevaki Jiova ka vakayacora na nona i vakaro kecega. Mo ni lomani Jiova ka qaravi koya ena lomamuni taucoko kei na yalomuni taucoko,

Vakarua 18:13

Me ka taucoko sara na nomuni yalodina tiko vei Jiova na nomuni Kalou.

Vakarua 6:13

Mo ni rokovi Jiova na nomuni Kalou ka qaravi koya duadua ga, ka vakayacora na nomuni vosa ni yalayala kecega ena yacana.

Filipai 1:10

me rawa kina vei kemuni mo ni dau digitaka na veika e uasivi sara. O ni na qai galala kina mai na veika dukadukali kecega ka na sega ni beitaki ena Siga sa lako mai kina na Karisito.

Josua 24:2

Sa qai vosa vakaoqo vei ira na tamata kecega o Josua, “Sai koya oqo na ka sa via vakaraitaka o Jiova, na Kalou ni Isireli: “Ena gauna makawa sara sa vakaitikotiko na nomuni qase o Tira na tama i Epara-ama kei Neori ena tai kadua ni Uciwai na Euferetisi, ka qarava na veikalou tani eso.

Josua 24:23

Sa qai tukuna vei ira o Josua, “Ia mo ni biuta tani na veikalou tani ka ra tiko vei kemuni, ka solia na yalomuni vei Jiova na Kalou ni Isireli.”

1 Samuela 12:14

Ia ena basika na vinaka kevaka o ni na rerevaki Jiova ka qaravi koya, ka vakarorogo ki na nona vosa, ka sega ni talaidredre ki na nona i vakaro, oi kemuni kei koya talega na tui sa lewai kemuni.

1 Samuela 12:24

Mo ni rerevaki Jiova ga, ka qaravi koya vakaidina ena yalomuni taucoko. Ia mo ni nanuma na veika lelevu sa cakava vei kemuni o koya.

1 Samuela 7:3

A qai vosa vei ira kecega na veimataqali i Isireli o Samuela, ka kaya, “Kevaka o ni via lesu tale vei Jiova ena yalomuni taucoko, ia mo ni biuta laivi na veikalou tani kei na Aseteroci talega. Mo ni vagolea vakatabakidua na yalomuni vei Jiova ka qaravi koya duadua ga; ena qai vakabulai kemuni o koya mai na ligadra na kai Filisitia.