Josua 22:15 - Vakavakadewa Vou kei na iVola tale eso

¹⁵ Era sa lako yani vei ira na mataqali i Rupeni, Kata kei na veimama ni mataqali i Manasa ena vanua o Kiliati ka tukuna vei ira,

Ai Vola Tabu (Vakadewa Makawa Vakavoutaki 2021)

¹⁵ A ra sa lako yani kivei ira na Rupeni, kei ira na Kata, kei na yavusa-veimama i Manasa, ki na vanua ko Kiliati, ka ra sa kaya vei ira,

AI VOLA TABU

¹⁵ A ratou sa lako mai kivei ira na luve i Rupeni, kei na luve i Kata, kei na wase e dua ni yavusa i Manase, ki na vanua ko Kiliati, a ra sa vosa vei ira, ka kaya,

Vakavakadewa Makawa

¹⁵ A ra sa lako yani kivei ira na Rupeni, kei ira na Kata, kei na kena wase e dua ni mataqali i Manasa, ki na vanua ko Kiliati, a ra sa kaya vei ira,

Ai Vola Tabu Ena Vakavakadewa Vou

¹⁵ Era sa lako yani vei ira na mataqali i Rupeni, Kata kei na veimama ni mataqali i Manasa ena vanua o Kiliati ka tukuna vei ira,

Josua 22:15 Iomraidhean Croise

Iperiu 12:25

Ni qarauna vinaka mo ni kakua ni besetaka na vakarorogo ki vua sa vosa tiko vei kemuni. O ira vakayadua sa besetaka me ra vakarorogo ki vua sa vakadewataka na i tukutuku vakalou e vuravura era sa sega ni dro bula rawa. O ni sa nanuma li ni rawa mo ni dro bula kevaka o ni bese ni talairawarawa vua sa vosa vei kemuni mai lomalagi?

1 Korinica 5:4

Ena yaca ni Turaga o Jisu, mo ni soqoni vata, ka me tiko kei kemuni na yaloqu vata kei na kaukauwa ni noda Turaga o Jisu,

1 Korinica 1:10

Au sa vakamasuti kemuni na veiwekani ena yaca ni Turaga o Jisu Karisito, me duavata ga na ka o ni kaya me kakua kina na veisei ena kemuni maliwa; ia mo ni sa duavata sara ena vakasama kei na lewa.

Maciu 18:17

Ia, kevaka e bese ni rogoci iratou, tukuna ki na i soqosoqo ni lotu; ia kevaka e bese talega ni rogoci ira na i soqosoqo ni lotu, mo sa okata me vaka e dua na kai tani se dau kumuni i vakacavacava.

Aisea 63:10

Ia era sa dau saqati koya Ka vakararawataka na nona Yalo Tabu; A sa yaco kina me kedra meca o Jiova Ka sa veivala vata tale kei ira.

NA SAME 78:8

Me ra na kakua ni vakataki ira na nodra qase E dua na matatamata dauveisaqasaqa ka dautalaidredre, E sega ni dei na nodra vakabauta na Kalou Ka sega ni yalodina tikoga vua.

Esera 9:15

Kemuni Jiova, na Kalou ni Isireli, o ni sa rui yalododonu. Ia sai keimami oqo na vo-ni-bula, ni o ni sa ia ga na veivakabulai. Keimami sa kerea na nomuni veivosoti ena vuku ni neimami cala, ni sa sega sara ni kilikili kei keimami me keimami tu e matamuni.”

Esera 9:2

O ira na Jiu tagane era sa vakawatitaki ira na yalewa tani, ka sa vakavuna oqo me ra sa vakadukadukalitaki kina o ira na nona tamata vakatabui na Kalou. Era sa cakava vakalevu duadua na i tovo oqo o ira na veiliutaki kei ira na vakailesilesi.

2 Veigauna 28:13

a kaya vei ira, Mo ni kakua sara ni kauti ira mai ke na bobula, ena vuku ni o ni a nakita mo ni kauta mai vei keimami na cala vei Jiova, me kena i kuri ni noda i valavala ca kei na nodra caka cala, ka sa qai waqawaqa sara ga na cudru vei ira na Isireli.

