Josua 24:12 - Vakavakadewa Vou kei na iVola tale eso

¹² Au a vakatala na tina ni oni dau kata me ra liu e matamuni, ka cemuri ira tani mai matamuni, o rau talega na tui, e rua na Amoraiti. O ni a sega ni vala ga ena nomuni i seleiwau kei na dakaititi.

Ai Vola Tabu (Vakadewa Makawa Vakavoutaki 2021)

¹² Ia ka'u a vakatala e dua na lagotavuivui rerevaki me liu vei kemuni, koya sa vakasavi rau mai na matamuni, na nodra tui na Amoraiti e le rua; sa sega e na nomuni seleiwau se na nomuni dakai.

AI VOLA TABU

¹² Ia kaʼu a vakatala e dua na ka rerevaki e na matamudou, a ya sa vakasevi rau mai na matamudou, na nodra tui e rua na luve i Amori: sa sega e na nomui seleiwau se na nomu dakai.

Vakavakadewa Makawa

¹² Ia ka'u a vakatala e dua na lagotavuivui rerevaki me liu vei kemuni, koya sa vakasavi rau mai na matamuni, na nodra tui na Amoraiti e le rua: sa sega e na nomuni seleiwau se na nomuni dakai.

Ai Vola Tabu Ena Vakavakadewa Vou

¹² Au a vakatala na tina ni oni dau kata me ra liu e matamuni, ka cemuri ira tani mai matamuni, o rau talega na tui, e rua na Amoraiti. O ni a sega ni vala ga ena nomuni i seleiwau kei na dakaititi.

Josua 24:12 Iomraidhean Croise

NA SAME 135:11

O Sioni na nodra tui na Amoraiti, O Oki na tui Pasani, Kei ira kece na tui eso mai Kenani.

NA SAME 80:10

A sa vakaruguta na veidelana na kena rurugu Ka vakarugutaka na veisitari babalavu na tabana.

NA SAME 80:9

O ni a vakasavasavataka e dua na vanua me bula kina A sa titobu sara na vanua e curuma na wakana, ka tete yani ki na vanua taucoko.

Lako Yani 23:28

Au na tala yani na veimate ca me liu vei kemuni, ka me vakatalai ira tani na Aivaiti, o ira na kai Kenani, kei ira na Itaiti.

Lako Yani 23:31

Au na yalana na nomuni yalayala ni vanua mai na Wasa Damudamu ka yaco ki na nodra wasawasa na kai Filisitia, mai na veikau bula ki na uciwai na Uferetisi, ia ka'u na soli ira na lewenivanua oqo vei kemuni ka o ni na vakasavi ira mai na matamuni.

Tiko mai na Lekutu 21:31

Era sa tawana vakaoqo na nodra vanua na Amoraiti, o ira na Isireli.

Tiko mai na Lekutu 21:32

A qai tala o Mosese eso me ra yamata ki Jaseri; ka ra a kovea na kena veikoro lalai, ka vakasevi ira na Amoraiti era tiko kina.

Vakarua 31:4

Ena cakava vei ira na veimatatamata oqo o Jiova na ka vata ga sa cakava vei Sioni kei Oki, na nodra tui na Amoraiti, ni a vakarusa na nodra vanua.

Vakarua 4:46

ka mai tiko ena tokalau ni buca ni uciwai na Joritani veidonui kei na koro o Pecipiori. Sai koya na vanua i Sioni na nodra tui na Amoraiti o koya ka tiko mai Esiponi, ka vakadrukai koya o Mosese kei ira na Isireli ena gauna era a lako tani kina mai Ijipita.

Vakarua 4:47

Era a taukena na nona vanua kei na vanua talega nei Oki na tui Pasani. (Sai rau oqo na nodra tui na Amoraiti era a tiko ena tokalau ni Joritani).

Vakarua 7:20

Me kena i kuri ena vakatauva vei ira na mate ca o Jiova me yacova ni ra sa vakarusai kece o ira na dro bula.

Josua 2:10

Keimami sa rogoca na i valavala ni nomuni lako ena vanua mamaca ena loma ni Wasa Damudamu sa cakava ena vukumuni o Jiova, ena gauna o ni a lako tani kina mai Ijipita. Keimami sa rogoca talega na nomuni vakamatei Sioni kei Oki, na nodra tui na Amoraiti ena tokalau ni Joritani.