Josua 23:10 - Vakavakadewa Vou kei na iVola tale eso

¹⁰ Sa rawa vua e duabulu wale, vei kemuni me vakasavi ira e lewe dua na udolu na tamata, ni sa totaki kemuni o Jiova me vaka sa yalataka.

Ai Vola Tabu (Vakadewa Makawa Vakavoutaki 2021)

¹⁰ E le dua vei kemuni ena vakasava e le dua na udolu, ni sai Jiova ga na nomuni Kalou sa totaki kemuni, me vaka ka kaya vei kemuni ko koya.

AI VOLA TABU

¹⁰ Ena vakaseva na lewe udolu e lewe dua vei kemudou: ni sa ko Jiova ga na nomudou Kalou sa totaki kemudou, me vaka ka kaya vei kemudou ko koya.

Vakavakadewa Makawa

¹⁰ E le dua vei kemuni ena vakasava e le dua na udolu: ni sai Jiova ga na nomuni Kalou sa totaki kemuni, me vaka ka kaya vei kemuni ko koya.

Ai Vola Tabu Ena Vakavakadewa Vou

¹⁰ Sa rawa vua e duabulu wale, vei kemuni me vakasavi ira e lewe dua na udolu na tamata, ni sa totaki kemuni ko Jiova me vaka sa yalataka.

Josua 23:10 Iomraidhean Croise

2 Samuela 23:8

Oqo na yacadra na tamata qaqa i Tevita: a kena i matai o Joseba Vasebeci na kai Takimona, o koya na nodratou i liuliu na i “Lawalawa e Tolu”; a sa taura na nona i moto ka vala kei ira na lewe 800 na tamata, ka sa vakamatei ira kece ena dua ga na gauna.

1 Veigauna 5:20

Era a vakararavi vua na Kalou na mataqali tolutolu o Rupeni, Kata, kei na i wase ni mataqali o Manasa; era a masu vua ka kerea na nona veivuke; a sa rogoci ira na Kalou ka solia me ra qaqa vei ira na Akariti kei ira era sa to vata.

1 Veigauna 5:22

Era a vakamatea e lewe vuqa vei ira, baleta ni sa mai vua ga na Kalou na i valu oqo. Era a tiko ena vanua o ya me yacova na gauna ni veivakabobulataki.

NA SAME 35:1

Kemuni Jiova, ni saqati ira era saqati au, Ka valuti ira era valuti au.

NA SAME 46:7

Sa tiko kei keda o Jiova ni lewevuqa; Sa nodra i drodro na Kalou i Jekope.

Lako Yani 14:14

Ena vala ena vukumuni o Jiova: ka na sega ni dua na ka o ni na cakava.”

Aisea 30:17

Era na dro e dua na udolu vei kemuni, Ni ra raica wale tu ga e dua na meca, Ka na lima wale ga na meca, Era na vakasavi kemuni kece sara. Ena sega tale ni vo e dua na ka ki na nomuni mataivalu, Sa na qai vo ga e dua na kau ni drotini ena dua na delana.

Vunau ni Soro 26:7

O ni na vakasavi ira na nomuni meca, ia era na bale ena i seleiwau ena matamuni.

Vunau ni Soro 26:8

Era na vakasavi ira na lewe drau e lewe lima wale vei kemuni, ka lewe dua na drau vei kemuni era na vakasavi ira era lewe tini na udolu; ia era na bale e matamuni na nomuni meca ena i seleiwau.

Sakaraia 12:8

Ena gauna o ya, ena taqomaki ira na lewe i Jerusalemi o Jiova, ka ra na vakaukauwataki na nodra tamata malumalumu duadua me vaka na kaukauwa i Tevita. Era na qai liutaki ira na tamata o ira na kawa i Tevita me vaka na agilosi i Jiova, me vakataka ga na Kalou.

Roma 8:31

Na cava tale me da qai kaya ena veika kece oqo? Kevaka sa noda i to na Kalou o cei ena qai noda meca?

Vakarua 20:3

ka kaya, Kemuni na Isireli ni vakarorogo mada! E daidai o ni sa na lako yani mo ni vala. Kua sara ni rerevaki ira na kemuni meca, se yalolailai, se taqaya;

Vakarua 20:4

ni sa lako vata kei kemuni o Jiova na nomuni Kalou ka na solia vei kemuni na qaqa.

Vakarua 28:7

“O Jiova ena vakamalumalumutaki ira na nomuni meca ena gauna era valuti kemuni kina. Era na valuti kemuni mai ena dua ga na yasana, ia era na dro tani mai vei kemuni kina veiyasana kecega.

Vakarua 3:22

Mo kakua ni rerevaki ira, ka ni na vala ena vukumuni o Jiova na nomuni Kalou.”

Vakarua 32:20

A sa kaya, ‘Au na sega tale ni vukei ira, ia ka'u na qai raica se na cava ena yacovi ira, o ira na tamata dauveivakaisini ka yalo kaukauwa.

Vakarua 32:30

A cava na vuna sa vakadrukai kina na udolu mai na lewe dua, kei na 10,000 mai na lewe rua wale ga? O Jiova, na nodra Kalou, sa biuti ira; na nodra Kalou qaqa sa soli ira yani.

Josua 10:42

E a vakamalumalumutaki ira na tui kece oqo kei na nodra matanitu o Josua ena dua ga na i lakolako vakaivalu, baleta duadua ga ni sa totaki ira na Isireli ena i valu oqo o Jiova na nodra Kalou.

Josua 23:11

Mo ni qarauna vinaka mo ni lomani Jiova na nomuni Kalou.

Josua 23:3

O ni a raica na veika kece a sa vakayacora o Jiova na nomuni Kalou vei ira na veimatanitu oqo ena vukumuni. E a vala voli ena vukumuni o Jiova na nomuni Kalou.

Dauveilewai 15:15

A kunea e dua na sui ni galegale ni asa ka se qai mate ga. A sa cuva sobu ka tomika cake, ka mokuti ira mate kina e udolu na tamata.

Dauveilewai 3:31

Ni sa oti na gauna i Eute sa taravi koya mai o Samikari na luve i Anaci, sa vakamatea o koya e ono na drau na kai Filisitia ena kuita ni bulumakau, ka vakabulai ira talega na Isireli.

1 Samuela 14:6

A qai kaya o Jonacani vua na cauravou ka colata tiko na nona i yaragi, “Mai, daru takoso mada yani ki na nodra keba na tamata tawa cili oqori; de dua ena vukei kedaru o Jiova; ni sega sara ni dredre vua me solia vei keda na qaqa, ka veitalia ga ni da lewe lailai wale sara.”