Josua 22:18 - Vakavakadewa Vou kei na iVola tale eso

¹⁸ O ni sa gole tani li mai vei Jiova? Kevaka o ni vakauyalomuni ka vorati Jiova edaidai, ena cudruvi keda taucoko na lewenivanua e Isireli ni mataka.

Ai Vola Tabu (Vakadewa Makawa Vakavoutaki 2021)

¹⁸ ka mo dou sa lesu tani edaidai, mo dou kakua ni muri Jiova tiko! Ni kevaka dou sa talaidredre edaidai vei Jiova, ena cudruvi ira nai soqosoqo taucoko ni Isireli ko koya e na mataka.

AI VOLA TABU

¹⁸ mo dou sa lesu tani edaidai, me kakua ni muri Jiova tiko? ia e na vuku ni dou sa talaidredre edaidai vei Jiova, ena cudruva ko koya nai vavakoso taucoko nei Isireli e na sabogibogi.

Vakavakadewa Makawa

¹⁸ mo dou sa lesu tani edaidai, mo dou kakua ni muri Jiova tiko? ia ni dou sa talaidredre edaidai vei Jiova, ena cudruvi ira nai soqosoqo taucoko ni Isireli ko koya e na mataka.

Ai Vola Tabu Ena Vakavakadewa Vou

¹⁸ O ni sa gole tani li mai vei Jiova? Kevaka o ni vakauyalomuni ka vorati Jiova edaidai, ena cudruvi keda taucoko na lewenivanua e Isireli ni mataka.

Josua 22:18 Iomraidhean Croise

2 Samuela 24:1

A cudruvi ira tale na Isireli o Jiova, a vakauqeti Tevita o koya, ka vaka, “Mo la'ki wiliki ira na Isireli kei ira na Juta.”

1 Tui 9:6

Ia vei iko, kevaka o na vuki tani mo kakua ni muri au, o iko se o ira na luvemu, ka sega ni vakabauta na noqu i vakaro kei na noqu i lesilesi ka'u a tauca e matamu; ia o na qai lako ka qarava na kalou tani ka cuva vei ira,

2 Tui 17:21

Ni sa tawasei ira oti na Isireli mai vei ira na Juta o Jiova, era a qai buli Jeropoama na luve i Nipati na Isireli me nodra tui. A sa vakavuna o Jeropoama me ra biuti Jiova na Isireli ka liutaki ira ki na i valavala vakasisila e vuqa.

1 Veigauna 21:1

A vinakata o Setani me vakatubu leqa vei ira na Isireli, ka vakauqeti Tevita kina me tauca na lewa me vakayacori na wili lewenivanua.

1 Veigauna 21:14

A sa tala yani e dua na mate ca o Jiova vei ira na Isireli, ka ra mate kina e lewe 70,000 na tamata.

2 Veigauna 25:27

Me vakatekivu mai na gauna a gole tani kina mai vei Jiova, era a buki kena vere mai Jerusalemi, ka dro o koya ki Lakisi. Ia era a qai muri koya ki Lakisi, ka vakamatei koya mai kea.

2 Veigauna 34:33

Ia o Josaia a kauta tani kece na veika vakasisila mai na veivanua kecega era taukena na Isireli, ka vakaroti ira kecega era a tiko e Isireli me ra qaravi Jiova na nodra Kalou. Ia na veisiga kecega i Josaia era a sega ni vuki tani kina mai vei Jiova na Kalou ni nodra qaqa.

Vunau ni Soro 10:6

Sa qai vosa o Mosese vei Eroni kei rau talega na luvena o Iliesa kei Icama, ka kaya, “Dou kakua ni laiva na drau ni ulumudou me veituyaki ka sega ni seruti, se dresulaka na nomudou i sulu, me vakatakilai kina na nomudou rarawa. Kevaka dou cakava oqo, dou na mate, ka na yaco talega na cudru ni Kalou ki na lewenivanua kece. Ia o ira kecega na wekamudou na Isireli era na vakatarai me ra tagicaka na mate oqo sa vu mai na kama e vakavuna o Jiova.

Tiko mai na Lekutu 16:22

E rau sa cuva vakatoboicu, ka kaya, “Kemuni na Kalou, na Kalou ni yalo ni tamata kecega: O ni sa cudruvi ira li na lewenivanua taucoko ni sai valavala ca e duabulu wale ga na tamata?”

Tiko mai na Lekutu 32:15

Ia kevaka o ni vuki tani mo ni kakua ni muri koya, ena laivi kemuni talega o koya ena vanua lala; ia oi kemuni ga, o ni na vakawabokotaki ira kece na kawa tamata oqo.

Vakarua 7:4

de ra na vagolei ira tani na luvemuni mai vei Jiova ka qarava na veikalou tani. Ena qai cudruvi kemuni o Jiova ka vakarusai kemuni vakasauri.

Josua 22:15

Era sa lako yani vei ira na mataqali i Rupeni, Kata kei na veimama ni mataqali i Manasa ena vanua o Kiliati ka tukuna vei ira,

Josua 22:16

“Sa vosa vakaoqo na matatamata taucoko i Jiova, ‘A cava o ni sa cakava kina na ka ca oqo, mo ni vorata na Kalou ni Isireli? O ni sa vakauyalomuni ka vorati Jiova ni o ni sa tara na i cabocabonisoro oqo me nomuni! O ni sa sega ni muria na nona vosa.

Josua 22:20

Mo ni nanumi Ekani na luve i Sira, ni sa bese ni muria na i vakaro me baleta na veika sa lewai oti me vakarusai. E a cudruvi taucoko na lewe i Isireli, ena vuku ni nona i valavala ca.”

Josua 7:1

Era sa talaidredre na Isireli ki na lewa i Jiova me ra kakua sara ni taura e dua na ka a lewai me vakarusai ka sai Ekani ga na luve i Kamai, na luve i Sapiti, na luve i Sira mai na mataqali i Juta na tamata ka taura eso na veiyaya oqo. A sa cudruvi ira sara vakalevu na Isireli o Jiova.

Josua 7:11

Sa talaidredre o ira na Isireli, ka ra sa vakacacana na noqu i veiyalayalati kei ira me vaka au a vakaroti ira me ra dina kina. Era sa tara eso na ka vakatabui sa lewai me vakarusai; era sa butako ka vosa lasu, ka biuta vata me nodra i yau.

Josua 7:21

Au sa raica ena i binibini ni toki ni valu e dua na kote balavu rairai vinaka ni Papiloni, e rua na kilokaramu na siliva, kei na dua na uma koula ka sivia na veimama ni kilokaramu na kena bibi. Au a domona sara vakalevu na veika kece oqori ka taura. Au sa vunia na ka kece ena loma ni qele ena loma ni noqu valelaca, ka koto sara e ra na siliva.”

1 Samuela 12:14

Ia ena basika na vinaka kevaka o ni na rerevaki Jiova ka qaravi koya, ka vakarorogo ki na nona vosa, ka sega ni talaidredre ki na nona i vakaro, oi kemuni kei koya talega na tui sa lewai kemuni.

1 Samuela 12:20

A qai vosa o Samuela vei ira na tamata, ka kaya, “Ni kakua ni rere, ni o ni sa cakava oti na ka oqo; ia ni kakua ga ni gole tani mai vei Jiova;