Josua 22:5 - Vakavakadewa Vou kei na iVola tale eso

⁵ Qarauna vinaka, mo ni muria na i vunau ka vakarota vei kemuni o Mosese; mo ni lomani Jiova na nomuni Kalou ka vakayacora na lomana, mo ni muria na nona i vakaro kece ka yalodina tiko vua, ka qaravi koya ena yalomuni kei na lomamuni taucoko.”

Ai Vola Tabu (Vakadewa Makawa Vakavoutaki 2021)

⁵ Ia mo ni nanuma vakavinaka mo ni kitaka nai vakaro kei na vunau, ka vakarota vei kemuni ko Mosese na tamata ni Kalou ko Jiova, mo ni lomani Jiova na nomuni Kalou, ka muria na nona sala kecega, ka vakabauta na nona i vakaro, ka kabiti koya, ka qaravi koya e na lomamuni taucoko, kei na yalomuni taucoko.”

AI VOLA TABU

⁵ Ia dou nanuma ga vakavinaka me kitaka nai vakaro kei na vunau, a ya ka vunautaka vei kemudou ko Mosese nai talatala i Jiova, mo dou lomani Jiova na nomudou Kalou, ka lako e na nona sala kecega, ka vakabauta na nona veivunau, ka kabiti koya, ka qaravi koya e na lomamudou taucoko, kei na yalomudou taucoko.

Vakavakadewa Makawa

⁵ Ia mo ni nanuma vakavinaka mo ni kitaka nai vakaro kei na vunau, ka vakarota vei kemuni ko Mosese nai talatala i Jiova, mo ni lomani Jiova na nomuni Kalou, ka muria na nona sala kecega, ka vakabauta na nonai vakaro, ka kabiti koya, ka qaravi koya e na lomamuni taucoko, kei na yalomuni taucoko.

Ai Vola Tabu Ena Vakavakadewa Vou

⁵ Qarauna vinaka, mo ni muria na i vunau ka vakarota vei kemuni o Mosese; mo ni lomani Jiova na nomuni Kalou ka vakayacora na lomana, mo ni muria na nona i vakaro kece ka yalodina tiko vua, ka qaravi koya ena yalomuni kei na lomamuni taucoko.”

Josua 22:5 Iomraidhean Croise

NA SAME 106:3

Sa kalougata o ira era muria na nona i vakaro, O ira era dau cakava tikoga na ka dodonu.

NA SAME 78:7

Ena ka oqo era na vakadinata talega kina na Kalou Ka sega ni guilecava na ka sa cakava, Ia, era na dautalairawarawa ga ki na nona i vakaro.

Lako Yani 15:26

A sa kaya, “Kevaka o ni na vakarorogo vakavinaka vei Jiova na nomuni Kalou, ka cakava na ka e dodonu e matana, ka vakayacora na nona i vunau ka muria na nona i vakaro, au na sega ni totogitaki kemuni ena mate ca au a vakatauva vei ira na kai Ijipita; Ni sai au o Jiova rafa.”

Lako Yani 20:6

Ia au sa vakatakila na noqu loloma ki na udolu na i tabatamata era sa lomani au ka muria na noqu lewa.

Lako Yani 23:13

“Mo ni rogoca vinaka ka muria na veika kece sara au sa kaya vei kemuni, ka mo ni kakua ni vakabekabea na yaca ni veikalou tale eso me kakua talega ni rogo mai e gusumuni.

Lako Yani 23:25

Ia mo ni qaravi Jiova ga na nomuni Kalou, au na vakalougatataka na kemuni kakana kei na memuni wai, ka'u na kauta tani na mate dauveitauvi mai vei kemuni.

Vosavakaibalebale 4:23

Ia na ka bibi duadua oqo: Mo qarauna vinaka na yalomu, ni sa taka mai kina na i vurevure ni bula.

