Josua 18:12 - Vakavakadewa Vou kei na iVola tale eso

¹² Na kena i yalayala ena vualiku e tekivu ena uciwai na Joritani, ka ciciva cake na baba ena vualiku kei Jeriko, ka gole vaka ki na ra me basika ki na vanua veidelana me yaco sara ki na vanua lala o Peciaveni.

Ai Vola Tabu (Vakadewa Makawa Vakavoutaki 2021)

¹² Ia na nodra i yalayala e na yasana ki na vualiku sa tekivu mai na Joritani; a sa lako cake nai yalayala ki na yasa i Jeriko sa donuya na vualiku, a sa lako cake e na vanua veiulunivanua vaka ki na ra; ia sa kenai mudumudu na vanua lala mai Peci-aveni.

AI VOLA TABU

¹² Ia na nodrai yalayala e na yasana ki na tokalau sa tekivu mai na Joritani; a sa lako cake nai yalayala ki na yasa i Jeriko sa donuya na tokalau, a sa lako cake e na veiulu-ni-vanua vaka ki ra; ia sa kenai mudumudu na lekutu mai Peci-aveni.

Vakavakadewa Makawa

¹² Ia na nodra i yalayala e na yasana ki na tokalau sa tekivu mai na Joritani; a sa lako cake nai yalayala ki na yasa i Jeriko sa donuya na tokalau, a sa lako cake e na veiulu-ni-vanua vaka ki ra; ia sa kenai mudumudu na lekutu mai Peciaveni.

Ai Vola Tabu Ena Vakavakadewa Vou

¹² Na kena i yalayala ena vualiku e tekivu ena uciwai na Joritani, ka ciciva cake na baba ena vualiku kei Jeriko, ka gole vaka ki na ra me basika ki na vanua veidelana me yaco sara ki na vanua lala o Peciaveni.

Josua 18:12 Iomraidhean Croise

Osea 10:5

Era na rere ka osivaka na vakarusai ni bulumakau koula mai Peciaveni o ira na vakaitikotiko mai Samaria. Era na tagicaka o ira oqo kei ira na bete ni kalou matakau. Era na qolouvaka ena gauna sa luvati laivi kina na kena lagilagi.

Osea 4:15

Ia kevaka o sa ia na veibutakoci o iko Isireli, me kakua ni beitaki kina o Juta. Kakua ni la'ki sokalou i Kilikali se i Peciaveni, se mo vosa bubului maikea ena yaca ni Kalou bula o Jiova.

Osea 5:8

Dou uvuca na davui mai Qibea! Dou vakatagica na alamu mai Rama! Dou tabalaka na kaila ni vakacibi i valu mai Peciaveni! Dou vakarau ki na i valu, oi kemudou na Penijamini!

Josua 16:1

Na vanua ka nodra i votavota na kawa i Iosefo a tekivu mai na Joritani volekati Jeriko, ena tokalau ni veivurevure ni wai e Jeriko ka gole yani ki na vanua lala. A lako mai Jeriko ki na vanua veidelana me yaco sara ki Peceli.

Josua 18:11

E a solia e liu na nodra vanua na veivuvale ena mataqali i Penijamini. Sa koto na nodra vanua ena veimama ni mataqali i Juta kei na mataqali i Iosefo.

Josua 2:1

Sa qai talai rau vakavuni e rua na yamata ena keba mai Sitimi o Josua, ka tukuna vei rau, “Drau la'ki vakaraica vinaka na vanua, ka vakabibi na koro o Jeriko.” Ni rau yaco yani ki Jeriko, e rau sa mani curu sara ki na nona vale e dua na yalewa dautagane, na yacana o Reapi, ka tiko kina.

Josua 3:16

a sa qai mudu vakasauri na drodro sobu mai ni wai. Era a bini vata na wai ena tolo ni uciwai ki cake, donuya na koro o Atama ena yasayasa vaka-Saricani, ka muduki sara kina na drodro sobu ni wai ki na Waitui Mate. Era sa qai takoso ki na tai kadua o ira na Isireli ena vanua sa veidonui kei Jeriko.

Josua 6:1

A sa sogolati matua sara na bai kei Jeriko, ena gauna o ya, ena vukudra na Isireli. A sa sega kina ni rawa vua e dua me curuma yani, se lako tani mai kina.

Josua 7:2

Sa qai talai ira eso na tamata o Josua mai Jeriko ki Ai, e dua na koro ena tokalau kei Peceli, volekati Peciaveni. E a vakaroti ira me ra la'ki vakadikeva na vanua taucoko. Ni ra sa vakayacora oti na ka era sa talai kina,

Josua 8:15

Ia o Josua kei ira na Isireli, era sa vakaraitaka vakalecaleca ga ni ra sa vakadrukai mai vei ira ka dro yani vaka ki na loma ni veikau.

1 Samuela 13:5

Era a kumuni vata na kai Filisitia me ra vala kei ira na Isireli; ka sa tu vei ira e 30,000 na qiqi ni valu, e 6,000 na lewe ni mataivalu vodo ose, kei na matasotia levu ka kedra i wiliwili sa vaka na mata ni nuku e matasawa. Era a la'ki tiko mai Mikimasi, vaka ki na tokalau mai Peciaveni ka tara keba e kea.