Josua 21:44 - Vakavakadewa Vou kei na iVola tale eso

⁴⁴ Sa qai solia vei ira o Jiova na sautu ena vanua taucoko me vaka sara ga a yalataka vei ira na nodra qase. A sa sega sara ni dua vei ira na nodra meca me a kaukauwa cake me vorati ira, baleta ni a solia vei ira na Isireli o Jiova me ra kaukauwa vei ira kece na nodra meca.

Ai Vola Tabu (Vakadewa Makawa Vakavoutaki 2021)

⁴⁴ A sa vakacegui ira ko Jiova, e na yasana kecega, me vaka na ka kecega ka bubului kina vei ira na nodra qase; a sa sega ni dua na tamata vei ira kecega na nodra meca me vorati ira rawa; sa solia na nodra meca kecega ki na ligadra ko Jiova.

AI VOLA TABU

⁴⁴ A sa vakacegu-taki ira ko Jiova, e na yasana kece, me vaka na ka kecega ka vosavavakini kina vei ira na nodra qase; a sa sega ni dua na tamata vei ira kecega na nodra meca me tu rawa e matadra; sa solia na nodra meca kecega ki na ligadra ko Jiova.

Vakavakadewa Makawa

⁴⁴ A sa vakacegui ira ko Jiova, e na yasana kecega, me vaka na ka kecega ka bubului kina vei ira na nodra qase; a sa sega ni dua na tamata vei ira kecega na nodra meca me vorati ira rawa; sa solia na nodra meca kecega ki na ligadra ko Jiova.

Ai Vola Tabu Ena Vakavakadewa Vou

⁴⁴ Sa qai solia vei ira ko Jiova na sautu ena vanua taucoko me vaka sara ga a yalataka vei ira na nodra qase. A sa sega sara ni dua vei ira na nodra meca me a kaukauwa cake me vorati ira, baleta ni a solia vei ira na Isireli ko Jiova me ra kaukauwa vei ira kece na nodra meca.

Josua 21:44 Iomraidhean Croise

2 Veigauna 13:16

Era sa qai dro na Isireli e matadra na Juta, ka sa soli ira yani na Kalou ki ligadra.

Lako Yani 23:31

Au na yalana na nomuni yalayala ni vanua mai na Wasa Damudamu ka yaco ki na nodra wasawasa na kai Filisitia, mai na veikau bula ki na uciwai na Uferetisi, ia ka'u na soli ira na lewenivanua oqo vei kemuni ka o ni na vakasavi ira mai na matamuni.

Lako Yani 33:14

A sa qai kaya o Jiova, “Au na lako vata kei iko, ka'u na solia vei iko na vakacegu.”

Aisea 63:14

Me vaka na bulumakau era kau yani ki na dua na buca bulabula Sa solia vakakina na vakacegu o Jiova vei ira na nona tamata.

Vakarua 2:36

A solia vei keda o Jiova na noda Kalou na koro kecega me tekivu mai Aroeri, ena bati ni bucabuca o Arinoni ka vakakina na veikoro kecega ena loma ni buca o ya me yaco sara ki Kiliati. A sega sara ni bau dua na bainikoro me cecere vei keda.

Vakarua 21:10

“Ena gauna sa solia kina vei kemuni o Jiova na qaqa ena i valu ka ra sa kau mai vakavesu o ira na meca,

Iperiu 4:9

Ia oqo, sa tikoga vei ira na tamata ni Kalou na vakacegu ka sa vaka na nona vakacegu na Kalou ena i kavitu ni siga.

Josua 1:13

“Mo ni nanuma na vosa ka vakaroti kemuni kina na tamata ni Kalou o Mosese: ‘O Jiova na nomuni Kalou sa solia vei kemuni na vakacegu kei na vanua oqo, mo ni vakaitikotiko kina.’

Josua 1:15

me yacova sara ni ra sa taukena na vanua ena tai kadua ni Joritani, na vanua sa solia o Jiova na nomuni Kalou. Ni sa solia vei ira kecega na veimataqali i Isireli o Jiova me ra tiko vinaka ka vakacegu mai na i valu, mo ni qai lesu tale mai ki na tai oqo ni Joritani na vanua ka solia vei kemuni o Mosese na tamata ni Kalou.”

Josua 1:5

I Josua, ena sega ni rawa vua e dua me vakadrukai iko ena veisiga kecega o bula kina. Au na tiko ga kei iko me vaka au a dau tiko kei Mosese ka'u na sega ni laivi iko.

Josua 11:12

A sa vakamalumalumutaka na veikoro kece oqo kei na nodra tui, o Josua, ka vakamatei ira kece na lewena me vaka sa vakarota o Mosese na tamata ni Kalou.

Josua 11:23

A sa vakamalumalumutaka na vanua taucoko o Josua, me vaka sa vakaroti Mosese kina o Jiova. Sa qai solia o Josua na veivanua kece oqori vei ira na Isireli me ra taukena ka wasewasea ki na nodra veimataqali yadua. Era sa qai vakacegu na tamata ni sa mudu na i valu.

Josua 11:8

A sa solia o Jiova me ra qaqa na Isireli; era sa ravuravu na Isireli ka vakasavi ira yani vaka ki na vualiku me yaco sara yani ki Sitoni Levu kei Misirefoci-meimi, ka yaco sara ki na buca o Misipa ena tokalau. Era sa vala tiko me yacova sara ni sa sega tale ni dua na meca e vo.

Josua 2:24

ka tukuna, “Sa dei na yalo i keirau ni sa solia vei keda o Jiova na vanua taucoko. Era sa domobulataki keda o ira kecega na tamata.

Josua 22:4

Ia oqo, me vaka na nona vosa ni yalayala, a sa solia vei ira na wekamuni na Isireli o Jiova na nomuni Kalou, na sautu. Mo ni lesu tale ki na nomuni vuvale ena vanua o ni taura me nomuni, o ya na vanua ena tai tokalau ni Joritani, ka solia vei kemuni o Mosese na tamata ni Kalou.

Josua 22:9

Era sa qai lesu tale ki na nodra dui vanua o ira na mataqali i Rupeni, na mataqali i Kata kei na dua na veimama ni mataqali i Manasa. Era sa veitalatala kei ira na vo ni lewe i Isireli mai Sailo ena vanua o Kenani, me ra lako yani ki na nodra vanua, o ya na vanua o Kiliati, era a taukena me vaka sa vakaroti ira kina o Jiova ena gusu i Mosese.

Josua 23:1

Ni oti e dua na gauna balavu, a solia o Jiova me ra vakacegu mada kina na Isireli mai vei ira na kedra meca era tu vakavolivoliti ira, ka sa qase sara mai o Josua,