Aisea 55:2

Na cava o ni vakayagataka kina na i lavo Ena ka e sega ni kakana? Na cava o ni vakayagataka kina na kemuni i sau O ni qai sega ni mamau? Ni vakarorogo vei au o ni na qai rawata Na kakana vinaka mo ni kania Na kakana uasivi o ni marautaka ni kania.

Jeremaia 12:16

Ia kevaka era na ciqoma na nodra vakabauta na noqu tamata ena yalodra taucoko, ka bubului, ‘Me vaka sa bula o Jiova’ me vaka na nodra a vakavulici ira na noqu tamata me ra bubului ki na yaca i Peali, era na qai wiliki vata kei ira na noqu tamata.

Maciu 22:37

Sa qai kaya vua o Jisu, “Mo lomana na Turaga na nomu Kalou ena lomamu taucoko, kei na yalomu taucoko, kei na nomu vakasama taucoko.

Maciu 4:10

Sa qai kaya vua o Jisu, “Lako tani, Setani! Ni sa volai tu, ‘Mo vakarokoroko vua na Turaga na nomu Kalou, ka mo qaravi koya duadua ga.’ ”

Maciu 6:24

“E sega ni dua na tamata me qarava rawa e le rua na turaga. Ni na cata e dua ka lomana ga e dua, se ena kabita sara e dua ka beci koya ka dua. Dou sega ni qarava rawa na Kalou kei na i yau.

Luke 1:74

Me rawa kina vei keda, ni da sa vakabulai mai na ligadra na noda meca, Me da qaravi koya ka sega ni rere,

Joni 12:26

Kevaka sa via qaravi au e dua na tamata, me muri au; ka me na tiko talega o koya ena vanua au sa tiko kina. Kevaka sa qaravi au e dua na tamata, ena vakalagilagi koya o Tamaqu.”

Joni 14:15

Kevaka dou sa lomani au, dou na vakayacora na noqu i vakaro kecega.

Cakacaka 11:23

Ia ni sa yaco yani ka sa raica na levu ni veivakalougatataki ni Kalou vei ira na tamata, sa marau sara, ka sa vakauqeti ira me ra kabita matua na Turaga ena yalodra taucoko.

Cakacaka 27:23

Ena bogi, sa lako mai kina vei au e dua na nona agilosi na Kalou ka'u sa qarava, ni'u sa nona tamata oi au,

Roma 1:9

Sa noqu i vakadinadina na Kalou, o koya au sa qarava ena yaloqu taucoko ena kena vunautaki na i Tukutuku Vinaka me baleta na Luvena. Sa kila na Kalou ni'u sa dau nanumi kemuni tikoga

Roma 12:9

Me dina ka maucokona vinaka na nomuni loloma. Mo ni cata na ca ka taura matua na ka vinaka.

Roma 8:28

Eda sa kila ni sa cakacaka tiko na Kalou ena veika kecega me ra vinaka kina o ira era sa lomani koya, o ira sa kacivi ira o koya me vaka na lomana.

Vakarua 10:20

Mo ni rerevaki Jiova na nomuni Kalou. Mo ni qaravi koya ka yalodina vua, ka vosa ni yalayala ena vuku ni yacana duadua ga.

Vakarua 11:1

“Mo ni lomani Jiova na nomuni Kalou ka talairawarawa tikoga ki na nona i vunau kece sara.

Vakarua 11:13

“Ia oqo, mo ni talairawarawa ki na i vunau kece au sa solia vei kemuni edaidai; mo ni lomani Jiova na nomuni Kalou ena lomamuni taucoko kei na yalomuni taucoko.

Vakarua 11:22

“Kevaka o ni na vakayacora vakavinaka na noqu i vunau kecega au sa vakarota vei kemuni, ka lomani Jiova na nomuni Kalou, ka muria na nona sala kecega ka yalodina tikoga vua,

Vakarua 13:4

Mo ni muri Jiova ka rokovi koya; mo ni talairawarawa vua ka maroroya na nona i vunau; mo ni qaravi koya ni dou sa sokalou ka yalodina ki vua.

