Josua 2:9 - Vakavakadewa Vou kei na iVola tale eso

⁹ ka tukuna vei rau, “Au kila ni sa solia vei kemuni o Jiova na vanua oqo. Era sa domobulataki kemuni o ira kece na lewenivanua oqo.

Ai Vola Tabu (Vakadewa Makawa Vakavoutaki 2021)

⁹ A sa kaya vei rau na tamata, “Au sa kila sa solia vei kemuni na vanua oqo ko Jiova, ka sa kani keimami na rere levu e na vukumuni, ka sa waicala kecega na lewe-ni-vanua e na vukumuni.

AI VOLA TABU

⁹ a sa kaya vei rau na tamata, Au sa kila ni sa solia vei kemudou na vanua o qo ko Jiova, ka sa lutu vei keimami na rere levu e na vukumudou, a sa waicala kecega na lewe ni vanua e na vukumudou:

Vakavakadewa Makawa

⁹ A sa kaya vei rau na tamata, Au sa kila sa solia vei kemuni na vanua oqo ko Jiova, ka sa kani keimami na rere levu e na vukumuni, ka sa waicala kecega na lewe ni vanua e na vukumuni:

Ai Vola Tabu Ena Vakavakadewa Vou

⁹ ka tukuna vei rau, “Au kila ni sa solia vei kemuni ko Jiova na vanua oqo. Era sa domobulataki kemuni o ira kece na lewenivanua oqo.

Josua 2:9 Iomraidhean Croise

Vakatekivu 35:5

Ena gauna era sa lako yani kina, a sa qai yacovi ira na veikorokoro sa voliti ira na rere, ka ra mani sega kina ni vakasavi ira.

2 Samuela 17:10

O ya era na rawa ni datuvu kina o ira na tamata yalo qaqa ka vaka tu na yalo ni laione na yalodra; ni ra sa kila o ira kecega na Isireli ni tamata qaqa o tamamu, ka ra tamata qaqa talega o ira era tu vata.

2 Tui 5:15

A sa qai lesu tale o Nemani vua na tamata ni Kalou kei ira kece na nona tamata, a la'ki tucake tu e matana, ka kaya, “Raica, au sa qai kila tu oqo ni sa sega ni dua tale na Kalou e vuravura taucoko, io, e Isireli duadua ga; ia oqo, mo taura mada e dua na i loloma mai vei au na nomuni tamata.”

2 Tui 7:6

Ni vakarogoya vei ira na mataivalu ni Siria o Jiova na rorogo ni domo ni qiqinivalu, kei na rorogo ni ose, io sa vaka na rorogo ni dua na mataivalu levu, ka ra veikayaka kina vakataki ira, Raica, sa saumi iratou mai na nodra tui na Itaiti, kei rau na nodra tui na kai Ijipita, o koya na tui Isireli, me ra valuti keda.

Niemaia 6:16

Ia ni sa rogo yani na ka oqo vei ira na keimami meca, era sa rere kecega na veimatanitu era tu vakavolivoliti keimami. Era a qoroqoro talega ni ra a raica sa caka oti rawa na cakacaka levu oqo ena nona veivuke na neimami Kalou.

Esiteri 8:17

Era a mamarau na Jiu ena veiyasana kei na veikoro lelevu kecega ni a la'ki kacivaki kina na i vakaro o ya, ka ra a vakacegu mai na nodra cakacaka ka ia na kena kana magiti. Ia me vaka ni a rui levu na nodra rerevaki ira na Jiu na lewe ni vanua, a mani lewe levu vei ira era tavuki me ra sa wili vaka-Jiu.

Jope 19:25

Ia au kila ni sa bula tiko na noqu i Vakabula, Ka na qai lako mai ena i vakataotioti me taqomaki au.

NA SAME 112:10

Ena raica na ka oqo na tamata ca ka na cudru kina, Ena kati bati, ka na takali yani, Na ka era gadreva na tamata ca ena sega ni yaco.

NA SAME 115:16

Sa nei Jiova taudua ga na lomalagi Ia, sa solia na vuravura vei ira na tamata.

Lako Yani 18:11

Ia oqo, au sa qai kila, ni sa cecere duadua ga o Jiova vei ira na kalou kecega, baleta ni sa kauti ira tani mai Ijipita na Isireli ni ra a vakabobulataki ira.

Lako Yani 23:27

“Na kequ i rogorogo rerevaki ena liu vei kemuni, ia ka'u na vakasesei ira era sa lako mai me ra valuti kemuni, ka'u na vakavuna me ra vuki ka dro tani e matamuni o ira na kemuni meca.

Dauvunau 8:12

E dua na tamata ca sa cakava e 100 na ka ca, ia e sa bula tikoga. Au sa kila ni sa waraki ira era rerevaka na Kalou na marau,

Aisea 19:1

Oqo e dua na i tukutuku me baleti Ijipita. Sa lako mai o Jiova ki Ijipita, Ka sa vodo mai ena dua na o totolo sara. Era sa sautaninini na matakau ni Ijipita e matana, Ka ra sa rere sara na kena tamata.

Aisea 23:5

Era na kurabui ka veilecayaki na kai Ijipita, Ena rusa sa yacovi Taia.