2 Veigauna 26:18

me ra vorati koya. Era sa kaya vua na tui, I Usaia! E sega ni nomu i tavi oqo mo vakama na ka boi vinaka vei Jiova. O ira ga na bete mai na kawa i Eroni era sa lumuti ena cakacaka oqo. Biuta na vanua tabu oqo. O sa beca na Kalou o Jiova, ka sa muduki vei iko na nona veivakalougatataki.

2 Veigauna 25:27

Me vakatekivu mai na gauna a gole tani kina mai vei Jiova, era a buki kena vere mai Jerusalemi, ka dro o koya ki Lakisi. Ia era a qai muri koya ki Lakisi, ka vakamatei koya mai kea.

2 Veigauna 10:19

Era a talaidredre na Isireli ki na vuvale i Tevita na tui me yacova mai na siga oqo.

1 Veigauna 21:3

A sa kaya o Joape, “Me qai vakayadrautaka tale o Jiova na kedra i wiliwili na Isireli sa tiko rawa edaidai! Kemuni na noqu turaga na tui, era sa nomuni tamata vakaidina o ira oqo. A cava li o ni vinakata kina me vakayacori na ka oqo ka vakavuna me ra sa cala kina na matanitu taucoko o Isireli?”

1 Samuela 15:23

Ni sa tautauvata na ca ni talaidredre kei na qaravi tevoro, ka tautauvata na ca ni yalokaukauwa kei na qaravi kalou matakau. Me vaka ni o sa biuta tani vakatikitiki na vosa i Jiova, sa biuti iko tani vakatikitiki talega o Jiova mai na nomu i tutu vakatui.”

Josua 22:18

O ni sa gole tani li mai vei Jiova? Kevaka o ni vakauyalomuni ka vorati Jiova edaidai, ena cudruvi keda taucoko na lewenivanua e Isireli ni mataka.

Josua 22:12

Ia, ni ra rogoca na i tukutuku o ya o ira na vo ni luve i Isireli, era sa lako taucoko yani ki Sailo, me ra la'ki valuti iratou na mataqali ena tai tokalau ni Joritani.

Vakarua 30:17

Ia kevaka o ni talaidredre, ka sega ni via vakarorogo, ka o ni gole yani mo ni cuva ka qarava na veikalou tani,

Vakarua 7:4

de ra na vagolei ira tani na luvemuni mai vei Jiova ka qarava na veikalou tani. Ena qai cudruvi kemuni o Jiova ka vakarusai kemuni vakasauri.

Tiko mai na Lekutu 32:15

Ia kevaka o ni vuki tani mo ni kakua ni muri koya, ena laivi kemuni talega o koya ena vanua lala; ia oi kemuni ga, o ni na vakawabokotaki ira kece na kawa tamata oqo.

Tiko mai na Lekutu 14:43

Ena gauna sa sotavi kemuni kina mai kea o ira na Amalekaiti kei ira na kai Kenani, o ni na mate ena i valu; sa sega ni tiko vata kei kemuni o Jiova baleta ni o ni sa sega ni via muri koya.”

Tiko mai na Lekutu 5:6

“Mo kaya vei ira na Isireli, kevaka e dua na tamata sa caka cala vei Jiova se ki vua e dua tale na tamata,

Vunau ni Soro 26:40

Ia era na vakatusa na nodra i valavala ca kei na nodra caka cala na nodra qase, o ira oqo sa saqati au ka vakanadakui au,

Vunau ni Soro 5:19

Oqo na i madrali ni veisausaumi ena vuku ni i valavala ca sa vakayacori vei Jiova.

Lako Yani 32:8

Era sa gole tani vakasauri mai na sala au a vakarota vei ira me ra muria: era sa bulia e dua na luve ni bulumakau ka caka ena koula sa vakawaicalataki ka cuva kina, ka vakacaboisoro talega kina. Era sa tukuna tiko ni sai koya oqo na nodra kalou ka kauti ira tani mai Ijipita.

Josua 22:14

era sa salavata kaya e lewe tini na turaga ni mataqali, mai na yavusa i Isireli.

Josua 22:16

“Sa vosa vakaoqo na matatamata taucoko i Jiova, ‘A cava o ni sa cakava kina na ka ca oqo, mo ni vorata na Kalou ni Isireli? O ni sa vakauyalomuni ka vorati Jiova ni o ni sa tara na i cabocabonisoro oqo me nomuni! O ni sa sega ni muria na nona vosa.