Vakarua 4:29

Ia kevaka o ni na qai vakasaqarai Jiova na nomuni Kalou mai na veivanua o ya; o ni na kunei koya kevaka o ni vakasaqarai koya ena lomamuni kei na yalomuni taucoko.

Vakarua 4:4

ia oi kemuni ga o ni a yalodina tiko vei Jiova na nomuni Kalou, ka o ni sa bula tiko me yacova na siga oqo.

Vakarua 4:6

Ni maroroya ka talairawarawa kina, ena qai vakaraitaka na nomuni vuku kei na nomuni yalomatua ki vei ira na tamata ena veimatanitu tani. Ni ra na rogoca na lawa kece oqo era na qai kaya, “Era sa tamata vuku ka yalomatua na matanitu levu oqo!”

Vakarua 4:9

Mo ni qarauni kemuni vinaka! Mo ni kakua sara ni guilecava na ka sa raica na matamuni, ka kakua ni biuta tani mai na nomuni vakasama ena gauna kece o ni bula kina; ia mo ni vakavulica vei ira na luvemuni kei na makubumuni.

Vakarua 5:10

Au sa dau vakaraitaka na noqu loloma tawa yalani ki na udolu vakaudolu na nodra i tabatamata era lomani au ka muria na noqu i vunau.

Vakarua 6:17

Mo ni muria vakavinaka sara na i vunau i Jiova na nomuni Kalou, na nona i vakaro kei na nona lawa.

Iperiu 12:15

Ni qarauna me kakua ni dua me vakanadakuya na loloma-savu ni Kalou. Ni qarauna talega me kakua ni dua e yaco me vaka na kau gaga sa tubu cake ka vakavu leqa vei ira na lewe vuqa ena vuku ni kena gaga.

Jemesa 1:12

Sa kalougata na tamata sa vosota ni sa vakatovolei tiko, ia ni sa vorata rawa na veivakatovolei, ena soli vua na bula, o ya na i covi ka sa yalataka oti na Kalou vei ira era lomani koya.

Jemesa 2:5

Oi kemuni na wekaqu lomani, ni vakarorogo mada! Sa digitaki ira na tamata dravudravua ena ka ni vuravura oqo na Kalou me ra vutuniyau ena vakabauta, ka me ra taukena talega na matanitu sa yalataka oti o koya vei ira sa lomani koya.

Josua 23:8

Mo ni yalodina tikoga vei Jiova, me vaka o ni sa dau vakayacora tiko me yacova na siga oqo.

Vakatakila 15:3

ka ra sa lagata na sere i Mosese, na tamata ni Kalou, kei na sere ni Lami me vakaoqo: “Oi kemuni na Turaga na Kalou Kaukauwa, Sa cecere ga ka veivakurabuitaki na nomuni cakacaka! Oi kemuni na Tui ni veitabagauna, Sa dodonu ga ka dina na nomuni sala!

1 Samuela 12:20

A qai vosa o Samuela vei ira na tamata, ka kaya, “Ni kakua ni rere, ni o ni sa cakava oti na ka oqo; ia ni kakua ga ni gole tani mai vei Jiova;

1 Samuela 12:24

Mo ni rerevaki Jiova ga, ka qaravi koya vakaidina ena yalomuni taucoko. Ia mo ni nanuma na veika lelevu sa cakava vei kemuni o koya.

1 Samuela 7:3

A qai vosa vei ira kecega na veimataqali i Isireli o Samuela, ka kaya, “Kevaka o ni via lesu tale vei Jiova ena yalomuni taucoko, ia mo ni biuta laivi na veikalou tani kei na Aseteroci talega. Mo ni vagolea vakatabakidua na yalomuni vei Jiova ka qaravi koya duadua ga; ena qai vakabulai kemuni o koya mai na ligadra na kai Filisitia.