Josua 2:14 - Vakavakadewa Vou kei na iVola tale eso

¹⁴ E rau sa qai tukuna na yamata, “Keirau bolea me keirau mate ena vukumudou! Kevaka o na sega ni tukuna vua e dua na veika keirau sa mai vakacakava, keirau yalataka ni keimami na caka vinaka vei iko ena gauna sa solia kina vei keimami na vanua oqo o Jiova.”

Ai Vola Tabu (Vakadewa Makawa Vakavoutaki 2021)

¹⁴ A rau sa kaya vua koi rau na tamata, “Na neirau bula mei sosomi ni nomudou bula me yacova na mate! Kevaka ko na sega ni tukuna na veika keirau mai kitaka oqo, ia ni sa solia ko Jiova na vanua oqo vei keimami, keirau na caka loloma e na yalodina kivei iko.”

AI VOLA TABU

¹⁴ A sa kaya vua koi rau na tamata, Keirau na mate mada e na vukumudou, kevaka dou na sega ni tukuna na neirau ka o qo: ia ni sa solia ko Jiova na vanua o qo vei keimami, keimami na lomani iko, ka cakava na ka dina vei iko.

Vakavakadewa Makawa

¹⁴ A rau sa kaya vua koi rau na tamata, Keirau na mate me kenai sau ni nomudou mate, kevaka dou na sega ni tukuna na neirau tiko oqo: ia ni sa solia ko Jiova na vanua oqo vei keimami, keimami na lomani iko, ka cakava na ka dina vei iko.

Ai Vola Tabu Ena Vakavakadewa Vou

¹⁴ E rau sa qai tukuna na yamata, “Keirau bolea me keirau mate ena vukumudou! Kevaka o na sega ni tukuna vua e dua na veika keirau sa mai vakacakava, keirau yalataka ni keimami na caka vinaka vei iko ena gauna sa solia kina vei keimami na vanua oqo ko Jiova.”

Josua 2:14 Iomraidhean Croise

Vakatekivu 24:49

Ia kevaka o dou nanuma mo dou vakayacora me vaka na kena i valavala vua na noqu turaga, mo dou yalovinaka ka tukuna vei au; ia kevaka e sega, dou tukuna talega, me'u na qai lewa na ka au cakava.”

Vakatekivu 47:29

Ia ni sa voleka mai na gauna ni nona mate, sa qai kacivi Iosefo mai na luvena ka kaya vua, “Kevaka o sa lomani au, mo biuta na ligamu ena ruku ni sagaqu, ka cavuta na nomu vosa ni bubului ni o na sega ni buluti au e Ijipita.

2 Samuela 2:5

a sa qai tala o Tevita eso na nona tamata vei ira na kai Jepesi mai Kiliati, ka kaya vei ira, “Me vakalougatataki kemudou o Jiova ni dou sa vakaraitaka na nomudou yalodina vei Saula na nomudou turaga, ni dou sa buluti koya.

2 Samuela 2:6

Ia oqo me qai vakaraitaka o Jiova vei kemudou na nona loloma tudei kei na nona yalodina. Oi au talega ka'u na caka vinaka vei kemudou ena vuku ni ka oqo.

2 Samuela 9:1

A sa kaya o Tevita, “Sa vo tiko li e dua mai na vuvale i Saula me'u caka vinaka vua ena vuku i Jonacani se sega?”

1 Tui 20:39

Ia ni lako siviti koya na tui, a sa kacivaka yani vua na parofita, “Kemuni na tui, au a valu tiko ena loma ni veivaluvaluti ka qai kauta mai na sotia e dua na meca sa vesu tu, ka kaya vei au, ‘Mo raici koya tiko na tamata oqo; ia kevaka ena mani dro, o na mate o iko me kena i sau, se mo sauma e 3,000 na tiki ni siliva.’

Vosavakaibalebale 14:22

Kevaka o sa daucakava na veika vinaka, era na vakadinati iko ka dokai iko na tamata; ia kevaka o sa daucakava na veika ca, sa qai dua sara na cala levu o sa kitaka.

Vosavakaibalebale 18:24

Eso na veitokani se veitau era dau sega soti sara ni dede, ia eso na i tokani era sa yalodina cake mai vei ira na mataveitacini.

Maciu 5:7

“Sa kalougata o ira era dauloloma; Ni ra na lomani.

Cakacaka 23:22

Sa qai kaya na turaganivalu vua na cauravou lailai, “Kakua ni tukuna tale vua e dua ni o sa mai tukutuku oti vei au.” Oti o ya sa mani mai vakatala sara yani.

Josua 2:13

ni na maroroi na bula nei tamaqu kei tinaqu, nei ganequ, taciqu kei na dui wekadratou! Me kakua sara ni keitou vakamatei!”

Josua 2:15

Sa qai tukuci rau sobu mai katubaleka ena dua na dali, ka ni vale nei Reapi e toka e yasa ni lalaga ni bainikoro.

Josua 6:17

Me vakarusai vakadua na koro oqo kei na veika kecega sa tu kina me i soro vei Jiova. Ia me vakabulai wale ga na yalewa dautagane o Reapi kei ira na wekana, baleta ni a vunitaki rau na noda yamata.

Josua 6:22

A sa tukuna o Josua vei rau na tamata ka talai me yamata, “Drau lako ki na nona vale na yalewa dautagane, ka kauti koya mai kei ira na lewe ni nona vuvale, me vaka drau a yalataka vua,”

Josua 6:25

A sa vakabulai Reapi kei ira na wekana o Josua, ka ni a vunitaki rau na talai me rau la'ki yamata ki Jeriko. A bula maliwai ira na Isireli o Reapi me yacova na siga oqo.

1 Samuela 20:8

Ia ni vaka tu oqo, mo caka vinaka vei au na nomu tamata; ka me dei tu ga na veiyalayalati o a vakayacora vei au ena yaca i Jiova. Ia kevaka sa tu vei au e dua na cala, mo vakamatei au ga o iko. Me cava na betena mo kauti au kina vei tamamu?”