Josua 23:16 - Vakavakadewa Vou kei na iVola tale eso

¹⁶ Kevaka o ni na sega ni maroroya na veiyalayalati ka vakarota vei kemuni o Jiova na nomuni Kalou mo ni muria, se kevaka o ni sa qarava na veikalou tani eso ka lotu vei ira, ena qai totogitaki kemuni ena nona cudru, ka na yaco me sega tale ni dua vei kemuni me vo tiko ena vanua vinaka oqo, ka solia vei kemuni o koya.

Ai Vola Tabu (Vakadewa Makawa Vakavoutaki 2021)

¹⁶ Ni kemuni sa vakacataka na veiyalayalati i Jiova na nomuni Kalou, o koya sa vakarota vei kemuni, ka la'ki qarava na kalou tani, ka cuva vei ira, ena qai waqa mai na cudru i Jiova vei kemuni, ia kemuni na rusa tani vakusakusa mai na vanua vinaka sa solia vei kemuni ko koya.”

AI VOLA TABU

¹⁶ Ni dou sa vakacataka na veiyalayalati i Jiova na nomudou Kalou, a ya sa vunautaka vei kemudou, ka laʼki qarava na kalou tani e so, ka cuva vei ira, ena qai waqawaqa mai na cudru i Jiova vei kemudou, ia dou na vakarusai tani vakasauri mai na vanua vinaka sa solia vei kemudou ko koya.

Vakavakadewa Makawa

¹⁶ Ni kemuni sa vakacataka na veiyalayalati i Jiova na nomuni Kalou, o koya sa vakarota vei kemuni, ka la'ki qarava na kalou tani, ka cuva vei ira, ena qai waqa mai na cudru i Jiova vei kemuni, ia kemuni na rusa tani vakusakusa mai na vanua vinaka sa solia vei kemuni ko koya.

Ai Vola Tabu Ena Vakavakadewa Vou

¹⁶ Kevaka o ni na sega ni maroroya na veiyalayalati ka vakarota vei kemuni ko Jiova na nomuni Kalou mo ni muria, se kevaka o ni sa qarava na veikalou tani eso ka lotu vei ira, ena qai totogitaki kemuni ena nona cudru, ka na yaco me sega tale ni dua vei kemuni me vo tiko ena vanua vinaka oqo, ka solia vei kemuni o koya.

Josua 23:16 Iomraidhean Croise

1 Tui 14:15

Ia ena totogitaki ira na Isireli o Jiova me vaka a yavalata na co kuta na wai; ka na cavuivuvutaki ira na Isireli mai na vanua vinaka oqo, ka a solia vei ira na nodra qase e liu, ka na vakabuwacarataki ira na Isireli, ka na la'ki sivia yani na uciwai levu na Uferetisi, ena vuku ni nodra a vakacudrui Jiova ena nodra cakava na kalou yalewa ni veikau o Asera.

1 Tui 9:6

Ia vei iko, kevaka o na vuki tani mo kakua ni muri au, o iko se o ira na luvemu, ka sega ni vakabauta na noqu i vakaro kei na noqu i lesilesi ka'u a tauca e matamu; ia o na qai lako ka qarava na kalou tani ka cuva vei ira,

1 Tui 9:7

au na qai muduki ira tani na Isireli mai na vanua ka'u a solia vei ira; ia ena vuku ni vale oqo ka'u sa vakatabuya ki na yacaqu au na biuta tani e mataqu, ka na vukici o Isireli me vosataki ena vosa vakaibalebale, ka vosabecitaki vei ira na veimatanitu kecega.

2 Tui 17:7

A sa vakadrukai o Samaria baleta ni ra sai valavala ca na Isireli vei Jiova na nodra Kalou, o koya a kauti ira cake mai na vanua o Ijipita, mai na ligana na tui Ijipita. Era sa qarava na kalou tani eso,

2 Tui 24:20

Sa ka levu na cudru i Jiova vei Jerusalemi kei Juta, ka sa vakavuna me biuti ira tani mai matana.

Aisea 24:5

Era sa vakadukadukalitaka na vuravura na lewena, Ena nodra voroka na lawa ni Kalou; Ka vakacacana na veiyalayalati tawa mudu e a cakava o koya.

Jeremaia 32:23

Ia ni ra sa lako mai ki na vanua oqo ka ra mani taukena, era sa sega ni muria na nomuni vakaro se talairawarawa ki na nomuni vakavuvuli; era sa sega ni vakayacora e dua na ka o ni sa vakarota me ra cakava. O koya oqo o ni sa kauta mai kina na veivakarusai kece oqo vei ira.

Jeremaia 32:24

Era sa viria cake na i kabakaba na kai Papiloni ka binia cake na qele wavokita na koro me ra vakamalumalumutaka, ka ra samuta sara tikoga. Na i valu, na viakana kei na mate ca ena vakavuna na kena soli na koro ki ligadra. Kemuni Turaga o ni sa raica ni sa yaco na ka kece sara o ni a tukuna.

Tiko mai na Lekutu 33:56

Ia, au na cakava vei kemuni na ka au a nakita me'u na vakayacora vei ira.

Vakarua 17:3

ni ra sa qarava ka cuva ki na veikalou tani, se ki na matanisiga, se na vula, se na kalokalo, se ki na dua tale na ka sa tu mai lomalagi ka'u sa vakatabuya.

Vakarua 28:15

“Ia kevaka o ni talaidredre vei Jiova na nomuni Kalou, ka sega ni muria ena yalodina na nona i vunau kei na lawa ka'u sa vakarota oqo vei kemuni edaidai, ena qai yaco vei kemuni na veika ca kecega oqo:

Vakarua 6:15

baleta ni o Jiova na nomuni Kalou ka sa tiko kei kemuni, sa Kalou vuvu. Na nona cudru waqawaqa ena vagolea vei kemuni ka na vaqeyavutaki kemuni mai na dela i vuravura.

Dauveilewai 2:14

Ena ka oqo sa tubu kina na cudru waqawaqa i Jiova vei ira na Isireli, ka soli ira kina vei ira na dauvakacaca me vakalolomataki ira ka volitaki ira vei ira nodra meca era tiko vakavolivoliti ira, ka ni ra sa sega ni taqomaki ira rawa.

Dauveilewai 2:20

Ena vuku ni ka oqo a waqa kina na cudru i Jiova vei ira na Isireli, ka kaya vei ira, ni o ira, na tamata oqo era sa talaidredre ki na noqu veiyalayalati ka'u sa vakarota vei ira na nodra qase ka ra sega ni rogoca na domoqu.

1 Samuela 12:25

Ia kevaka o ni vakayacora tikoga na i valavala ca, o ni na vakarusai vata kei na nomuni tui.