Jeremaia 27:5

Oi au, ka'u a bulia na vuravura, na tamata, na manumanu kece era tu ena dela i vuravura ena noqu kaukauwa levu kei na ligaqu sa dodo tu; ka'u na rawa ni solia vei koya ga au sa digitaka.

Neumi 2:10

Sa rusa, sa laladidi, sa vakaloloma o Ninive! Sa waicala na yalo ena rere vakaitamera; Sa sautaninini na durudra, Sa takali na nodra kaukauwa; Sa vulaci na matadra kecega.

Tiko mai na Lekutu 20:14

A sa tala eso na i talai o Mosese mai Katesi me ra lako vei tui Itomi, ka kaya vua, “Era sa vosa vakaoqo na wekamu na Isireli: o ni sa kila na veileqa kecega sa yacovi keimami:

Tiko mai na Lekutu 20:24

“Sa na toki yani o Eroni vei ira na nona qase; ni sa na sega ni curu o koya ki na vanua ka'u a solia vei ira na Isireli, ena vuku ni nomudrau talaidredre ki na noqu vosa mai na wai o Meripa.

Maciu 20:15

E sega li ni tu vei au na dodonu me'u lewa ga se cava au cakava ki na ka e noqu? Se o sa vuvu ga baleta ni'u sa rui lomasoli?’

Vakarua 11:25

Ena sega sara ni dua me na tarovi kemuni rawa. O Jiova na nomuni Kalou ena vakavuna me ra rerevaki kemuni o ira na tamata ena yasana kecega o ni lako kina ena vanua o ya, me vaka sa yalataka.

Vakarua 2:25

Me tekivu edaidai ka lako yani, au na vakavuna me ra domobula ka rerevaki kemuni na tamata kece ena ruku i lomalagi. Era na sautaninini ena rere ka kani yatedra ni ra rogoca na kemuni i tukutuku.”

Vakarua 28:10

Era na qai raica na veimatatamata kecega e vuravura ni sa digitaki kemuni o Jiova mo ni nona tamata digitaki, era na qai rerevaki kemuni.

Vakarua 32:8

O Koya sa Cecere Sara sa solia ki na veimatanitu na nodra vanua, ka sa lewa na i yalayala ni vanua me tawani me vaka na i wiliwili ni luve i Isireli.

Iperiu 11:31

E na vuku ni vakabauta sa taqomaki kina o Reapi na yalewa dautagane, me kakua ni vakamatei vata kei ira era sa talaidredre vua na Kalou, ni a maroroi rau na yamata.

Josua 2:11

Ia ni keimami a rogoca, sa tarai keimami na rere; ka sa duatani na neimami taqaya ena vukumuni. O Jiova na nomuni Kalou sa Kalou ni lomalagi e cake kei na vuravura talega e ra.

Josua 2:24

ka tukuna, “Sa dei na yalo i keirau ni sa solia vei keda o Jiova na vanua taucoko. Era sa domobulataki keda o ira kecega na tamata.

Josua 2:8

Ni bera ga ni rau davo sobu ka moce na yamata ni Isireli, a lako cake yani o Reapi,

Josua 5:1

Era sa rogoca o ira kece na nodra tui na Amoraiti ena ra ni Joritani kei ira kece na nodra tui na kai Kenani ena baravi ni Wasa Meditereni ni sa vakadiva o Jiova na wai ni Joritani me yacova ni ra takoso taucoko na Isireli. Era a rere sara kina vakalevu, ka yali na nodra yalo dei ena vukudra na Isireli.

Josua 6:2

Sa qai tukuna vei Josua o Jiova, “Mo rogoca mada oqo. Au sa soli Jeriko vei iko vata kei na kena tui kei ira na kena mata i valu qaqa.

Josua 9:10

kei na veika e sa vakayacora vei rau na nodra tui na Amoraiti ena tokalau ni Joritani: vei Sioni na tui Esiponi ka vakakina vei Oki na tui Pasani ka tiko mai Asitoreci.

Josua 9:24

Era sa qai tukuna vei Josua, “Keimami a cakava saka oqo baleta ni keimami sa rogoca ni dina na i rogorogo ni a vakarota o Jiova na nona tamata o Mosese me solia vei kemuni na vanua taucoko oqo, ka me vakamatei ira kece sara na veimataqali tamata era vakaitikotiko kina, ni o ni toso tiko mai. Keimami sa vakayacora ga oqo me baleta ni keimami sa rerevaki kemuni vakalevu; ka taqayataka na neimami bula.

Josua 9:9

E ratou sa qai vakamacala vua ka tukuna vakaoqo: “Keitou lako saka mai ena dua na vanua yawa ni keitou rogoca na i rogorogo me baleti Jiova na nomuni Kalou. Keitou sa rogoca na i tukutuku ni veika kece e sa vakayacora mai Ijipita,

Dauveilewai 7:14

Era sa sauma na nona i lawalawa ka kaya, “Oqori sa sega tale ni dua na kena i balebale, o Kitione ga na luve i Joasa kei na nona i seleiwau, na qaqa ni Isireli ka ni sa tiko kei koya na nona Kalou ena soli ira na kai Mitiani kei na kena i mataivalu ki na ligana.”