Josua 21:43 - Vakavakadewa Vou kei na iVola tale eso

⁴³ A sa solia vakaoqo o Jiova na vanua taucoko vei ira na Isireli me vaka sa yalataka vei ira na nodra qase ni na solia me nodra. Ia ni ra sa taukena, era a lako yani ka vakaitikotiko kina.

Ai Vola Tabu (Vakadewa Makawa Vakavoutaki 2021)

⁴³ Sa solia vakaoqo vei ira na Isireli ko Jiova na vanua kece ka bubului kina ko koya me solia vei ira na nodra qase; a ra sa taukena, ka tiko kina.

AI VOLA TABU

⁴³ A SA solia vei ira na Isireli ko Jiova na vanua kece ka vosavavakini kina ko koya me solia vei ira na nodra qase; a ra sa taukena, ka tiko kina.

Vakavakadewa Makawa

⁴³ Sa solia vakaoqo vei ira na Isireli ko Jiova na vanua kece ka bubului kina ko koya me solia vei ira na nodra qase; a ra sa taukena, ka tiko kina.

Ai Vola Tabu Ena Vakavakadewa Vou

⁴³ A sa solia vakaoqo ko Jiova na vanua taucoko vei ira na Isireli me vaka sa yalataka vei ira na nodra qase ni na solia me nodra. Ia ni ra sa taukena, era a lako yani ka vakaitikotiko kina.

Josua 21:43 Iomraidhean Croise

Vakatekivu 12:7

A sa rairai tale vei Eparama o Jiova, ka kaya vua, “Sai koya oqo na vanua ka'u na solia vua na nomu kawa.” A sa mani tara kina e kea o Eparama e dua na i cabocabonisoro vei Jiova, o koya sa rairai vua.

Vakatekivu 13:15

Au na solia na vanua kecega o sa raica kivei iko kei ira na nomu kawa, ka me nomu vakadua.

Vakatekivu 28:4

Me solia vei iko na Kalou o Jiova na veivakalougatataki me vaka sa solia vei Epara-ama, ka mo taukena talega na vanua o sa tiko kina oqo, na vanua sa solia na Kalou vei Epara-ama.”

2 Veigauna 20:8

Era a tiko kina, ka tara kina e dua na vale tabu me nomuni, ena vuku ni yacamuni, ni ra kaya,

Niemaia 9:24

Era a qai lako yani na nodra kawa ka taura na vanua me nodra, o ya ni o ni a vakamalumalumutaki ira taumada na i taukei ni vanua - o ya o ira na kai Kenani, o ira o ni a soli ira sara ga ki ligadra, vata kei ira na nodra tui kei ira na lewe ni vanua, ka me ra vakayagataki ira me vaka ga na ka era vinakata.

Niemaia 9:8

O ni a raica na lomana ni a dina e matamuni, ka cakava e dua na veiyalayalati vata kei koya. O ni a yalataka mo ni solia vua na nodra vanua na kai Kenani, na nodra vanua na Itaiti kei na Amoraiti, na nodra vanua na Perisaiti, na Jepusaiti, kei na Kirikasaiti, me yaco me dua na vanua me ra bula kina na nona kawa. O ni a dinata na nomuni vosa ni yalayala, ni kemuni sa yalododonu.

NA SAME 105:8

Ena maroroya o koya na nona veiyalayalati ka sega ni mudu, Kei na nona vosa ni yalayala me yacova e udolu na veitabatamata;

NA SAME 44:3

Era a sega ni rawata na vanua na nomuni tamata ena nodra i seleiwau; Ka ra sega ni qaqa ena nodra kaukauwa ga; Ia, ena nomuni kaukauwa ga kei na nomuni qaqa, Ena vakadeitaka ni o ni sa tu voleka, Ka sa vakaraitaka oqo na nomuni lomani ira.

NA SAME 78:55

A sa qai vakasavi ira yani na kena i taukei ni ra sa toso mai na nona tamata; Sa wasea o koya na vanua vei ira na veimataqali ni Isireli, Ka laiva me ra tiko e kea ena nodra valelaca.

Lako Yani 3:8

ka'u sa lako sobu mai kina me'u sereki ira mai vei ira na kai Ijipita, ka me'u kauti ira tani mai Ijipita ki na dua na vanua sa levu ka sautu, na vanua sa dave kina na sucu kei na oni, ki na nodra vanua na kai Kenani, na Itaiti, na Amoraiti, na Perisaiti, na Avaiti, kei na Jepusaiti.

Jeremaia 32:23

Ia ni ra sa lako mai ki na vanua oqo ka ra mani taukena, era sa sega ni muria na nomuni vakaro se talairawarawa ki na nomuni vakavuvuli; era sa sega ni vakayacora e dua na ka o ni sa vakarota me ra cakava. O koya oqo o ni sa kauta mai kina na veivakarusai kece oqo vei ira.

Tiko mai na Lekutu 33:53

ia mo ni taukena na vanua o ya, ka vakaitikotiko kina, ni'u sa solia vei kemuni na vanua o ya mo ni taukena.

Tiko mai na Lekutu 34:2

Mo vakaroti ira na Isireli, ka kaya vei ira, Ni o ni sa curuma na vanua o Kenani (Oqo na vanua mo ni taukena, na vanua taucoko o Kenani me yacova yani na kena i yalayala,)

Vakarua 11:31

O ni sa vakarau takosova na uciwai na Joritani ka la'ki tawana na vanua sa solia vei kemuni o Jiova na nomuni Kalou. Ia ni o ni sa taukena ka tiko kina,

Vakarua 12:29

O Jiova na nomuni Kalou ena vakarusa na veimatanitu ena gauna o ni curuma kina vakaukauwa na nodra vanua, ka o ni na tawana ka vakaitikotiko kina.

Vakarua 17:14

Ena gauna o ni na la'ki tawana kina ka taukena na vanua ena solia vei kemuni o Jiova na nomuni Kalou o ni na qai vinakata me dua na nomuni tui me vakataki ira na veimatanitu era wavoliti kemuni.

Vakarua 34:4

A qai kaya o Jiova vei Mosese, “Sai koya oqo na vanua au a yalataka vei Epara-ama, kei Aisake, kei Jekope me'u solia vei ira na nodratou kawa. Au sa na solia wale ga mo raica, ia o na sega ga ni lako takoso mo yaco kina.”

Josua 1:6

Mo kaukauwa ka qaqa, ka la'ki taukena na vanua au a yalataka me'u solia vei ira na nodra qase.

Josua 21:42

Na veikoro yadua oqo a dui tu na kena vanua veico.

Dauveilewai 11:24

E sega li ni ganita mo taukena ga na vanua sa solia vei iko o Kimosi na nomu kalou mo taukena? E sega li ni ganita me keimami taukena na veika kece sara sa rawata o Jiova na neimami Kalou me baleti keimami?

1 Samuela 12:8

Ena gauna sa lako kina ki Ijipita o Jekope ka ra vakararawataki mai vei ira na kai Ijipita, era a qai tagi vei Jiova o ira na nomuni qase ka qai talai Mosese kei Eroni kina o Jiova me rau la'ki kauti ira tani mai Ijipita, ka mai vakatikori ira ena vanua oqo.