Josua 2:5 - Vakavakadewa Vou kei na iVola tale eso

⁵ E rau sa lako oti eke, ni sa karobo sobu na vanua, donuya na gauna sa dau sogo kina na matamata levu ni koro. Sega ga ni macala vei au na yasana e rau gole kina. Ni cici muri rau. Kevaka o ni vakatotolo e rawa ni o ni toboki rau.”

Ai Vola Tabu (Vakadewa Makawa Vakavoutaki 2021)

⁵ Ni sa vakarau me sogo na matamata-ni-koro, ni sa butobuto mai, sa rau lako yani na tamata, ka'u sa sega ni kila se rau sa lako kivei na tamata. Ia dou cici muri rau vakusakusa, ka dou na vesuki rau.”

AI VOLA TABU

⁵ ia ni sa vakarau me sogoti na matamata-ni-koro, ni sa butobuto mai, sa rau lakani na tamata, au sa sega ni kila se rau lako kivei na tamata: dou vakasavi rau kusakusa, ni dou na vauci rau.

Vakavakadewa Makawa

⁵ ia ni sa vakarau me sogo na matamata-ni-koro, ni sa butobuto mai, sa rau lako yani na tamata, au sa sega ni kila se rau lako kivei na tamata: ia dou cici muri rau vakusakusa, ka dou na vauci rau.

Ai Vola Tabu Ena Vakavakadewa Vou

⁵ E rau sa lako oti eke, ni sa karobo sobu na vanua, donuya na gauna sa dau sogo kina na matamata levu ni koro. Sega ga ni macala vei au na yasana e rau gole kina. Ni cici muri rau. Kevaka o ni vakatotolo e rawa ni o ni toboki rau.”

Josua 2:5 Iomraidhean Croise

Niemaia 13:19

Au a qai vakarota me ra dau sogosogo na katuba ni veimatamata kei Jerusalemi ni sa roro mai na buto ena veimatamata ni koro ena veiyakavi ni Siga ni Vakacecegu ka me ra kakua sara ni dola me yacova ni sa oti na Siga ni Vakacecegu. Au a mani veibiuyaki ira sara ga na noqu dauveiqaravi me ra yadrava na veimatamata, ka me kakua sara ni dua na i usana me curutaki mai ki loma ena Siga ni Vakacecegu.

Aisea 60:11

Ena dola tu ga na nomu matamata ena siga kei na bogi, Me ra kauta mai kina vei iko na tui ni veimatanitu na nodra i yau.

Jeremaia 50:20

Ni na yaco mai na gauna o ya, ena sega ni dua na i valavala ca ena kune e Isireli ka sega na i tovo ca e Juta, baleta ni'u sa na vosoti ira kece na vo-ni-bula ka'u a laivi ira me ra bula tiko. Sa kaya ga oqo o Jiova.”

Isikeli 47:12

Ia era na tubu ena bati ni uciwai ruarua na veimataqali kau me laukana. Ena sega ni malai na drauna, se me vuavuai ca; era na sobi tikoga na vuadra ena veivula, ni sa vure na wai ni uciwai mai na tikina tabu. Era na laukana na vuanikau, ia na drauna ena wai ni veivakabulai.”

Josua 2:4

Ia o Reapi ni sa vunitaki rau oti, sa tukuna, “Io! E lewe rua na tagane, e rau sa lako mai vei au, ia au sega ga ni kila se rau lako mai vei.

Josua 2:6

(Oi rau na yamata ni Isireli, e rau a tiko ga ena delavuvu ni vale, ena vanua ga sa vunitaki rau kina o Reapi)

Josua 2:7

Era sa qai biuta na koro o ira na tamata ni tui, ka sa sogo sara na matamata levu. Era sa vakasaqaqara me yaco sara yani ki na bati ni uciwai na Joritani.

Vakatakila 21:25

E na sega ni sogo ena siga na kena matamata, ka sa na sega talega na bogi e kea.

1 Samuela 19:14

Ia ni ratou yaco yani na tamata i Saula me ratou kauti Tevita, a qai kaya vei iratou o Mikali, “Sa tauvi mate o koya.”